بص حضرتك عمليا صعب جدا تبنى قرار الشراء معتمدا على توافر صاج او زجاج او فوانيس خارج التوكيل لأن الاجزاء دى مش استهلاكيه زى أجزاء الموتور يعنى بتتغير نتيجه حدوث خبطه او حادث فقط لاقدر الله و مش لكثره الاستخدام . طبعا انا معاك ان احتمالات التعرض للحوادث و الخبطات عالى و كل حاجه لكنه فى الاخر يظل احتمال قد يحدث و قد لا يحدث و ما ينفعش تعطى له اولويه تخليك تفضله عن أشياء زى مميزات السياره الاصليه زى الوسع الداخلى و العفشه و الموتور المحترم و التوفير فى استهلاك البنزين و نظرا لانه احتمال فممكن حضرتك تأمن على العربيه مع شركه تأمين محترمه و بكده لو لاقدر الله احتجت تغير حاجه تبقى تغيرها فى التوكيل برضه بقطع غيار اصليه و حتى لو ما عملتش تأمين زى ما قلت لحضرتك دى مش قطع استهلاكيه هتحتاج تتغير باستمرار نتيجه الاستخدام يعنى. بالنسبه لسؤال حضرتك عن انتشار العربيه هى لا تقارن ب اللوجان او الهيونداى او الفيرنا مثلا فى المبيعات فهى المباع منها فى ٢٠١٢ كان حوالى ٦٥٠ عربيه و بالتالى اى مستورد لو استورد لها حاجات من بره المنطق بيقول انها هتبقى بكميات قليله نظرا لان العربيه لا تعتبر منتشره مقارنه باللوجان مثلا اللى بايعه اكتر من ٥الاف عربيه و طبعا لو بيشتغل فى ميزانيه محدده و بيبيع قطع غيار للعربيتين لازم نتوقع ان اللى هيجيبه اكتر بكتير هيبقى قطع غيار اللوجان لانها الأرخص و احتمال بيعها أكثر لكن بالنسبه للمشترى الوضع مختلف فهو بيشترى عربيه واحده قطع غيار الميكانيكا سعرها زى اى عربيه عاديه أما بخصوص الحاجات التانيه انا مش متأكد من سعرها الان بعد الزياده فى سعر الدولار بس دى حلها سهل بان حضرتك تكلم رينو و تطلب ان حضرتك تكلم بتوع مخازن قطع الغيار و تستفسر منهم عن الاسعار و تعرف ساعتها هى غاليه و لا عاديه مقارنه بالعربيات الزيرو و بسعر الحاجات اللى فى رينج السعر بتاعها و ساعتها تقدر تحدد هل هتبقى محتاج تروح لحد بره التوكيل و لا لأ و هتقدر تحكم على العربيه بنفسك مع اخذ كل العوامل فى الاعتبار
المفضلات