الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة mohamed_mohsen

لو سمحت من فضلكم أنا عايز رأيكم في الصب ده

jvckenwood nederland b.v. | component speakers > ksc-w1200b

و يركب عليه جي إم إيه ؟
أرجو المساعدة

تمام يا باشا الصب
يشتغل علي جي ام 2 قناه زي :
كينوود 1000
او سوني 1000
او بايونير 760
او سيمفوني 600

المشاركة الأصلية كتبت بواسطة abo-yousef

تم بحمد الله اخيراً بعد لف ودوران وعناء وجهد وتعب شراء جميع سلوك التوصيلات كالأتى
1- 4 متر سلك 6 مللى السويدى لون احمر ( للكهرباء ) 6.25 جنيه المتر
2- 4 متر سلك 6 مللى السويدى لون اسود ( للأرضى ) 6.25 جنيه المتر .. الافضل اخد الارضى من البطارية ولا من الصاج ؟؟؟؟ انا فكرت اخده من البطارية ولا ايه رأيك ؟
3- 4 متر سلم 4 مللى السويدى لون ازرق ( للبازوكا ) قولت اجيبه محمل واعمله فردتين افضل 4 جنيه المتر
4- 4 متر سلك 1.5 مللى السويدى لون ازرق ( وصلة الريموت ) 2 جنيه المتر
5- 2 متر سلك سماعات 2.5 مللى لكل فردة 9 جنيه المتر
6- اخر حاجه لفيت عليها الفيوز وده لفيت الدنيا كلها مش لاقيه واللى لقيته فى التوفيقية اللى موجود مع وصلة الأر سى التعبانه دى ومحدش راضى يبيعه لوحده واللى رضى واحد قالى ب 50 جنيه وواحد قالى ب 20 ويخلص على 15 وسألت محلات كتير بتوع الكترونيات معندهمش فكرة خالص وواحد قالى الكاسيت والجي ام يشتغلو على فيوز 3 امبير !!! مش عارف بقى .. دلوقتى اوصل الكهرباء دايركت عالكاسيت والجي ام من غير فيوز ولا الفيوز اللى انا جبته ده اجيبله فيوز 10 امبير مثلا للكاسيت بس ولا ايه ؟؟ مع العلم انا عندى سابلايزر ( منظم كهرباء ) مشغل عليه الثلاجه وفيه فيوز 10 امبير وواحد تانى للكمبيوتر وعليه فيوز 8 امبير !! كاسيت العربية هيتوصل على فيوز 35 امبير ؟؟

مبروك يا باشا وبالتوفيق
مش عارف الاربعه متر يكفوا ولا ايه
كهربة الجي ام دايركت من البطاريه لو لمس الضفيره هيسيحها في ثواني مبياخدش اي حاجه من كهربة العربيه الا سلك الريموت عشان يطفي ويئيد مع الكاسيت , الفيوز مش هتلاقيه طبعا مفيش غير اللي في عدة التوصيل ركبتو عندي شويه وساح واتكسر مع الوقت وشيلته واكتشفت انه كان عائق ومقلل الكهربا اللي رايحه للجي ام
كهربة الارضي كل ما سلكها قصر كل ما قللت احتمالية وجود صفاره مع الصوت عند تشغيل الجي ام , عشان كده بناخده من اقرب مسمار في جسم العربيه

سلك الريموت ده هوصلة من الجي ام لسلكة الريموت اللى طالعه من فيشة الكاسيت ؟؟ صح كده .. وبالنسبة لسلكة الكهرباء اللى طالعة من الكاسيت والجي ام بيتوصلو مع بعض فى البطارية من غير فيوزات .. والارضى سواء بتاع الكاسيت او الجي ام من اقرب مسمار .. تمام كده التوصيل ؟؟ معلش ياكبير انا تعبتك معايا كتير .. اصل دى اول مرة اوصل فيها بنفسى

[QUOTE=mohamed_mohsen;3875783490]

