الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة dr_7ooda

يا سلام علي زوئك يا مودي :copy of new:. متشكر قوي ربنا يخليك انا تحت الامر

احنا بنعمل رف خشب mdf وده بيوننن مع البييز اللي خارج من السماعات وبيزوده ويفضل يبقي سمكه 16 ميللي وبيتكسي موكيت من فوق ومن تحت بموكيت لون فرش العربيه وبيتفتح فيه للسماعات وفتحات خروج الحزام ولمبة الاستوب وبيركب حشر ما بين حرف الزجاج الخلفي والكنبه

بس للاسف معظم اللي بيركب بيبقي سمكه 8 او 10 ميللي وبيتكلف 120 جنيه

وهوا ممكن يلزق لوحين في بعض يغراء ويدبسهم بدباسة الخشب . بس كدا التكلفه هتبقي الضعف

انتا لو عرف نجار بقي عند الخشب ده مش هيكلفك 30 جنيه خشب و25 جنيه موكيت بس للاسف المشكله في التصميم وده طبعا محدش هيقدر يظبطه الا حد بتاع كاسيت عشان ما يبقاش فيه فروقات

وبيفتح في الصاج بمنشار كهربا فتحه صغيره زياده عن الفتحه المدوره الاصليه , لكن انتا عندك مفيش اصلا في الاوبترا فتحه ورا فهيفتح فتحه علي قد السماعه من تحت عشان تنزل منها لكن الفتحه الكبيره بتبقي علي الرف والقطع في الصاج بمنشار كهربا لا يعيب العربيه نهائيا ومتخفش اطلاقا
وكل ما الرف سمكه زاد وعلي كلما فتحة الصاج قلت طبعا لانه بيبعد السماعه لفوق وفيه ناس بتعليه لحد ما يبقي فاضل بس المغناطيس بتاع السماعه وبيفتحله فتحه صغيره مدوره في الصاج عشان ينزل منه

وفيه صور للرف ده في موضوع صلاح باشا حبيبي
:
http://www.nilemotors.net/nile/377798-6450-dell.html

في المشاركه رقم 4 و5

اما بقي بالنسبه للكينوود فهيا سماعه جميله جدا بييزها ملوش مثيل خالص

بس لو هتركبها يبقي يفضل انك تجيب سماعه بايونير مدوره من اول ال 180 وات ب 200 جنيه لحد ال 280 وات ب 300 جنيه عشان تريبلات البايونير النضيفيه هتظبط مع البيييز القوي للكينوود وتخلي الصوت متناغم ومظبوط

انا واحد صاحبي مركبينله في الاوبترا رف وكينوود وكاسيت بايونير تحت عند الفتحه اللي تحت الولاعه وسيبنا الكاسيت الاصلي فوق عشان يقيد نوره بس مع التابلوه لانه شكله حلو مع اضائة التابلوه

طبعا مش لازم اجزاء العده تكون من ماركه واحده خاااالص

اتمني اكون رديت علي استفسارك صح وشكرا مره تانيه علي زوءك
ولو في اي استفسار اتفضل بيه

طب معلش يا باشا ممكن تقولي مكان نضيف - ولو حتي علي الخاص علشان يعملي الرف ويكون سمكه 20 مللي زي ما حضرتك بتوصي علشان اللي انا كنت ناوي اتعامل معاه في الحرفين قالي سمكه هيبقي 10 مللي بس ، وكده طبعا هيزود في القطع في الصاج وده مش مستحب

بص هوا انا للاسف في المحله مش في القاهره . رجالة القاهره يتفضلوا يفيدونا
بس انا اعرف ان الناس بتركب عند فروع ادريان زي اللي قبل سيتي ستارز علي طول
او فروع كلاريون وكينوود

واي رف هيبقي صوته احسن من الاصلي وبيييزه اعلي ز مش هتفرق في السمك أوي للدرجه دي
بس اهم حاجه يتكسي بالموكيت من فوق ومن تحت عشان ما يزنش في الصاج وبالتوفيق

المشاركة الأصلية كتبت بواسطة Haitham Basha

إيه يا باشا الشغل العالي ده بسم الله ما شاء الله حاجة بجد من الآخر ... تسلم على الموضوع الجميل ده ...

