الموضوع: تجربة تفريغ نص بولو كلاسيك فى ابيزا 98 (الجزء الثانى)

المشاركة الأصلية كتبت بواسطة ehab_mansour

الف مبروك يا كريم
ما شاء الله ولا قوة إلا بالله موضوع رائع و شغل و تفكير اكثر من رائع و ربنا يباركلك و يوفقك لما يحبه و يرضاه
فيه نقطتين منبهر بيهم
اولا معرفتك و المامك بالموضوع كله و كل صغيره و كبيرة و توقعك لكل شيء قبل ما تعمل حاجه و تحليلك لكل مشكلة بتقابلك ...بجد بجد برنس و برضه نظرتي مبتخيبش ابدا
ثانيا الميكانيكي و اختيارك ليه... جبته منين الراجل ده اللي بينقلك كلبسات الفوانيس و مساميرها عشان العادي هيبوظ الفبريكة ؟ و بينقلك كل حاجه بكلبساتها !!!!!!!!!!!!! ايه يا ناس انا في حلم ولا ايه ... مشفتش حد كده إلا القليل قوي قوي كمان يعني ممكن نقول 5 % و تبقي كتيره كمان

علي العموم ربنا يباركلك و لو احتاجت شيء كلمني و انا من عنيا الاتنين

فيه نقطة مهمة جدا في الموضوع و هو الشكمان ... خلي بالك و قلي هتحلها او حلتها ازاي لأنها نقطة خطيرة و مشكلة بتقابل التسقيط دايما .. و خلي بالك ان قطر الشكمان بيختلف تماما باختلاف نوع المحرك و سعته و قوته و كل واحد له مقاسات و مواصفات و مكونات محدده عشان تخرج من المحرك المناسب بشكمانه المناسب أداء مناسب
منتظر ردك حول النقطة دي
و بالتوفيق ان شاء الله

الله يبارك فيك ياباشا
احنا بنتعلم منك

بالنسبة للنقطة الاولى: انا قعدت 3 شهور بدرس وبذاكر فى النص ده وكل ما افتكر حاجة عايز اتأكد منها اروح معدى على الراجل واقولوا معلش عايز ابص على حاجة لدرجة والله العظيم الراجل قاللى مش عايز ابيعلك النص بس رغم كل ده برده فيه كام حاجة مبانتش غير بعدين مكنتش عامل حسابها بس الحمد لله كلها حاجات بسيطة واتحلت

بالنسبة للنقطة التانية: الراجل الميكانيكى الله يباركله صاحب الورشة ده شاب فى اول العشرينات خريج هندسة من الاكاديمية العربية للعلوم والتكنولوجيا والنقل البحرى والموضوع بالنسبة له هواية اكتر منها مهنة لأنه بيحب العربيات ومعاه عربيته لانسر فيها موتور مايفك 2400 تربو وحتى الراجل اللى شغال معاه الله يباركله برده تقريبا كان زميله لأنه نفس السن و طريقة نطق المصطلحات بالانجليزى بطريقة صحيحة للنطق بتبين ان الناس دى متعلمة ازاى, وهما صحاب ناس صحابى

تسلم عنيك ياباشا وربنا ميحرمنا منك

بالنسبة لنقطة الشكمان: متقلقش مافتتنيش