مركز صيانة تويوتا

**m_galal_elgalaly** · 17-02-2013 10:55 AM

السلام عليكم ورحمة الله وبركاته
الحمد لله ربنا كرمنى واشتريت تويوتا ياريس فكنت بسأل عن مركز صيانة متخصص فى التويوتا يكون نضيف واسعاره معقولة ويكون قريب من مدينة نصر او التجمع....وكنت عايز اعرف ايه اللى المفروض اغيره بالظبط فى العربية للصيانة العادية.
وشكرا

**S O P H O S** · 17-02-2013 12:55 PM

الف مبروك يا باشا العربية
اول شئ طبعا هتغير زيت وفلتر وتبص علي الميه وتكشف علي التيل والعفشة تشوف لو اوتو زيت الفتيس
وبالمرة غير فلتر الهواء ..
الصيانة التانية الي هي سيور وخلافه دي هتبقي فمكان الصيانة وهيشوف ايه الي محتاج تغير وايه لا
ربنا يوفقك للخير ومبروك مرة تانية انضمامك لينا
تحياتي ..

**m_galal_elgalaly** · 17-02-2013 04:03 PM

المشاركة الأصلية كتبت بواسطة s o p h o s

الف مبروك يا باشا العربية
اول شئ طبعا هتغير زيت وفلتر وتبص علي الميه وتكشف علي التيل والعفشة تشوف لو اوتو زيت الفتيس
وبالمرة غير فلتر الهواء ..
الصيانة التانية الي هي سيور وخلافه دي هتبقي فمكان الصيانة وهيشوف ايه الي محتاج تغير وايه لا
ربنا يوفقك للخير ومبروك مرة تانية انضمامك لينا
تحياتي ..

ربنا يبارك فيك يا باشا والف شكر بس كنت عايز اعرف ايه اقرب مركز صيانة وميكانيكا متخصص فى تويوتا فى نطاق مدينة نصر والقاهرة الجديدة ويكون اسعاره معقولة...وفى سؤال تانى صغير...فى لمة فى التابلوه بتنور وتطفى مع تدوير العربية مكتوب عليها p/s دي بتاعة ايه؟؟؟؟

**Y a r i s** · 17-02-2013 05:05 PM

عندك اقرب مركزين العالمية في الحرفين تخصص تويوتا
وعندك المتحدة في المعادي جمب موقف صقر قريش ... وعندك لو ركبت الدائري ونزلت ميدان لبنان امشي في شارع السودان كانك رايح على فرغلي هتلاقي مركز خدمت تويوتا اسعارهم معقوله التالاته

وفي توكيل جمبك على الدايري ( الفطيم) هتلاقي كده معرضين هوندا وتويوتا اهو هو ده

**mrs-kadous** · 17-02-2013 09:31 PM

المشاركة الأصلية كتبت بواسطة m_galal_elgalaly

السلام عليكم ورحمة الله وبركاته
الحمد لله ربنا كرمنى واشتريت تويوتا ياريس فكنت بسأل عن مركز صيانة متخصص فى التويوتا يكون نضيف واسعاره معقولة ويكون قريب من مدينة نصر او التجمع....وكنت عايز اعرف ايه اللى المفروض اغيره بالظبط فى العربية للصيانة العادية.
وشكرا

مبروك عليك الياريس عربيه هايله المفروض تسال صاحب العربيه عن المواعيد اللي عمل فيها الصيانه غلشان متغيرش خاجه متغيره قبل كده . الزيت والفلاتر اهم وسير الكتينه لا تهتم لانه جنزير مش كاوتش .. التوكيل اللي علي الدائرى كويس بس بالحجز

**Lifz_Good** · 17-02-2013 11:16 PM

المشاركة الأصلية كتبت بواسطة m_galal_elgalaly

ربنا يبارك فيك يا باشا والف شكر بس كنت عايز اعرف ايه اقرب مركز صيانة وميكانيكا متخصص فى تويوتا فى نطاق مدينة نصر والقاهرة الجديدة ويكون اسعاره معقولة...وفى سؤال تانى صغير...فى لمة فى التابلوه بتنور وتطفى مع تدوير العربية مكتوب عليها p/s دي بتاعة ايه؟؟؟؟