يا سلام ياباشا ربنا يخليك متشكر جدااااااا

مشكورين جدا علي تقديركم للموضوع يا جماعه

ولو في حد عنده استفسار يتفضل بيه وانا دايما تحت الامر ,

دكتور محمود ، كل سنه وحضرتك طيب ويارب تكون بألف صحه وعافيه

معلش يا باشا استفسار بسيط ، انا خلاص الحمد لله استقريت علي سماعتين بيضاوي 500 وات فيتنامي
وعاوز اركب سماعتين مدورين في الابوب ، واحد صاحبي رشحلي السوني ال 190 وات ، ايه رأي حضرتك وهيا تمنها بيبقي حوالي كام ؟
واجيب اعلي من ال 190 ولا كده كفايه ؟

المشاركة الأصلية كتبت بواسطة MoDy_OnLiNe

دكتور محمود ، كل سنه وحضرتك طيب ويارب تكون بألف صحه وعافيه

معلش يا باشا استفسار بسيط ، انا خلاص الحمد لله استقريت علي سماعتين بيضاوي 500 وات فيتنامي
وعاوز اركب سماعتين مدورين في الابوب ، واحد صاحبي رشحلي السوني ال 190 وات ، ايه رأي حضرتك وهيا تمنها بيبقي حوالي كام ؟
واجيب اعلي من ال 190 ولا كده كفايه ؟

وحضرتك وكل الاعضاء الكرام بخير يا فندم

البيضاوي ال 500 دي بايونير مش كده , لو كده خلي بالك عشان مفيش فيتنامي جديده , وفيه نازله مضروبه تمنها الاصلي 120 جنيه وبتلاقي سفنجه مدوره كده حوالين عمود التويتر في الجذء الفاصل ما بين الراق والعمود عند الفتحه اللي مفتوحه في الراق عشان عمود التويتر يطلع منها فخلي بالك كويس . وهتلاقي لون الطبعه بتاع العلبه مختلف

بالنسبه للسماعات البيبان فهيا ما بيبقاش عليها حمل قوي بنخلي ال fader بتاع الكاسيت مدي علي اللي ورا اكتر سنه . بس طبعا لو قدرت تجيب كمبوننت يبقي يا ريت عشان معاها تويتر بيتحط علي التابلوه

لو السماعه ال 190 دي عليها تويتر يبقي كويسه شغاله . انما لو راق بس يفضل انك تعلي شويه وتجيبها بتويتر

اما بقي لو هتسئلني عن النوع فبعد كمية العدد اللي الواحد جربها وسمعها في حياته اتعلمت حاجه واحده بس ان عدة صوت في مصر يعني بايونير .
حتي لو الكينوود بيزها اعلي في البيضاوي فالبايونير البيضاوي صوتها احلي والصب البايونير بيعوض النقص في البيييز ولو المدور السوني تريبلاته اعلي بس البايونير المدور بيعدل صوت البيضاوي احسن من اي سماعه تانيه والمكونات البايونير علي بعضها في لاخر بتلاقيها متناغمه اوي ومظبوطه
والقصه مش تريبلات وبيييز زياده وتلاقي الصوت مزعج ومش مريح للودان في الاخر فانا بالنسبالي رأيي اللي علي قدي مع احترامي لكل الاراء التانيه عدة صوت يعني بايونير

بحمد الله وبفضل توجيهات الدكتور محمود تم تركيب سماعتين بيونير 500 وسماعتين مدورين 260 وات للابواب اللي قدام ، بشكل مبدأي
اول حاجه احب اشكرك يا دكتور بجد انت كنز وموضوعك ده موسوعه في الصوتيات ربنا يكرمك قد ما بتساعد الناس
شوف بقي يا دكتور ، انا بعد شويه قرايه في موضوعك الجميل ده وصلت لكام نقطه محتاجين رأي حضرتك ، اعذرني لو هطول عليك
1. اول حاجه واهم حاجه حضرتك دايما بتوصي بيها هيا الكاسيت ، انا عاوز اجيب كاسيت يبقي قد الكاسيت الستوك بالظبط " دابل " ، علشان الشكل بيبقي بايخ لو سنجل ، فايه احسن حاجه ممكن اجيبها ؟ ، ورأيك اجيبو فيه dvd ولا مالوش لازمه ؟

2. تاني حاجه عاوز استفسر عنها هيا الفرق الفعلي بين البازوكا والصب ، قريت ان البازوكا بتطلع البيز برا والصب جوا العربيه ، انا عاوز اعرف الرد من حضرتك ده بعد ازنك طبعا

3. تالت حاجه انا كنت خدت السماعتين السوني ال260 وات دول من واحد صاحبي ركبتهم في الابواب ، وصوتهم مش عاجبني اوي ، ياريت ترشحلي نوع يكون ممتاز لسمعات الابوب ، لأن الصوت في العربيه من قدام مش اد كده ، الصوت كله ورا وانا مش بعد ورا :) ، فحاسس اني مش مستمتع اوي :)

4. طلب اخير ياريت لو تقولي اسعار تقريبيه للحاجات اللي حضرتك هتذكرها

تاعبينك معانا يا دكتور ، بس مالناش غيرك بقي :)