الموضوع: قانون جديد يلزم المقبلين علي الزواج اجراء فحوصات طبية يدخل حيز النفاذ الجمعة

المشاركة الأصلية كتبت بواسطة karim_monir

ممكن يا جماعة نخلينا في مناقشة الموضوع بس ونبعد عن الكوبايات والحاجات اللي ممكن تفتح مجالات حرج
خاصة ان لينا اخوات معانا في المنتدي
شكرا لتفهمكم

ماشى يا كبير انتا تأمر يا ريس

المشاركة الأصلية كتبت بواسطة OlaOsman

أغلب الظن الأمر هاينتهي بالموضوع ده لضرب شهادات تثبت صحة الطرفين تماما و خلوهم من الأمراض و صلاحيتهم للإنجاب من غير فحص و لا حاجة.. زي بالظبط اللي بتتعمل دلوقتي في جميع المراكز الطبية عشان الرخصة.. يعني ما تحرقوش في دمكم ع الفاضي يا جماعة

شكلها هتبقى كدا اصل مفيش حاجة حكومى مش بتمشى بالشكل دا و عشان نريح دماغنا ندفع ال 70 جنيه و عليهم 30 جنيه رشوة و خلاص

المشاركة الأصلية كتبت بواسطة OlaOsman

جزاك الله خيرا يا كريم :)

و يا ريت كمان حكاية التيت و ولاد التيت دي لنفسي السبب

حكاية التيت ولاد التيت دى بتاعة احمد حلمى فى الفيلم

المشاركة الأصلية كتبت بواسطة Rsarabia

بالنسبة لموضوع التحليل انا قلت قبل كدا انا مش ضد التحاليل دى بالعكس انا معاها جدا جدا جدا بس الكلام دا يبقى اختيارى يعنى ايه اختيارى ؟؟ يعنى حضرتك الحكومة تنزل اعلانات زى بتاعة الضرايب كدا و توعى الناس و فى حاجة اسمها برامج توعية و جايبة نتيجة ممتازة معانا طيب ليه ميعملوش كدا و يجيبو مثلا حالات فعلا اتجوزو و جابو مثلا ابن معاق و لو كانو حللو كانو مثلا اتجنبو الحكاية دى

انا اعتراضى انه يبقى قانون اجبارى لأن دى اولا و اخيرا المفروض انها حاجة تيجى من ثقافة البنى ادم و ذكاءه و خوفه على مستقبله و مستقبل اولاده

الكلمتين دول بيلخصوا رأيي في الموضوع.

المشاركة الأصلية كتبت بواسطة Rsarabia

و ليه مرات حضرتك تولد عند دكتور ولا داية طيب ما توديها لدكتورة ؟؟ هل انت دخلت جوة نفوس الناس ؟؟ و عارف ان الدكتور دا انسان محترم و كويس و هيصونك فى غيابك ؟؟ ما علينا دا مش موضوعنا بس هى ارتياح كل واحد فينا للحكاية دى انا عن نفسى و عشان حافظ الدكاترة و معاشرهم و ليا صحاب كتير دكاترة نسا وعارف اللى بيحصل ودى مراتك لدكتورة احسن :)

اللى أعرفه إن فيه قسم بيحلفه الدكتور بإنه يصون العيان .... كون إنه خالف القسم ده يتعاقب .... لكن متجيش حضرتك تعمملى الكلام على كل الدكاترة ... و لا حتى نسبة كبيرة منهم ... لما الطبيب بيجيله عيان بيحس إنه إستلم أمانة هيحافظ عليها .... و متنساش إن العيان مسلم الطبيب ده حياته كلها و لو الطبيب قاله إشرب سم هيشرب بدون تردد.

تفتكر واحد عنده المسئوليات دى كلها نيجى نتهمه إتهام خطير بالشكل ده بدون أدلة و من واحد من معشر الأطباء كمان ..... إسمحلى كده غلطة فى حقنا و حق نفسك.

