الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة elshrpeny

الله يخليك يا باشا , ما هو دا عشمنا فيكوا برده ههههههههههه
إن شاء الله بس إنت إدعيلى إن ربنا يوفقنى كدا و أجيب الحاجة و أظبطها تظبيطة صح , و أنا بإذن الله أعملكوا تقرير جميل يفيد كل أعضاء المنتدى الكرام

وفي انتظار التقرير

ولو حد عنده اي استفسار يتفضل

ممكن سؤال ؟؟

هوا الحوار ده كله هيتكلف كام بالظبط ؟؟

حاجة تانية : هوا ايه لازمة 2 جى ام ماكفاية واحد بس .. وايه اصلا لازمة الجي ام ؟؟ هوا الكاسيت لوحده مش صوته قوى والبيز بتاعه جامد ؟؟ و ايه السماعات دى كلها هما يادوب سماعتين بايونير ورا وسماعتين مقاس 16 فى الابواب ولو هنزود يبقى 2 تريبل لكن ايه كل ده وبوازيك وحواديت هوا انا هعمل فرح العمدة ده انا جبت سماعتين هامر للكمبيوتر بعلى عالنص بس صوت البيز بيهز النجفه فى الاوضة وبيهز الارض والسقف عند الناس اللى تحت والصوت بيجيب لحد الشارع تحت امال لو عليت بقى ايه اللى هيحصل ؟؟؟ وكنت جايبهم ب 550 جنيه اخر سنة 2009

هههههههههههههه
روق كده ياعم انتا داخل شمال ليه كده
اولا عدد الصوت دي غيه . اللي غاويها سرقاه واللي مالوش فيها ماشي جنب الحيط وخلاص

تاني حاجه العده اللي بنتكلم عليها مش عده هبد ورزع ولا الهدف منها صوت عالي وخلاص

الصوت عباره عن موجات بترددات مختلفه . وكل مكون من اللي مش عجبينك دول بيدي تردد معين . ومع جمعهم بتحصل علي الصوت المكتمل المثالي . واللي هوا عباره عن صوت قوي مليان ومريح للودن ومهما سمعته ما تزهقش منه

احنا ممكن بجي ام واحد نشغل ده كله لكن هايبقي حمل عليه ويقلل عمره ويسحب كهربا كتير ويبقي حمل طبعا علي كهربة العربيه

معاك طبعا ان سماعتين وكاسيت بايونير كافيين . لكن لو انتا معتقد ان كده العده من غير صب ووفر تبقي كامله يبقي صدقني انتا فايتك كتير

ولو علي كلامك انك تجيب كاسيت بايونير وسماعتين بيضاوي وسماعتين مدورين وتويترات يبقي انا كده مش هازود عليك الا صب ووفر . يعني مافيش اختلاف كبير

اما بقي لو يهمك الاسعار

خد الكلام بقي وطبعا دي اسعار اليومين دوول الغاليه

الكاسيت والجي امات عدوا ال 3000 جنييييييه

والسماعات والصب والبازوكه والمصنعيات برده هايعدوا ال 3000 جنيه بالصلاه علي النبي

والموضوع تثقيفي لحضرات اعضاء المنتدي الكرام . مش الزامي يعني ...

المشاركة الأصلية كتبت بواسطة dr_7ooda

هههههههههههههه
روق كده ياعم انتا داخل شمال ليه كده
اولا عدد الصوت دي غيه . اللي غاويها سرقاه واللي مالوش فيها ماشي جنب الحيط وخلاص

تاني حاجه العده اللي بنتكلم عليها مش عده هبد ورزع ولا الهدف منها صوت عالي وخلاص

الصوت عباره عن موجات بترددات مختلفه . وكل مكون من اللي مش عجبينك دول بيدي تردد معين . ومع جمعهم بتحصل علي الصوت المكتمل المثالي . واللي هوا عباره عن صوت قوي مليان ومريح للودن ومهما سمعته ما تزهقش منه

احنا ممكن بجي ام واحد نشغل ده كله لكن هايبقي حمل عليه ويقلل عمره ويسحب كهربا كتير ويبقي حمل طبعا علي كهربة العربيه

معاك طبعا ان سماعتين وكاسيت بايونير كافيين . لكن لو انتا معتقد ان كده العده من غير صب ووفر تبقي كامله يبقي صدقني انتا فايتك كتير

ولو علي كلامك انك تجيب كاسيت بايونير وسماعتين بيضاوي وسماعتين مدورين وتويترات يبقي انا كده مش هازود عليك الا صب ووفر . يعني مافيش اختلاف كبير

اما بقي لو يهمك الاسعار

خد الكلام بقي وطبعا دي اسعار اليومين دوول الغاليه

الكاسيت والجي امات عدوا ال 3000 جنييييييه

والسماعات والصب والبازوكه والمصنعيات برده هايعدوا ال 3000 جنيه بالصلاه علي النبي

والموضوع تثقيفي لحضرات اعضاء المنتدي الكرام . مش الزامي يعني ...

