حودة باشا ... كل سنة وانت طيب أولاً بمناسبة عيد الأضحى المبارك ( عالأبواب )
كنت عاوز أستفسر عن حاجة بس محرج .. كنت عاوز اعمل عدة صوت حلوة وفى نفس الوقت الميزانية مش كبيرة يعنى ربنج 1000 تكون شاملة كل حاجة ...
انا جبت اول السنة دى كاسيت بايونير ماليزى 1550UB ودى صورته
بس للأسف بعته وملحقتش اتهنى بيه او اسمع صوته حتى وكنت جايبه ب 575 جنيه ( الكلام ده تقريباً فى شهر 1 او 2 اللى فات ) اشتريته وشلته فى الدولاب شهرين وبعته زي ما هوا بكرتونته .. هل الكاسيت ده كويس لو جبته تانى .. صوته حلو وهل لو ركبت علي 4 سماعات دول هيخرج صوت حلو وبيز حلو ؟؟ ومحتاج كمان سماعتين للابواب .. وانا عندى سماعتين بايونير بيضاوى بس هما صينى 180 وات بقالهم معايا اكتر من 10 سنين بس بأمانه صوتهم حلو وعالى بس مجربتهمش على كاسيت صوته نقى بصراحة ومش عارف هل هيبقى البيز بتاعهم حلو ولا لا بس هجيب ان شاء الله سماعتين كمان كنت شايفك كاتبهم 500 وات تقريباً مش عارف هما دول ولا لا
يبقى كدة الكاسيت والاربع سماعات البيضاوى و 2 سماعة دائرية للأبواب الامامية . هل كدة يبقى الصوت كويس ولا هيحتاجو جي ام و صب ووفر .. وكنت عاوز اعرف ايه وظيفة الجي ام والصب ووفر ؟؟ بالمناسبة عندى رف خشب mdf حلو اوى بس عاوز اقصه على مقاس العربية لانى جربت ركبت السماعات اللى عندى على صاج العربية العادى صوتهم وحش جداً ... عندى سماعتين كبار كنت جايبهم للكمبيوتر اسمهم هامر كنت جايبهم ب 550 جنيه وصوتهم بجد روعه والبيز بتاعهم جامد جداً بصراحة وجربت سماعة بايونير من اللى عندى خرجتها من السماعة الهامر الاساسية لقيت صوتها حلو مش وحش والبيز هيبان لو اتركبت على رف خشب وكنت ساعات بنزل سماعة واحده هامر منهم فى العربية بوصلها بجهاز ام بي ثرى عادى مركبه فى العربية زى اللى بيركبوه فى التكاتك ده ( كنت شارى العربية بيه - العربية 128 ) بس من غير جي ام وصوتها جامد بس مش مقومها طبعاً عالاخر لأنه ضعيف
معلش طولت عليك ياباشا ...
المفضلات