الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة HeshamBorhan

نسيت تقول لى ال CD-Changer اللى عندى خلاص كبوت ولا ممكن يوصل على الكاست البايونيير 6450

هشام يؤمر واحنا ننفز . ودايما تحت الامر

طبعا طالما بنتكلم في فلاشه يبقي نسيب السيديهات دي للناس اللي قدها . الفلاشه صوت وسرعة تشغيل مختلفه تمامااااااا

بس يفضل انك تسيب العده الاصليه عندك ما تبيعهاش عشان لما تيجي تغير العربيه ان شاء الله تركبهم تاني وتعين العده الجديده للعربيه الجديده
والسيدي تشينجر خليه راكب في العربيه ما تشيلهوش

ولو قابلتك اي مشكله قول عليها علي طول واحنا تحت الامر .

بالتوفيق ..

المشاركة الأصلية كتبت بواسطة Abo-Yousef

حودة باشا ... كل سنة وانت طيب أولاً بمناسبة عيد الأضحى المبارك ( عالأبواب )

كنت عاوز أستفسر عن حاجة بس محرج .. كنت عاوز اعمل عدة صوت حلوة وفى نفس الوقت الميزانية مش كبيرة يعنى ربنج 1000 تكون شاملة كل حاجة ...

انا جبت اول السنة دى كاسيت بايونير ماليزى 1550UB ودى صورته




بس للأسف بعته وملحقتش اتهنى بيه او اسمع صوته حتى وكنت جايبه ب 575 جنيه ( الكلام ده تقريباً فى شهر 1 او 2 اللى فات ) اشتريته وشلته فى الدولاب شهرين وبعته زي ما هوا بكرتونته .. هل الكاسيت ده كويس لو جبته تانى .. صوته حلو وهل لو ركبت علي 4 سماعات دول هيخرج صوت حلو وبيز حلو ؟؟ ومحتاج كمان سماعتين للابواب .. وانا عندى سماعتين بايونير بيضاوى بس هما صينى 180 وات بقالهم معايا اكتر من 10 سنين بس بأمانه صوتهم حلو وعالى بس مجربتهمش على كاسيت صوته نقى بصراحة ومش عارف هل هيبقى البيز بتاعهم حلو ولا لا بس هجيب ان شاء الله سماعتين كمان كنت شايفك كاتبهم 500 وات تقريباً مش عارف هما دول ولا لا





يبقى كدة الكاسيت والاربع سماعات البيضاوى و 2 سماعة دائرية للأبواب الامامية . هل كدة يبقى الصوت كويس ولا هيحتاجو جي ام و صب ووفر .. وكنت عاوز اعرف ايه وظيفة الجي ام والصب ووفر ؟؟
معلش طولت عليك ياباشا ...

بص يا باشا انتا تؤمر بس واحنا معاك

اولا اي كاسيت بايونير يبقي تحفه بتفرق في امكانياته بس لكن الصوت كله حلو ولو عرفت تزود وتجيب حاجه الوان يبقي تمام أوي
بالنسبه للسماعات لو اللي عندك ال 180 دي اصلي مش مضروبه يبقي تمام لكن اعتقد انها مش اصلي لان من 10 سنين مكانش فيه لسه صيني بايونير ولو هيا تقليد : انا عارف ان صوتها حلو جدا وكفائه بس الاصلي حاجه تانيه وطبقات صوت اعلي ونقاء تاني خالص

يفضل انك تجيب واحده جديده زي ال 500 كده تعملها 340 جنيه . وياريت لو كينوود 350 وات ب 400 جنيه دي بييزها اعلي واقوي , انتا اختار المناسب منهم وهاته

وممكن تجيبلك سماعتين مدورين للبيبان بايونير او سوني 160 وات اللي فيها تويتر من فوق (مش راق بس ) تعملها 180 جنيه تقريبا