انا رايق وزى الفل اهوه

انا عارف ان موضوع الصوت ده غية طبعاً واللى معهوش ميلزموش

وانا اصلا من هواة الميوزك والصوت الحلو النقى بس برضو عشان اصرف 6000 جنيه على ساوند سيستم بجد كتيير اوى ... طب اقولك على حاجة ... انا لو معايا همر H3 هقولك الدنيا حلوة ولوز اللوز

بس على فكرة الجى ام انا سألت عليه لقيته فى حدود 250 او 300 جنيه زى اللى التكاتك بتركبه وبتسمع المهرجان الجامد اللى بيشغلوه ده والكاسيت انا كنت جايبه ب 575 والسماعات البايونير البيضاوى رنج 350 لحد 500 جنيه يعنى المجموع كله تقريبا 1400 جنيه هنقول 1500 يبقى 6000 ليييييييييييييييييه

والموضوع ياباشا زى الفل وميه ميه بجد وكفاية انك تعبت على ماعملته

المشاركة الأصلية كتبت بواسطة sam4ever2010

انا رايق وزى الفل اهوه :10d5c8w1107:

انا عارف ان موضوع الصوت ده غية طبعاً واللى معهوش ميلزموش

وانا اصلا من هواة الميوزك والصوت الحلو النقى بس برضو عشان اصرف 6000 جنيه على ساوند سيستم بجد كتيير اوى ... طب اقولك على حاجة ... انا لو معايا همر h3 هقولك الدنيا حلوة ولوز اللوز

بس على فكرة الجى ام انا سألت عليه لقيته فى حدود 250 او 300 جنيه زى اللى التكاتك بتركبه وبتسمع المهرجان الجامد اللى بيشغلوه ده والكاسيت انا كنت جايبه ب 575 والسماعات البايونير البيضاوى رنج 350 لحد 500 جنيه يعنى المجموع كله تقريبا 1400 جنيه هنقول 1500 يبقى 6000 ليييييييييييييييييه :b4_592:

والموضوع ياباشا زى الفل وميه ميه بجد وكفاية انك تعبت على ماعملته :_alshmokh15[1]:

تمام انك كويس ورايق يا باشا

زي ما قلتلك الموضوع تثقيفي . مش الزامي , من باب العلم بالشئ يعني . يعني لما ربنا يفتحها عليك بالهامر يمكن تعوز موضوع زي ده . بس ما تنساناش ساعتها بس

وزي ما انتا قولت الموضع غيه . مش موضوع فلوس . والا كانوا يبقوا ال 1500 جنيه بتوع السيستم بتاعك بالنسبه لحد تاني مصاريف علي الفاضي وتبزير لكن عشان انتا غاوي : اشتريت

والجي امات انواع وقدرات مختلفه وبتبدأ من أول 35 جنيه وانتا طااااااااااااااالع

وأي حد بيطلب نصيحه هنا في المنتدي عن سيستم بيحدد ميزانيته وطلباته واحنا بنحاول نساعدد علي قد ما نقدر

وشكرا يا فندم علي تقديرك للموضوع . واحنا تحت امر اعضاء المنتدي المحترم

المشاركة الأصلية كتبت بواسطة dr_7ooda

تمام انك كويس ورايق يا باشا

زي ما قلتلك الموضوع تثقيفي . مش الزامي , من باب العلم بالشئ يعني . يعني لما ربنا يفتحها عليك بالهامر يمكن تعوز موضوع زي ده . بس ما تنساناش ساعتها بس

وزي ما انتا قولت الموضع غيه . مش موضوع فلوس . والا كانوا يبقوا ال 1500 جنيه بتوع السيستم بتاعك بالنسبه لحد تاني مصاريف علي الفاضي وتبزير لكن عشان انتا غاوي : اشتريت

والجي امات انواع وقدرات مختلفه وبتبدأ من أول 35 جنيه وانتا طااااااااااااااالع

وأي حد بيطلب نصيحه هنا في المنتدي عن سيستم بيحدد ميزانيته وطلباته واحنا بنحاول نساعدد علي قد ما نقدر

وشكرا يا فندم علي تقديرك للموضوع . واحنا تحت امر اعضاء المنتدي المحترم

على ايه ياباشا ربنا يخليك انا بهزر معاك على فكرة .. بنكشك بس

أولا تقرير جميل طبعا
ثانيا عاوز اجيب بازوكا و جي ام
ناس بتقول البازوكا jpl و ناس بتقول pioneer
انهي احسن من وجهة نظرك ؟ و الجي ام ال 400 وات 2 تشانيل هوصل عليه البازوكا بس .... كويس ؟ ولا لأ
و ياريت الأسعااااااار