بالنسبة لموضوع التحليل انا قلت قبل كدا انا مش ضد التحاليل دى بالعكس انا معاها جدا جدا جدا بس الكلام دا يبقى اختيارى يعنى ايه اختيارى ؟؟ يعنى حضرتك الحكومة تنزل اعلانات زى بتاعة الضرايب كدا و توعى الناس و فى حاجة اسمها برامج توعية و جايبة نتيجة ممتازة معانا طيب ليه ميعملوش كدا و يجيبو مثلا حالات فعلا اتجوزو و جابو مثلا ابن معاق و لو كانو حللو كانو مثلا اتجنبو الحكاية دى

يعنى هو لو بقى إجبارى هينتقص من كرامة حد .... حضرتك التوعية الصحية اللى بتتكلم عليها لما يكون الموضوع مقتصر على فئة صغيرة .. زى مثلاً مجموعة عايشة فى الأرياف أو قرية منتتشرة عندهم البهارسيا ... لكن مش مجتمع بحاله.
ده بالإضافة إن التوعية مش بتجيب نتيجة مع أغلب الناس حتى لو شافوا تجارب قدامهم مريرة ... برضه مصرين على اللى فى دماغهم ... و حملات التوعية اللى بتدعوا لعدم زواج الأقارب بقالها عشر سنين تقريباً دلوقتى و حالات زواج الأقارب اللى عندهم أطفال مشوهين كتيرة جداً .. و برضه الناس مش واخده عبرة ... يبقى نجبرهم على الفحوصات دى عشان يعرفوا إيه اللى ممكن يحصل فى المستقبل و ساعتها ممكن يعيدوا التفكير ... و لو الدكتور قالهم فى إحتمال تجيبوا أطفال مشوهين و أصروا و إتجوزوا ساعتها يبقى هما يشيلوا ذنب الطفل ده.

انا اعتراضى انه يبقى قانون اجبارى لأن دى اولا و اخيرا المفروض انها حاجة تيجى من ثقافة البنى ادم و ذكاءه و خوفه على مستقبله و مستقبل اولاده المشكلة ان محدش شايف المستقبل احنا متكلين على الله فى كل حاجة فى رغيف العيش و العربيات المكسرة اللى راكبينها و الطرق البايظة اللى بنمشى عليها و ظباط المباحث اللى بيعملو اجرم من المجرمين و الحكومة اللى مظبطانا اول بأول و المرتبات للى بتطير و و ووو ووووووووو و تيجى بعد دا كله تقولى ادفع 70 جنيه فى مستشفى حكومة و املى الكوباية عشان تتجوز ؟؟

هة كل المشكلة فى ال 70 جنية .... و مش المشكلة فى طفل معاق هيجى للدنيا محتاج عائل ليه طول حياته ... بزمتك دى زى دى ؟!!!

انا مش فاهم ...طيب تحاليل علشان الامراض الوراثيه قشطه مقلناش حاجه وانا كنت ناوي اعمله...انما بقي معرفة القدره علي الانجاب ديه بقي ملهمش فييها ...لان كل حاجه بتاعت ربنا ممكن نبقي زي الفل ومنخلفش ...وياما ناس كتيير كان عندها مشاكل وربنا رزقهم...
ده ايه القرف ده.
.صباح الاكتئاب اللي الواحد بقي فيه يعني مش كفايه هفكر في منين اجيب الشقه والعفش وافتح عياده منيين وامتي هكون قادر افتح بيت يجي كمان هشيل هم هيسمحولي اتجوز ولا لأ!!!

المشاركة الأصلية كتبت بواسطة meza

اللى أعرفه إن فيه قسم بيحلفه الدكتور بإنه يصون العيان .... كون إنه خالف القسم ده يتعاقب .... لكن متجيش حضرتك تعمملى الكلام على كل الدكاترة ... و لا حتى نسبة كبيرة منهم ... لما الطبيب بيجيله عيان بيحس إنه إستلم أمانة هيحافظ عليها .... و متنساش إن العيان مسلم الطبيب ده حياته كلها و لو الطبيب قاله إشرب سم هيشرب بدون تردد.

تفتكر واحد عنده المسئوليات دى كلها نيجى نتهمه إتهام خطير بالشكل ده بدون أدلة و من واحد من معشر الأطباء كمان ..... إسمحلى كده غلطة فى حقنا و حق نفسك.

