العربية Vibrating

**ashraf3** · 19-02-2013 04:03 PM

السلام عليكم جميعاً
وانا ذاهب الى شرم الشيخ وبعد ان غيرت فيشة طلمبة البنزيين وفي نصف الطريق تقريباً سمعت صوت طقطقة من الامام ثم بدأت السيارة تترجرج او تهتز باستمرار ويزداد الاهتزاز كلما ظغطت على دواسة البنزين وبعد ذلك لاحظت ان هذا الاهتزاز يبداء يظهر بداية من سرعة 50 كم
بصراخة ان تعبت كل اما اعالج مشكلة يظهر غيرها

**mshmshm3** · 19-02-2013 04:27 PM

ممكن قواعد

**AlGazar2** · 19-02-2013 04:30 PM

دى قواعد او كويلات

**MohammedAladel** · 19-02-2013 04:30 PM

دى أعراض كويلات

عربيتك ماشية 2 سلندر او 3 سلندر على حسب عدد الكويلات اللى بايظ عندك

الكويلات ليها اختبار واحد وبس ملوش تانى

إن يكون معاك كويل سليم وتبتدى تفك كويل من اللى راكبين وتركبه وتشوف هل الهزة بطلت ولا لأ

وممكن قواعد برضه :)

**MohammedAladel** · 19-02-2013 04:37 PM

عايز كمان تتأكد إن كانت كويلات أو لأ

أمشى بالعربية عادى لحد ما توصل للغيار الرابع ( الفتيس الأوتو ) وبعدين هات الفتيس على حارة المانيوال وأعمل كيك داون للتالت شوف الهزة هتروح ولا لأ لو راحت يبقى كويلات ولو ما راحتش ممكن يكون كويلات برضه

طيب لما توصل لسرعة 90 الهزة بتروح ولا لأ ؟

بالنسبة لخطورة المشى بالعربية وفيه كويل بايظ دا بيأثر على المحرك ويأثر على الفتيس وهيبان قوى فى النقل خاصة من الأول للتانى والتانى للتالت مع الفتيس الأوتو

هيأثر على الشكمان وعلى قواعد الشكمان وعلى علبة الببينة بسبب البنزين الغير مكتمل الأحتراق ويأُثر على قاعدة الموتور والفتيس وشداد الموتور ويقصر عمرهم بسبب الاهتزاز والضغط الغير طبيعى

لو أتأكدت إنها كويلات بلاش تمشى بالعربية نهائى

لو كويل بايظ نصيحة تفك كل الكويلات وتفك كل البوجيهات وتشوف ثغرتها وتتأكد إن كلهم مضبوطين على 0.9 مللى

**ashraf3** · 19-02-2013 05:08 PM

شكراً للجميع على سرعة الردود
والهزة مبترحش على سرعة ال 90
ولو ركنت السيارة لخين اصلاحها حصلخها فين وانا في شرم فهل من الممكن ان اقودها وهي على هذة الحالة الى القاهرة لاصلاحها اي حوالي 500 كم ؟