المشاركة الأصلية كتبت بواسطة dr_7ooda

تمام يا باشا الصب
يشتغل علي جي ام 2 قناه زي :
كينوود 1000
او سوني 1000
او بايونير 760
او سيمفوني 600[/QUOTEماينفعش اجيبله جي ام كينود 400 او بايونير 400 والا مش هيبقي كافي؟ ويا ريت لو تعرف اسعار الجي امات دي تقوللي

الصب هيقف علي ب500 او 550 يا تري سعره حلو الا غالي؟
شكرا مقدما ومعلش طولت عليك

ده سعر الصب بالبوكس الاصلي اللي في الصوره ولا من غير بوكس وده سعر الجديد ولا المستعمل
تحت امرك يا باشا متقولش كده مفيش تعب

المشاركة الأصلية كتبت بواسطة abo-yousef

سلك الريموت ده هوصلة من الجي ام لسلكة الريموت اللى طالعه من فيشة الكاسيت ؟؟ صح كده .. وبالنسبة لسلكة الكهرباء اللى طالعة من الكاسيت والجي ام بيتوصلو مع بعض فى البطارية من غير فيوزات .. والارضى سواء بتاع الكاسيت او الجي ام من اقرب مسمار .. تمام كده التوصيل ؟؟ معلش ياكبير انا تعبتك معايا كتير .. اصل دى اول مرة اوصل فيها بنفسى

اه سلك الريموت ده طالع من فيشة الكاسيت
بس ليه الكاسيت مش متوصل مع ضفيرة العربيه , أومال هيئيد ويطفي مع الكونتاك ازاي والارضي بتاعه برضه من الضفيره
عايز تركب فيوز ركب بس الجي ام السيمفوني فيه فيوز قبل البورده
ارضي الجي ام من اقرب مسمار
بالتوفيق

الكاسيت مش واصل مع ضفيرة العربية لانه لسه جديد وثانياً اللى كان راكب قبل كده وكنت شاري العربية بيه جهاز ام بي ثرى وواخد واصلة كهرباء من الضفيرة بالفعل بس مش بيفصل ويشتغل مع الكونتاكت وده افضل بالنسبالى لانى ساعات بكون مبطل العربية وبحب اسمع اغانى مش لازم اكون فاتح الكونتاكت او مدورها يعنى .. وممكن كهرباء الكاسيت اوصلها من الضفيرة عادى والجي ام لوحده عالبطارية مفيش مشاكل . اما بالنسبة للفيوز اللى وريتهولك ده اوصله مع الكاسيت ولا ملوش لزوم برضه زى الجي ام ؟

المشاركة الأصلية كتبت بواسطة abo-yousef

الكاسيت مش واصل مع ضفيرة العربية لانه لسه جديد وثانياً اللى كان راكب قبل كده وكنت شاري العربية بيه جهاز ام بي ثرى وواخد واصلة كهرباء من الضفيرة بالفعل بس مش بيفصل ويشتغل مع الكونتاكت وده افضل بالنسبالى لانى ساعات بكون مبطل العربية وبحب اسمع اغانى مش لازم اكون فاتح الكونتاكت او مدورها يعنى .. وممكن كهرباء الكاسيت اوصلها من الضفيرة عادى والجي ام لوحده عالبطارية مفيش مشاكل . اما بالنسبة للفيوز اللى وريتهولك ده اوصله مع الكاسيت ولا ملوش لزوم برضه زى الجي ام ؟

يا باشا تشغل الكاسيت مع البطاريه وهيا مش دايره ماشي مش مشكله براحتك , انما الجي ام لا طبعا مينفعش لازم العربيه تكون دايره والا البطاريه دي مش هتكمل معاك اسبوع وهتسيح منك

يفضل انك تروح لحد يظبطلك سلك الريموت وسلك الميموري كمان بتوع الكاسيت عشان مش كل مره تشغله تقعد تبرمجه وتظبط الايكواليزر والاوبشن

انا معاك لو انتا عايز توصل الجي ام والعده بنفسك , انما الكاسيت فلأ طبعا
بالتوفيق