الموضوع: ال cd فى الداستر استقل عن كونتكت العربية

المشاركة الأصلية كتبت بواسطة beeronasr

هى حاجة بسيطة بس محيرة شوية.
العربية معايا بقالها عشر شهور و الراديو شغال مع العربية - تدور العربية الراديو يكتب hello و يشتغل و تطفى العربية يكتب good bye و يطفى -
من اسبوع بس لاحظت و انا بطفى العربية ان الراديو مطفاش -
و من اللحظة دى أعلن الراديو استقلالة التام عن العربية و بقى يشتغل و يطفى من زرار الراديو و ليس كونتكت العربية.
باقى العربية كلة تمام و مافيش اى مشاكل فى اى حتة تانية فى العربية.
تفتكروا اية دة و من اية؟
مع الشكر.:b4_007:

الراديو فيه امكانيه تشغيله حتى اذا كنت شايل المفتاح -لو شغلته يدوى بالضغط على الزرار البكره الى الداخل لازم تطفيه يدوى
انا جربتها فى يوم - وعشان اشغله مع الكونتاكت طفيته يدوى بعدين شغلت العربيه وبعدين شغلته
جرب كده لو مشتغلش مع الكونتاكت بالطريقه دى لازم تروح التوكيل
تحياتى

روح التوكيل خليهم يشوفوا المشكلة لان دو مش طبيعي

هو الطبيعى ان لو قفلت الكونتاكت خالص ان الكاسيت المفروض يفصل هو كمان لوحده وده نوع من الامان علشان ما يفضيش البطاريه و العربيه مركونه أما الوضع التانى فهو لو المفتاح فى الكونتاكت على تكه واحده و فى الحاله دى الكاسيت بيشتغل عادى لوحده و يتلاقى نور التابلوه منور و تقدر كمان تتحكم فى الزجاج فى الوضع ده يعنى كل حاجه بيبقى واصلها كهربا و ده معمول علشان لو كنت واقف انتظار. فتره قليله تقدر تشغل الكاسيت و تتحكم فى الزجاج و طبعا لو الفتره زادت ممكن تؤثر على البطاريه لان الكهربا بتتأخد منها و كمان غلط على الكونتاكت نفسه فيستحسن انها تكون اقل ما يمكن او ما تستخدمهاش ان امكن.

و من الكلام اللى فات لو حضرتك كان الكونتاكت مقفول خالص و مع ذلك الكاسيت شغال يبقى هناك مشكله بس حضرتك ياريت تشوف بالمره إذا كنت هتقدر تفتح الزجاج و تقفله و لا لأ علشان تعرف هى مشكله كاسيت مع كونتاكت فقط و لا الكونتاكت فيه مشكله بصفه عامه و ما بيفصلش الكهربا عن العربيه عند غلقه . فى الحالتين هيفحصوا الكونتاكت بس لو مشكله بين الكاسيت و الكونتاكت فقط بينما الزجاج ما بيطلعش و ينزل هيبقى الفحص و الحل اسرع و احتمال تكون سلكه ملمسه وده حصل نتيجه مطب مثلا او اثناء غسلو تنظيف حوض الموتور مثلا اما لو كل حاجه شغاله و الكونتاكت مقفول خالص ده هيبقى اصعب لان معناه ان الكونتاكت نفسه فيه مشكله و طبعا لو الكونتاكت بيبقى مفتوح على تكه واحده يبقى مفيش مشاكل .

حضرتك اعمل الاختبار البسيط ده و أحجز ميعاد للصيانه و ان شاء الله تطلع سلكه ملمسه تتظبط بسرعه . انا مش عايز أقولك اى كهربائى يعرف يعملها بره التوكيل علشان العربيه فى الضمان و القصد انى أوضح ان الموضوع بسيط مش محتاج لخبير يعنى و طبعا خليك فى التوكيل اضمن

المشاركة الأصلية كتبت بواسطة beeronasr

جزيل الشكر لكل من تفضل بالرد - هشوف مع التوكيل ان شاء اللة.
للعلم كهربة العربية كلها تمام و كلها بتفصل مع غلق الكونتكت الا الراديو و دراع المالتى فنكشن شغال تمام و كلة تمام.

أن شاء الله تبقى حاجه بسيطه زى سلكه ملمسه و تتحل بسرعه. انا بافكر اركب ديفيندر خلفى فقط بقالى فتره و النهارده عديت على شارع دمشق و لقيت محل عنده أشكال كتير و اسعار كويسه و انا بافكر فى الشكل اللى زى اللى بيبقى راكب فى الشيروكى اللى عامل زى المثلث ده. يا ترى ايه رأيكم فى الموضوع؟