الموضوع: قانون جديد يلزم المقبلين علي الزواج اجراء فحوصات طبية يدخل حيز النفاذ الجمعة

المشاركة الأصلية كتبت بواسطة mohamed_88sk

هههههههههههههههه
والله باين عليك راجل عسل ..
بس المشكله بجد حتبقى تجارة والعياذ بالله .. وإيه يدريني بعد كده السائل بتاعي مايروح بنك الحيوانات المنويه ؟؟ دي حتبقى ظيييييييييييييييييييطه

بالظبط كدا و دى نقطة اعتراضى على الحكاية كلها غير مقبولة تماما و انا مستحيل هعمل كدا حتى لو مش هتجوز خالص

المشاركة الأصلية كتبت بواسطة meza

رغم إنى مش شايف أى مجال للهزار فى موضوع مهم زى ده بس جايز حضرتك مختبرتش مشاكل بعد الزواج عشان كده مش حاسس بأهميته.
عفاك الله و عفانا.

كفاية الأطفال المنغوليين دول ... أهاليهم بيتعبوا معاهم جداً ... و تفادى حدوث العيوب الخلقية دى سهل جداً بشوية إختبارات قبل الزواج .. ولا التوائم و مشاكلهم الكتيرة .... الموضوع مهم و مفيش مجال للسخرية منه ... لو هتعارضه بحجج موضوعية يبقى أحسن.

لما الموضوع يوصل للدرجة دى يبقى السخرية هى الرد عليهم لما يقولولك لازم تجيب كوباية و اجبارى و لما يخلو بنتك تروح تكشف بالشكل المهين دا فى مستشفيات حكومية موقرة و انا عارضت بحجج موضوعية كمان مش اى كلام و لو حضرتك موافق انك تودى ابنك او بنتك فانت ممكن تبقى من ال 5 % اللى موافقين على الحكاية دى و انا مش ضد التحاليل بالعكس اساسا انا دكتور بس انا بقول ان الحكاية دى تبقى نابعة من الزوجين يعنى انا رايح اتجوز ممكن اروح اعمل التحاليل دى و بمزاجى اولا و اخيرا لكن مش هيبقى قانون و غصب عنى

كمان حضرتك دكتور و بتقول كده !!! ... طب و اللى ملهوش فى المجال الطبى يعمل إيه؟

طب على كده حضرتك معارض برضه لدكتور النسا و الولادة لأن دى إهانة للزوجة لما تروح تولد عند دكتور .. المفروض تولدها الداية فى البيت ... و لا لما تروح تتابع الحمل عند دكتور كده كرامتها إتمرمطت فى الأرض ... والله كلامك بيدعونى للإستغراب جداً.

حضرتك المفروض أدرى بالمشاكل الوراثية اللى بتحصل و عارف برضه إن ممكن تجنبها ... ده طبعاً غير الأمراض المزمنة (فيروسية أو بكتيرية) اللى ممكن تتنقل من أحد الزوجين للآخر ... و عارف إزاى حياة واحد ممكن تتقلب رأساً على عقب لو جاله مرض مزمن .... خصوصاً لو كان الطرف اللى هتنتقل منه ال عدوى مجرد carrier للمرض و مش مأثر عليه ظاهرياً ... لكن لما تتنقل العدوى لشخص آخر هتقضى على حياته.

مش عاوز أقعد أرص فى معلومات المفروض حضرتك عارفها ... بس لازلت مستغرت من حاجتين مش مجتمعتين تماماً .. الفكرة اللى خطرت على بالك بخصوص هذه التحاليل ... و كونك دكتور و عارف و فاهم ماهية هذه التحاليل.

كونها إجبارية أو إختيارية .. دى حاجة مش بمزاج حد ... يعنى لو عملوها إختيارية %99.9 من الشعب مش هيعملها ... لأنه ليه يكلف نفسه مصاريف تحاليل ممكن يوفرها عشان يجيب بيها مرتبة زيادة على العفش .
ما أكيد حضرتك عارف إن الثقافة الصحية عند الشعب .... صفر.


