تجربة تفريغ نص بولو كلاسيك فى ابيزا 98 (الجزء الثانى)

**Karim Ibiza** · 16-02-2013 01:03 PM

المشاركة الأصلية كتبت بواسطة mido_antouhh

ربنا يباركلك يا كريم باشا
مبرررررررررررررررروك ياباشا هو ده الكلام
بص ممكن تفدنى جبت الكلام ده منين وبكام وسقط فين وعمل اه
وانت بتدور اكعبلت فى نص بولو 2000
ولا لا ياباشا انا بدور على نص بولو كامل

الله يبارك فيك يا ميدو وعقبالك
انا جبته من عند الراجل بتاع القبارى اللى قولتلك عليه قبل كده والميكانيكى فى ابيس على الطريق السريع
على فكرة الراجل بتاع القبارى عنده نص بولو نفس لون وموديل عربيتك بس مش عارف بكام
ان شاء الله هكتب التكلفة مجمعة فى الجزء الاخير

**Karim Ibiza** · 16-02-2013 01:06 PM

المشاركة الأصلية كتبت بواسطة eleanor

الف مبروك وياريت تقولنا كان ايه انطباعك اول ما استلمت العربيه ولما جربتها وربنا يكفيك شر طريقها وشر عيون الناس

الله يبارك فيك
مش هقدر احكم عليها دلوقتى لأن لسه فيه شوية حاجات لازم تركب هبقى اقول عليها فى الجزء القادم
بس عموما انا الحمد لله مبسوط

**Karim Ibiza** · 16-02-2013 01:07 PM

المشاركة الأصلية كتبت بواسطة engahmedsamy

مبروووك يا باشا

الله يبارك فيك
شكرا لمرورك

**Karim Ibiza** · 16-02-2013 01:12 PM

المشاركة الأصلية كتبت بواسطة SYD

انا بصراحة كنت محتار بين امرين
اختار معجب بالمشاركة ولا اشكرك علي المشاركة
بس هقولك
تسلم ايدك وربنا يباركلك في عربيتك ويديك خيرها ويكفيك شرها

الرد والتعليق محتاج وقت وانا للاسف رايح الشغل دلوقتي :-(
بس اول لما افضي - هفتح الموضوع وامخمخ فيه وهرد عليك

تحياتي

ولا يهمك ياباشا هعتبرك اختارت الاتنين وكل واحد ونيته

الله يكرمك

مستنى ردك

**Karim Ibiza** · 16-02-2013 01:14 PM

المشاركة الأصلية كتبت بواسطة sam_eh420

ربنا يوفقك وان شاء الله متلقيش مشاكل تاني .
ومتشكرين جدا لمجهودك ونقلك للتجربة اللي ان شاء الله افادتنا كتيير ,

يارب ان شاء الله احسن الواحد بقى على اعصابه
العفو احنا كلنا هنا عشان نفيد بعض

**Karim Ibiza** · 16-02-2013 01:20 PM

المشاركة الأصلية كتبت بواسطة haissam24h

مجهود رائع قوى قوى قوى الصراحه ومغامرة عاوزة واحد قلبه ميت

الله يكرمك وربنا يقوينا ان شاء الله ويسترها

**Karim Ibiza** · 16-02-2013 01:22 PM

المشاركة الأصلية كتبت بواسطة matrix012

بصراحه يا كريم الموضوع ده يستاهل انه يبقى موضوع الشهر
مجهود رائع وان شاء الله نتيجه رائعه والف الف مبروك وربنا يستر طريقك يا كريم

الله يبارك فيك يامصطفى
ربنا يستر طريقنا كلنا

**Karim Ibiza** · 16-02-2013 01:22 PM

المشاركة الأصلية كتبت بواسطة s o p h o s

الف مبروك يا باشا ..

الله يبارك فيك
شكرا لمرورك

**Karim Ibiza** · 16-02-2013 01:26 PM

المشاركة الأصلية كتبت بواسطة Ahmed_Gallant

افضل موضوع شفته من 6 شهور على الاقل
اقل واجب تثبيت المجموعه كامله فى المنتدى لانك بكده عملت مرجع للى عايز يركب اى حاجه فى عربيه لانك مصور كل حاجه مفكوكه وبعد ما ركبت لو كنت كلمتنى وانت شغال فيها اكيد منت هسيب اللى فى ايدى واجيلك جرى حاجه متتعوضشى
الموضوع محتاج تنسيق الكلام بس ويبقى تحفه الله ينور عليك ويجعله فى ميزان حسناتك
موضوع تانى بعد ما تخلص موضوع التسقيط اسمه انطباعى بعد تسقيط نص بولو كامل ونلم المواضيع كلها فى موضوع نسميه تسقيط نص كامل بالصور ويتثبت كمان

الله يكرمك يا احمد
ان شاء الله تتعوض المرة اللى جاية

دى بقى شغلة سيد انه ينسقلنا الموضوع بطريقة كويسة ويغير العناوين بطريقة تتناسب مع المحتوى والقسم

**mahmoud ghanem** · 16-02-2013 02:05 PM

الف مبروك يا كريم باشا وربنا يديك خيرها ويكفيك شرها
بصراحة مجهود فوق الرائع تسلم ايدك
ويستحق عن جدارة انه يكون موضوع السنه كلها مش الشهر بس .. لانه مرجع لكل واحد عاوز يغير اى حاجة فى النص الامامى .
وياريت الموضوع دة فعلاً زى ما قال الاستاذ Ahmed_Gallant لازم يتثبت علشان يبقى مرجع لكل الاعضاء
وفكرته حلوة ان بعد ماتخلص ممكن نلم كل الاجزاء دى ويبقى موضوع واحد ومتصور كمان !!
تانى مرة الف مبروك وتسلم ايدك على المجهود الرائع