واضح ان حضرتك طيب جدا و مش خوان او شكاك انا مش بقول ان الدكاترة كلهم وحشين ولا غرضهم وحش ولا من جوة سيئين الغرض انا بقول هو حضرتك عارف ايه اللى جوة الدكتور ؟؟؟ انا اللى شفته و اللى اعرفه يخلينى مثقش حتى فى اقرب اصدقائى و برده انا مش فاهم ايه المشكلة لما توديها لدكتورة مش دكتور ؟؟ و برده انا مش فاهم ايه دخل الحوارات دى فى الموضوع اللى برة انا معاك فى النقطة دى اساسا بس معترض على حسن النية الجامدة اوى دى و عن تجارب مش تجربة و حرص و متخونش

المشاركة الأصلية كتبت بواسطة meza

يعنى هو لو بقى إجبارى هينتقص من كرامة حد .... حضرتك التوعية الصحية اللى بتتكلم عليها لما يكون الموضوع مقتصر على فئة صغيرة .. زى مثلاً مجموعة عايشة فى الأرياف أو قرية منتتشرة عندهم البهارسيا ... لكن مش مجتمع بحاله.
ده بالإضافة إن التوعية مش بتجيب نتيجة مع أغلب الناس حتى لو شافوا تجارب قدامهم مريرة ... برضه مصرين على اللى فى دماغهم ... و حملات التوعية اللى بتدعوا لعدم زواج الأقارب بقالها عشر سنين تقريباً دلوقتى و حالات زواج الأقارب اللى عندهم أطفال مشوهين كتيرة جداً .. و برضه الناس مش واخده عبرة ... يبقى نجبرهم على الفحوصات دى عشان يعرفوا إيه اللى ممكن يحصل فى المستقبل و ساعتها ممكن يعيدوا التفكير ... و لو الدكتور قالهم فى إحتمال تجيبوا أطفال مشوهين و أصروا و إتجوزوا ساعتها يبقى هما يشيلوا ذنب الطفل ده.

لا انا مش مع حضرتك فى الكلام دا خالص انا مع ان الحكومة تنشر توعية جامدة جدا فى اعلانات التليفزيون و الناس هتفهم و هتعرف ان التحاليل دى عشان خاطرهم و عشان خاطر ولادهم اللى المفروض يجيبوهم ان شاء الله و هتبقى طواعية كدا و هيروحو هما الاتنين اى مركز محترم هما بيثقو فيه و يعملو تحاليل بسعر مناسب مش 70 جنيه و يتأكدو بنفسهم ان النتايح ممتازة و يبقى الجو كدا هادئ و ووردى و نابع من ثقافة الانسان مش غصب عنك لازم تيجى المستشفى الحكومى وتدفع ال 70 جنيه و مش عارف ايه

المشاركة الأصلية كتبت بواسطة meza

هة كل المشكلة فى ال 70 جنية .... و مش المشكلة فى طفل معاق هيجى للدنيا محتاج عائل ليه طول حياته ... بزمتك دى زى دى ؟!!!

لا طبعا بس عند الحكومة المشكلة فى ال 70 جنيه مش فى الطفل المشوه انا بس عاوز اقولك حاجة هو حضرتك اكيد عايش فى مصر و مطلع على اللى بيجرى كل يوم و اكيد زينا يعنى برده فاهم ان الحكومة مستحيل وممنوع ولا يمكن تعمل حاجة لصالح الشعب المصرى يا باشا الحكومة بتدور تجيب منين ال 30 % اللى بيقولو هيزود الناس بيهم قالك احنا ناخد من الناس المقتدرة اللى مش هتفرق معاهم و بالفعل خدو من اصحاب العربيات لان معظمهم مش هيتأثر اوى بزيادة لبنزين و هى فى الاخر العربية ارحم من المواصلات و قرفها و مفيش حد هيبيع عربيته مثلا عشان البنزين غلى و يركب مواصلات و كمان من اللى رايحين يتجوزو برده دول ناس جايبين شقة مش عارف بكام و شبكة و عفش و ووو هتيجى على ال 70 جنيه

فى حاجة اخيرة ال 70 جنيه بتاعة التحاليل دى ازاى هتبين و بدقة التحاليل الحساسة اللى بيقولو عليها ؟؟ يا باشا دى داخلة جيب الحكومة وخلاص يعنى الحوار كله معمول عشان ال 70 جنيه مش عشان الحكومة خايفة على مستقبل ولادك ولا حاجة يعنى خلاصهما خلصو مشاكل الحاضر وخلاص بقو فاضيين بيدورو على مشاكل المستقبل

واضح ان حضرتك طيب جدا و مش خوان او شكاك انا مش بقول ان الدكاترة كلهم وحشين ولا غرضهم وحش ولا من جوة سيئين الغرض انا بقول هو حضرتك عارف ايه اللى جوة الدكتور ؟؟؟ انا اللى شفته و اللى اعرفه يخلينى مثقش حتى فى اقرب اصدقائى و برده انا مش فاهم ايه المشكلة لما توديها لدكتورة مش دكتور ؟؟ و برده انا مش فاهم ايه دخل الحوارات دى فى الموضوع اللى برة انا معاك فى النقطة دى اساسا بس معترض على حسن النية الجامدة اوى دى و عن تجارب مش تجربة و حرص و متخونش

يا سيدى لما نتجوز و نخلف يبقى يحلها ألف حلال .... لسه بدررررررررى.