تحياتى

**********************
تم الحذف للخروج عن اللياقة
الإدارة

النهارده فى الأهرام واحدة بتقول ان زواج الرجل بأكتر من واحدة انه عادات غريبة وافدة الينا من دول الخليج النفطية

الهى يارب يحرقها بجاز وسخ من دول الخليج النفطية

المشاركة الأصلية كتبت بواسطة meza

كمان حضرتك دكتور و بتقول كده !!! ... طب و اللى ملهوش فى المجال الطبى يعمل إيه؟

طب على كده حضرتك معارض برضه لدكتور النسا و الولادة لأن دى إهانة للزوجة لما تروح تولد عند دكتور .. المفروض تولدها الداية فى البيت ... و لا لما تروح تتابع الحمل عند دكتور كده كرامتها إتمرمطت فى الأرض ... والله كلامك بيدعونى للإستغراب جداً.

حضرتك المفروض أدرى بالمشاكل الوراثية اللى بتحصل و عارف برضه إن ممكن تجنبها ... ده طبعاً غير الأمراض المزمنة (فيروسية أو بكتيرية) اللى ممكن تتنقل من أحد الزوجين للآخر ... و عارف إزاى حياة واحد ممكن تتقلب رأساً على عقب لو جاله مرض مزمن .... خصوصاً لو كان الطرف اللى هتنتقل منه ال عدوى مجرد carrier للمرض و مش مأثر عليه ظاهرياً ... لكن لما تتنقل العدوى لشخص آخر هتقضى على حياته.

مش عاوز أقعد أرص فى معلومات المفروض حضرتك عارفها ... بس لازلت مستغرت من حاجتين مش مجتمعتين تماماً .. الفكرة اللى خطرت على بالك بخصوص هذه التحاليل ... و كونك دكتور و عارف و فاهم ماهية هذه التحاليل.

كونها إجبارية أو إختيارية .. دى حاجة مش بمزاج حد ... يعنى لو عملوها إختيارية %99.9 من الشعب مش هيعملها ... لأنه ليه يكلف نفسه مصاريف تحاليل ممكن يوفرها عشان يجيب بيها مرتبة زيادة على العفش .
ما أكيد حضرتك عارف إن الثقافة الصحية عند الشعب .... صفر.


تحياتى

و ليه مرات حضرتك تولد عند دكتور ولا داية طيب ما توديها لدكتورة ؟؟ هل انت دخلت جوة نفوس الناس ؟؟ و عارف ان الدكتور دا انسان محترم و كويس و هيصونك فى غيابك ؟؟ ما علينا دا مش موضوعنا بس هى ارتياح كل واحد فينا للحكاية دى انا عن نفسى و عشان حافظ الدكاترة و معاشرهم و ليا صحاب كتير دكاترة نسا وعارف اللى بيحصل ودى مراتك لدكتورة احسن :)

بالنسبة لموضوع التحليل انا قلت قبل كدا انا مش ضد التحاليل دى بالعكس انا معاها جدا جدا جدا بس الكلام دا يبقى اختيارى يعنى ايه اختيارى ؟؟ يعنى حضرتك الحكومة تنزل اعلانات زى بتاعة الضرايب كدا و توعى الناس و فى حاجة اسمها برامج توعية و جايبة نتيجة ممتازة معانا طيب ليه ميعملوش كدا و يجيبو مثلا حالات فعلا اتجوزو و جابو مثلا ابن معاق و لو كانو حللو كانو مثلا اتجنبو الحكاية دى

انا اعتراضى انه يبقى قانون اجبارى لأن دى اولا و اخيرا المفروض انها حاجة تيجى من ثقافة البنى ادم و ذكاءه و خوفه على مستقبله و مستقبل اولاده المشكلة ان محدش شايف المستقبل احنا متكلين على الله فى كل حاجة فى رغيف العيش و العربيات المكسرة اللى راكبينها و الطرق البايظة اللى بنمشى عليها و ظباط المباحث اللى بيعملو اجرم من المجرمين و الحكومة اللى مظبطانا اول بأول و المرتبات للى بتطير و و ووو ووووووووو و تيجى بعد دا كله تقولى ادفع 70 جنيه فى مستشفى حكومة و املى الكوباية عشان تتجوز ؟؟

أغلب الظن الأمر هاينتهي بالموضوع ده لضرب شهادات تثبت صحة الطرفين تماما و خلوهم من الأمراض و صلاحيتهم للإنجاب من غير فحص و لا حاجة.. زي بالظبط اللي بتتعمل دلوقتي في جميع المراكز الطبية عشان الرخصة.. يعني ما تحرقوش في دمكم ع الفاضي يا جماعة