السلام عليكم ورحمة الله وبركاته
وحشتوني والله ...
الموضوع زي ما في العنوان...
انا من زمان كان نفسي اعمل الموضوع ده في عربيتي
سافرت ومعملتوش طبعا
ودلوقتي قلت بما اني متاخر في الموضوع ده وصعب انفذه عملي فعالاقل اشرحه نظري واوضح المطلوب في انتظار ان حد يعمله فعليا بنفسه ويتحفنا بالتقرير الحقيقي...

مبدئيا الموضوع مش صعب ابدا لكن محتاج توفير بعض الحاجات وهي حاجات موجوده وسهل توفيرها
ثانيا عايزه مزاج وروقان وكاميرا لتصوير الموضوع....

نبتدي على بركة الله...
مبدئيا عشان نخلي التنك والشنطه يفتحو من جوه محتاجين تعديلات في باب التنك ومحتاجين اضافات لباب الشنطه...
ومحتاجين الوايرات اللي بتوصل مابين التنك والشنطه والدراعات اللي برضو احنا محتاجينهم
هههههههههههههههه

مبدئيا هنجيب دراعين شنطه وتنكي استيراد بتوع اي عربية وكمثال الفيرنا او اي عربية زي الشكل ده:



وهنجيب وايرات واعتقد نفس الشخص اللي عنده الدراعين هيبقى عنده الوايرين برضو او تجيبو واييرات فتح الكبوت الفكره نجيب الوايرات وبتبقى اشكالها زي دي:

دول للبنزين بيبقى في طرفهم لسان ده اللي بيتشد عشان باب تنك البنزين يفتح...





وده للشنطه:


تعديل باب تنك البنزين...
ممكن لو حابين متعدلوش عالباب الاصلي تجيبو باب تنكي استيراد او جديد مش هيعدي 20 جنيه

التعديل ببساطه اننا هنشيل مكان المفتاح وتتطبب بصاجه وليها لسان وتترش بنفس اللون
ويتحط عالمفصله قطعة صاجه متنيه بالشكل اللي في الصوره ودي وظيفتها انها هتنطر الباب فيفتح
نشوف الصوره




طبعا اللسان بتاع الواير له مكان وهو نفس مكان العمود الموجود حاليا اللي قفل التنك بيقفل بسببه..



الشنطه اعتقد اسهل من تنك البنزبن
كل الفكره اننا عايزين الواير يقوم مهمة الصباع الخارجي اللي بندوسه
وبالتالي هيتحط بشكل يشد اللسان الداخلي...
انا مفكتش الفبره الخلفيه للباب ومشفتش الموضوع بعيني فممكن هنا الاستعانه باي حد بتاع بيبان ومفاتيح حيظبها مية الميه ان شاء الله

آدي صور:
هنعدي الواير من الفتحه دي وتنزل جوه الباب



ودي طريقة توصيل الواير على الباب الخلفي



طبعا واضح الفرق بين واير تنك البنزين اللي طرف منه فيه بليه او كوره والطرف التاني اللي فيه لسان وبين واير الشنكه اللي طرفينه زي بعض كور
وظيفة الكور دي انها بتتمسك في شناكل للتثبيت

اللي شاف واير البنزين راكب ازاي هيفهم قصدي كويس

طبعا الصور دي كلها على الماروتي ومنقوله من مواقع هنديه بعد التنقيب وعقبال منفرد بصور تفصيليه اكتر خاصه بينا

مستني رايكم ومنتظر اول واحد يطبق الموضوع ...
الموضوع كتكلفه مش حيعدي باذن الله ال 150 جنيه وممكن اقل بكتير...

لسا في شوية صور مهمه هرفعها في البوست الجاي ان شاء الله...

تحياتي للجميع