لا انا مش مع حضرتك فى الكلام دا خالص انا مع ان الحكومة تنشر توعية جامدة جدا فى اعلانات التليفزيون و الناس هتفهم و هتعرف ان التحاليل دى عشان خاطرهم و عشان خاطر ولادهم اللى المفروض يجيبوهم ان شاء الله و هتبقى طواعية كدا و هيروحو هما الاتنين اى مركز محترم هما بيثقو فيه و يعملو تحاليل بسعر مناسب مش 70 جنيه و يتأكدو بنفسهم ان النتايح ممتازة و يبقى الجو كدا هادئ و ووردى و نابع من ثقافة الانسان مش غصب عنك لازم تيجى المستشفى الحكومى وتدفع ال 70 جنيه و مش عارف ايه

طب لو فكرنا بالعكس ..... يعنى ليه لما الموضوع يبقى إجبارى ميجيبش نتائج؟

لا طبعا بس عند الحكومة المشكلة فى ال 70 جنيه مش فى الطفل المشوه انا بس عاوز اقولك حاجة هو حضرتك اكيد عايش فى مصر و مطلع على اللى بيجرى كل يوم و اكيد زينا يعنى برده فاهم ان الحكومة مستحيل وممنوع ولا يمكن تعمل حاجة لصالح الشعب المصرى يا باشا الحكومة بتدور تجيب منين ال 30 % اللى بيقولو هيزود الناس بيهم قالك احنا ناخد من الناس المقتدرة اللى مش هتفرق معاهم و بالفعل خدو من اصحاب العربيات لان معظمهم مش هيتأثر اوى بزيادة لبنزين و هى فى الاخر العربية ارحم من المواصلات و قرفها و مفيش حد هيبيع عربيته مثلا عشان البنزين غلى و يركب مواصلات و كمان من اللى رايحين يتجوزو برده دول ناس جايبين شقة مش عارف بكام و شبكة و عفش و ووو هتيجى على ال 70 جنيه

فى حاجة اخيرة ال 70 جنيه بتاعة التحاليل دى ازاى هتبين و بدقة التحاليل الحساسة اللى بيقولو عليها ؟؟ يا باشا دى داخلة جيب الحكومة وخلاص يعنى الحوار كله معمول عشان ال 70 جنيه مش عشان الحكومة خايفة على مستقبل ولادك ولا حاجة يعنى خلاصهما خلصو مشاكل الحاضر وخلاص بقو فاضيين بيدورو على مشاكل المستقبل

ده كده متبقاش حكومة بنت ستين فى سبعين بس ... دى تبقى حاجة كده كبيرة بعيد عن إدراكنا تماماً.

انا مش فاهم ...طيب تحاليل علشان الامراض الوراثيه قشطه مقلناش حاجه وانا كنت ناوي اعمله...انما بقي معرفة القدره علي الانجاب ديه بقي ملهمش فييها ...لان كل حاجه بتاعت ربنا ممكن نبقي زي الفل ومنخلفش ...وياما ناس كتيير كان عندها مشاكل وربنا رزقهم...
ده ايه القرف ده.
.صباح الاكتئاب اللي الواحد بقي فيه يعني مش كفايه هفكر في منين اجيب الشقه والعفش وافتح عياده منيين وامتي هكون قادر افتح بيت يجي كمان هشيل هم هيسمحولي اتجوز ولا لأ!!!

لأ التحاليل مش هتبقى ملزمة ... إلا فى حالة وجود أمراض معدية مزمنة .... و كمان مش هيبقى ليها علاقة بالقدرة على الإنجاب .. إلا لو طلب الزوجين الكشوفات دى .. لأن القدرة على الإنجاب مش بتبقى بتحاليل بس بتبقى بفحوصات طبية.