يبقي احنا كده معانا الكاسيت والسماعات ال 500 ورا والمدور قدام . بس متحطش عليهم حاجه تاني ,كده العده هتبقي معاك تحفه جدااااا . وهتنبهر بيها أوي ان شاء الله ومش هتحتاج اي جي ام او صب الا بعد ما تزهق بقي منها وتعوز تعلي

الجي ام بقي عباره عن حاجه ملهاش دعوه بنقاء الصوت , بس بتعلي الكهربا اللي رايحه للسماعات : يعني الكاسيت الخرج الحقيقي بتاعه 22 وات فبتكبره عشان السماعه تاخد وات اعلي وتديك أداء احسن : فالسماعه ال 500 دي الحقيقي بتاعها 90 وات . والجي ام بيكبر ال 22 بتوع الكاسيت يخليهم 65 وات مثلا عشان السماعه تقوم كويس من غير ما تضرب من شدة الوات

الصب بقي عباره عن سماعه قطرها كبير بتطلع بيييز بس ولازملها جي ام قوي طبعا عشان تقوم

بالتوفيق , ولو في اي استفسار انا تحت الامر .

تسلم يا حبى عالرد بس استفسار معلش يعنى الكينوود ال 350 وات احسن من البايونير ال 500 وات ؟؟؟ لو البيز اعلى واقوى يبقى مصلحة لأن السماعات البايونير اللى عندى صوتهم عالى بس مش عارف هل لو ركبتهم على كاسيت نظيف وعليت جامد يستحملو ولا يخروشو !!! لو خروشو يبقو تعبانين ... وبالنسبة لسماعات الابواب انا كنت جايب برضه السماعات دى وبرضه بعتها بس اللى اشتراها من المنتدى هنا وكلمنى تانى وكان عاوز يرجعهالى وقالى صوتها مش حلو او بتخروش مع انى قايله قبل ما ابيعهمله انهم صينى وزعل وقالى هشتكيك لإدارة المنتدى رغم انى مش غلطان ومنصبتش عليه بالعكس انا خسرت فيهم كمان اشتريتهم ب 120 وبعتهمله ب 110 وبالكرتونه ومشتغلوش خالص ولا جربتهم حتى .. بس هل ال 160 وات اللى انت تقصدهم احسن من دول ولا حاجة زيهم ؟؟؟ اصلى بقلق من السماعات المدورة دى وخصوصا لما تعلى الصوت جامد لو اصليين مبيبقاش في اى خروشة وصوت نقى وبيز كمان حلو . لكن لو خروشو يبقو تعبانين .

دي صورة السماعات اللى بقولك كنت اشتريتها وبعتها

المشاركة الأصلية كتبت بواسطة abo-yousef

تسلم يا حبى عالرد بس استفسار معلش يعنى الكينوود ال 350 وات احسن من البايونير ال 500 وات :l_bhuhhh[1]: ؟؟؟ لو البيز اعلى واقوى يبقى مصلحة لأن السماعات البايونير اللى عندى صوتهم عالى بس مش عارف هل لو ركبتهم على كاسيت نظيف وعليت جامد يستحملو ولا يخروشو !!! لو خروشو يبقو تعبانين ... وبالنسبة لسماعات الابواب انا كنت جايب برضه السماعات دى وبرضه بعتها بس اللى اشتراها من المنتدى هنا وكلمنى تانى وكان عاوز يرجعهالى وقالى صوتها مش حلو او بتخروش مع انى قايله قبل ما ابيعهمله انهم صينى وزعل وقالى هشتكيك لإدارة المنتدى رغم انى مش غلطان ومنصبتش عليه بالعكس انا خسرت فيهم كمان اشتريتهم ب 120 وبعتهمله ب 110 وبالكرتونه ومشتغلوش خالص ولا جربتهم حتى .. بس هل ال 160 وات اللى انت تقصدهم احسن من دول ولا حاجة زيهم ؟؟؟ اصلى بقلق من السماعات المدورة دى وخصوصا لما تعلى الصوت جامد لو اصليين مبيبقاش في اى خروشة وصوت نقى وبيز كمان حلو . لكن لو خروشو يبقو تعبانين .

