الموضوع: بعد عناء تغيير اجزاء فى العفشه عقبال الباقى

المشاركة الأصلية كتبت بواسطة s o p h o s

الف مبروك ..

ربنا يبارك فيك ومتتحوجشى للعفشجى ابدا :)

المشاركة الأصلية كتبت بواسطة hossamalsadik

مبرووك تغير العفشه وسوق براحه السواقه ملهاش كبير
الفرامل مهمه جداااااا فى العربية أهتم بيها ولما تحب تشد بالعربيه شد لوحدك لكن لوحد راكب معاك ماينفعش لانك أمين عليه ومسؤل منك .

ربنا يبارك فيك يا حسام بس تعرف انا من الناس اللى مش بتغامر فى السواقه بس الدنيا كانت ليل والطريق فاضى وهلدئ بس نعمل ايه لعربيات الفولكس ولا نور ستوب ولا ركنه على جنب فهيا لى انه ماشى مش واقف الحاجه التانيه كل اللى كانوا معايا بيسوقوا عشره على عشره وبيثقوا فيا جامد فى السواقه لدرجه ان محدش اتكلم غير الراجل بتاع الزوايا هو بس اللى قاللى حاسب واتوتر قوى بس بصراحه عنده حق انا ركبى سابت ومكنتش عارف اسوق لمده ربع ساعه يعنى تقدر تقول ان اخوك حريص جدا فى الشد بس العربيه اغرتنى بشكل اول مره تعمله معايا الحمد لله على كل شئ

المشاركة الأصلية كتبت بواسطة ehab_mansour

الف مبروك يا احمد بيك و ربنا يعينك عليها و العفشة بالذات لما تنتهي زي ما بتوصف كده و زي مانا جربت لما بتغيرها بتحس بفرق كبيييييييييييييييييير اكنك ركبت عربية تانية

بخصوص الفرامل الخلفية انا اعتقد انها محتاجه تغير تيل و تشدها و بس لأن الطنابير الخلفية علي شكل drum اللي بنسميها بالبلدي طنابير حلة و دي مش بتتاكل ولا بتغيير حسب ما شفت بنفسي لكن فراملها ليها طقم تيل و مجموعة اسنان كده بتشد منها الفرامل عشان تبقي قوية

ربنا يبارك فيك طيب انا هروح احل الطنابير عند صاحبى واشوف مالها بس انا كل اللى حيلتى 100 بلبل بعد المجزره اللى فاتت هيكفى املا التيل بتاع العجلتين ولا هحل واتصدم واركبهم تانى

المشاركة الأصلية كتبت بواسطة ahmed pico

3- بارات خارجيه 150 توبران

جبت البارات منين يا هندسه لو سمحت ومبروك وربنا يباركلك فيها
وهل تركب على بولو 1996 ولا لا ؟؟

البارات من فتح الباب اللى فى فيص وفى ماركه اقل منها ب130
هو سالنى على موديل العربيه لكن اعتقد والله اعلم تركب عندك لتشابه العفشه اصل علبه الدركسويون اللى بتتباع عند محل قطع الغيار بتاعه بولو وبتركب على ابيزا وهى ايه العلبه غير حبه بارات فوق بعض :)

المشاركة الأصلية كتبت بواسطة matrix012

الف مبروك يا باشا تعيش وتدوب

ربنا يبارك فيك يا مصطفى بيك ومتنساش انك انت الى فتحت الفاتحه دى وسخنتنا كلنا على العفشه

المشاركة الأصلية كتبت بواسطة midoazzam

ياريت لو تقولنا على عنوانه بالظبط

والله كعنوان صعب بس هى وصفه متوهشى
انت هتوصل لحد مشعل وده اخر شارع الهرم بعد المريوطيه وهتضطر عشان تاخد اليوتيرن انك تلف من الرمايه لان الفتحه اللى عند مشعل اتقفلت المهم انك تلف وتبقى قصاد جاد من الناحيه التانيه هتلاقى شارع على ناصيته محل الاهرام للنظارات واجهته زجاج اسمه شارع زغلول وعلى فكره انت ممكن تسال عليه فى شارع الهرم من بعد ما تعدى العريش هتسال اى واحد بتاع ميكروباص هتفضل ماشى فى الشارع ده من 500 الى 750 متر تقريبا وانت ماشى اسأل على صابر بتاع الفول الف مين هيدلك مشهور بشكل غير طبيعى المهم اول ما توصل لصابر هتلاقيه على ايدك اليمين محل صغير كده بتاع فول وطعميه هتلاقى الشارع مقسوم قدامك ياما تكمل فى الشارع الرئيسى زغلول ياما هتاخد الفرده اليمين المهم تاخد يمين وتمشى 50 متر هتلاقى سمكريه هتسال على شعبان بتاع العفشه هتلاقى محل صغير جنب القهوه لو لقيت شعبان مش هناك او الورشه فاضيه هتكمل بعد الورشه وتاخد تانى شارع يمين هتلاقى بيت مبنى جديد والدور الارضى مليان عربيات وفى عربيات فى الشارع هو ده ولو عرفت تكلمنى ممكن اقابلك هناك يبقى يمنك يعمل معاك اى واجب