اختصار باور ستيرنج

ودا معناه ان نظام التوجيه في العربية فيه مشكلة
إلا لو كانت بتطفي بعد ما تدور

لو بتفضل شغالة وانت ماشي يبقى عطل زي ما وضحتلك

واتأكد من كلامي في الكتالوج في قسم اللمبات التحذيرية

وألف مبروك عليك السيارة
وربنا يحفظنا ويحفظك ويحفظهالك

**Y a r i s** · 18-02-2013 03:02 AM

لا ياباشا طبعاً في فرق في السعر
انتا عندك التوكيل من ساعت متدخل العربية ويتفتح لها امر شغل بتتحاسب بالساعة ومش عارف الساعه بسبعين جنيه والحسابة بتحسب

ورغم اني تويوتاوي صميم ... وياباني حتى النخاع بس اسمحلي اقولك. طقم الموظفين بالمهندسين في تويوتا عدم اللمؤخزة بياع الفجل والجرجير والبرتقان بيفهم اكتر منهم

انا كز مره اروح وابقى نفسي ابهدلهم ... وامسكهم اغسلهم بس بقول يا واد سيبك منهم ... متحرقش في نفسك ودمك علشان شوية عيال كل همهم مرتب اخر الشهر ، في اكتر من اني راهنت مهندس الاستقبال بتاع ابو رواش وطلعتوا حمار وهزئتوا بكل ادب ولسه وخليت وشو جاب الوان ... وطلع يجري على مديرو ... ومديروا يقولوا ياعم قولوا كلمتين وراضيه ومشيه او قلوا هنبقى نشوف المشكلة دي في الصيانة الي جايه وخلاص ( مشي حالك)

فالي هتوفروا في مراكز الخدمة انتا اولى بيه وكده او كدة هتلاقي مركز الخدمة بيخاف على سمعتوا اكتر من التوكيل وعاوز يربي زبون بس التوكيل ماشي على نظام. عاجبك على كده عجبك مش عجبك بيعها واشتري عربيه غيرها. بالزات توكيل مصر ... اما عن اللمبة البي وسي انا مش مركز ومش متزكر هرجع للكتلوج وتقول لحضرتك ولا يهمك

بالنسبة لمدام قدس هو مزبوط كلام حضرتك ان السير في العربية جنزير مبيتغيرش بس خلي بال حضرتك في سير تاني. لازم يتغير تقريبا كل ٦٠ الف كيلو الي هو اسموا سير المجموعة واعتقد انوا متوصل الكومبريسور بالدينمو بطرومبة المية كمان مش متزكر بالزبط الزهيمر عامل شغلوا :)

**m_galal_elgalaly** · 18-02-2013 06:46 AM

المشاركة الأصلية كتبت بواسطة ali_affan

اختصار باور ستيرنج

ودا معناه ان نظام التوجيه في العربية فيه مشكلة
إلا لو كانت بتطفي بعد ما تدور

لو بتفضل شغالة وانت ماشي يبقى عطل زي ما وضحتلك

واتأكد من كلامي في الكتالوج في قسم اللمبات التحذيرية

وألف مبروك عليك السيارة
وربنا يحفظنا ويحفظك ويحفظهالك

لا هي الحمد لله بتطفى علطول مفيهاش مشكلة انا بس كنت عايز اعرف معناها...والله يبارك فيك وشكرا على افادتك.

الموضوع: مركز صيانة تويوتا

LinkBack

أدوات الموضوع

عرض

-

-

-

المواضيع المتشابهه

تقرير صيانة تويوتا ياريس أوتوماتيك - مركز توب جير

شباب المنصورة : حد اتعامل مع مركز الدلتا (مركز صيانة معتمد لهيونداى )؟

ماهو افضل مركز صيانة اقدر اعمل فية صيانة شاملة

فين مركز صيانة تويوتا ايجيبت اللى فى اسكندرية ؟

تقرير مبدئى عن صيانة ال5000كم فى مركز صيانة العامرية

الكلمات الدلالية لهذا الموضوع

المفضلات

المفضلات

ضوابط المشاركة