دي صورة السماعات اللى بقولك كنت اشتريتها وبعتها

ايوه الكينوود البيضاوي بييزها اقوي من البايونير

ولو انتا شغلت الكاسيت علي سماعات تقليد يبقي انتا بتدفن امكانياته . حتي لو اشتغلت وصوتها كان بالنسبه لك حلو في فرق كبير ما بين صوت البايونير الاصلي والتقليد

البايونير ال 280 دي جديده سعرها معدي ال 300 جنيه فمش ممكن تكون ب 120 ابدا فهيا اكيد مش اصليه ومتقلده و المدور وظيفته انه يسند الصوت بس مش اكتر ما بنزودش عليه ومش مطلوب منه البييز خالص

استاذ محمود ، اولا احب اشكرك علي موضوعك القيم ده اللي يعتبر مرجع كامل متكامل واللي الحمد لله استفدت منه وكونت افكار مبدأيه عن اللي ناوي اعمله فى العربيه بتاعته ، بس طبعا اسمحلي اعرف رأيك
عربيتي اوبترا كاسيت ستوك ، حاليا ناوي اجيب سماعتين بيضاوي وممكن اغير مساعتين للباب ، وان شاء الله الخطوه الجايه اني اجيب الكاسيت
- انا كنت استقريت علي بيونير 500 بيضاوي ، لكن كنت قريت ان ال كينوود ال 350 احسن منها بالذات فى ال Bass ، فرأي حضرتك ايه مع العلم اني ناوي اجيب كاسيت بيونير ان شاء الله ، وهل الكاسيت لازم يكون نفس نوع السماعات ، ولا ديه اشاعه :)
- وعاوز حضرتك ترشحلي سماعه مدوره للباب ده بعد اذنك طبعا
- كمان قريت تعليق لحضرتك بتقول فيه " لاااااااازم كينوود بيضاوي علي رف خشب متنجد نضيف بعد ما تعين الرف الاصلي عشان ما تفتحش فيه ولا تبوظه وتفتحلها بس حته زياده في الصاج 5 × 10 سنتيمتر صغيره جدا مش هتأثر علي أي حاجه ودي هيعملهالك فني التركيب اللي هتروحله . ويكون فني محترم كده وفاهم وما تقلقش من حاجه "

- انا لما سألت الراجل قالي هيجيب رف خشب MDF وهيقطع في الصاج ، وانا الفكره ديه ما كانتش عجباني ، فهل ممكن ترشحلي حد اعمل عنده الفكره بتاعتك دي ، وياريت تقولي هتتكلف كام

وشكرا لحضرتك :-)

اضافه بسيطه ، ياريت لو توضحلي المفروض الرف يبقي سمكه كام مللي ولو ممكن صوره ليه

المشاركة الأصلية كتبت بواسطة dr_7ooda

ايوه الكينوود البيضاوي بييزها اقوي من البايونير

ولو انتا شغلت الكاسيت علي سماعات تقليد يبقي انتا بتدفن امكانياته . حتي لو اشتغلت وصوتها كان بالنسبه لك حلو في فرق كبير ما بين صوت البايونير الاصلي والتقليد

البايونير ال 280 دي جديده سعرها معدي ال 300 جنيه فمش ممكن تكون ب 120 ابدا فهيا اكيد مش اصليه ومتقلده و المدور وظيفته انه يسند الصوت بس مش اكتر ما بنزودش عليه ومش مطلوب منه البييز خالص

طب ازاى هعرف الأصلية من التقليد ؟؟؟

ده الخشب ال mdf

عندى انا لوح حلو مقاسه 130 × 45 سم لونه بنى عاوز اقصه مقاس العربية واركبه