و الله يا جماعه انا فى قمه سعادتى لسببين
1- الردود اللى باشوفها و المناقشه الجاده المحترمه بدون خناق (حتى الان :) )
2- المعلومات اللى ابتدت تظهر للواحد و حث الواحد انه يفكر و يدرس و يقارن
-------
استاذ احمد سعد : فى جزئية الملك فاروق انا لم اقصد واقعه التقاتل عند القصر و انما قصدى كان منصب (على حسب ما قرأت ) استنجاده بانجلترا و امريكا
اى كان لديه استعداد فى البدايه
و لا اقصد من هذا الطرح اثبات انه سئ او شئ من هذا , الفكره هى توضيح تاريخ ليس اكثر
و للأمانه الملك فاروق و باشوات هذا العصر لهم الكثير من السلوكيات التى تعبر فعلا عن الرقى فى التعامل
(و هذا بناء على كلام ناس عاصروا تلك الاحداث و قريبى الصله منهم ) و ليسوا كلهم باشوات الافلام اللى شايلين الكرباج فى ايديهم طول الوقت.
استاذ ماهر : دش ايه بس يا راجل , انت الواحد بيتعلم من اى كلام تقوله
و اعذرنى انا مش فاهم قصدك بالتنظير
المشاركة الأصلية كتبت بواسطة mahora
كل الاحداث التاريخية بتاعة الفترة دى و اللى قبلها و كمان اللى بعدها و تقدر تطبقها كمان على احداثنا الحالية و تستقرئ منها كمان ما قد تسفر عنه الاتجاهات فى المستقبل......
و لكن ليس الجميع باستطاعته هذا الاستقراء و ننتظر منك التوضيح الاكثر
------------------------
اعذرونى فقد يظن البعض ان الموضوع بلا هدف معلن
و يمكن ده فى جزء من الصحه بالنسبه لى
انا اريد ان اعرف لكى اشكل وجدانى فى المرحله القادمه
و معرفتى بالتاريخ و ما حدث به هى اكبر معلم لى
و سماع وجهات نظر الاخرين و طريقه عرضهم لها هى من تصقل ما عرفته
-------------------
بالمناسبه انا طرحت الموضع على الفيس عندى (و ان كنت معتمد فى المعرفه على هنا لغنى المنتدى بشخصياته الغنيه عن التعريف)
المهم جالى تعليق ظريف عن سجن محمد نجيب طوال ثلاث عهود رئاسيه
الاجابه كانت : اصله كان اخوانى و عين الاخوان داخل المجلس العسكرى
و صاحب تلك الاجابه يعمل فى ارفع مكان بجهة سياديه
وجهة نظر برضه ووجدت من يؤيدها فى جريده الاهرام وقتها
سبحان الله
الايام بتعيد نفسها بس للأسف مش قادر احدد ايه اللى جاى
المفضلات