الموضوع: شباب حد معا لانوس فيها غاز !!

المشاركة الأصلية كتبت بواسطة hessenp

استفسار برضة يااستاذ ظريف بما ان شركات تحويل الغاز كتيير الواحد مننا ازاى يعرف ان الشركة دى تحولى العربية من غير مشاكل فى المستقبل ..... وكنت عايز اعرف اسعار التحويل للانجكشن كام دلوقتى ...

اولا على حد علمى وتجربتى ان فى شركتين فى مصر هما اللى بيحولوا لغاز
(كارجاس) و (غازتك) وفروعهم منتشرة فى الدلتا كلها

ثانيا مفيش حاجة اسمها شركة بتحول احسن من التانية
الشركات دى خاضعة للدولة متمثلة فى وزارة البترول بشكل او بأخر
وفية شركة منهم ايطالية الاساس
والتانية بصراحة مش عارفها

بس مفيش حاجة اسمها شركة بتحول احسن من التانية
لأن نظام الغاز دة تم اختراعة وتجربتة فى اوروبا اولا وبعدين جة مصر
فمتقلقش من اى شركة فيهم لان الشركات دى مافيهاش (بلية) يقعد يفتى لك وكلام من دة
كل الى فيها متخصصين ومدربين تدريب جيد وكل واحد فيهم فاهم كويس هو بيعمل اية (لانى جربت الشركتين)

الشركة الاولى اللى حولت فيها الفيات 132 كانت(كار جاس) واخترت نظام القسط 130 ج فى الشهر

بيطلبوا منك صور اوراق السيارة وصور ما يفيد اقامتك فى المدينة اللى الشركة بتكون فيها على ما اذكر كان وصل نور وصورة توكيل الشقة اللى انا اشتريت بية..... دة بعد اطلاعهم على الاصل

سعر الغاز كاش تقريبا 6000ج وكسور بس بصراحة انا دلوقتى مش عارف كام بالضبط وكمان عشان فية نظامين فى الانجيكشن (الدائرة المفتوحة والدائرة المقفولة) عشان انا مبحبش( افتى) فأنت ممكن تخطف رجلك للشركة يوم السبت او الاحد لأن فى شركة فيهم بتاخد اجازة جمعة وسبت وشركة تانية بتاخد اجازة جمعة بس

وفى نفس الوقت انا مش عارف فى الغاز الكاش اية الاوراق اللى بيحتاجوها لانى بصراحة محولتش كاش

الغاز الاول ليا كان قسط فى (كار جاس)

والغاز التانى كان استعمال فى (غاز تك) وبالنسبة للاوراق او الاجراءات انا شرحتها فى اول الموضوع

المشاركة الأصلية كتبت بواسطة hessenp

الف شكر على المتباعة السؤال بتاعى بس كان ليا بس تعديل فى كلامك .. هما مش شركتين بس هما تلاتة كار جاز . غازتك . وماستر جاز .. وولدى كان مركب عند ماستر جاز وكان الغاز موقرف فى بداية تركيبة كان فى مشاكل كتيير كنت على طول اغير بوجيهات واسلاك بوجيهات بعيدا عن الصيانات الدورية فاخيرا حلو المشكلة اللى عند والدى بتركيب جهاز زيادة غير الجهازين اللى ركبين وبكدة كانت المشكلة اتحلت
فكنت عايز اسال بس عن اسم محطة تانية عن تجربتك الشخصية بعيد عن المشاكل اللى قابلة ولدى بالعربية ....ولك جزيل الشكر وكل احترامى ...

بداية انا شخص اكتر حاجة يكرهها هى (الفتاوى بدون فهم او معرفة)
فتلاحظ فى كل مشاركاتى فى الرد على احد انى بكون محدد فى الكلام
وتلاحظ فى الرد على مشاركتك انى قولت

(اولا على حد علمى وتجربتى ان فى شركتين فى مصر هما اللى بيحولوا لغاز
(كارجاس) و (غازتك) وفروعهم منتشرة فى الدلتا كلها)

مقلتش ان دول هما الشركتين الوحيدتين اللى موجودين فى مصر بس

ودة لانى اتعاملت مع الاثنين
الشاهد من الكلام انى عمرى ما هفتى على حد فى الرد

وبتبقى فية مشاركات كتير عايز ارد فيها بس معنديش رد اكيد فابكتفى بقراءة الموضوع

بمعنى ابسط ثق تماما انى عمرى ما هضل حد وسبب اسهابى فى الشرح فى البوست دة ان انا بيصعب عليا الناس اللى بتتسحل فى طوابير بالساعة والساعتين عشان يمون بنزين واحيانا بعد كل الوقفة دى بيمشى من غير ما يمون فلما رايت سؤال عن الغاز قررت انى اشارك فى الموضوع بمنتهى الضمير والاهتمام عشان زى ما انا بجاوب الناس عن حاجة (فيها خير ليهم) وهما مش عارفينها ربنا هيبعتلى برضة اللى ((يدلنى مش يضلنى)

تمام اخى الكريم

نيجى بقة لباقى الكلام
اللى انت كنت بتشتكى منة فى العربية بتاعة والدك واتحل الحمد لله
لو عربية والدك كربراتير فالموضوع دة شائع وحلة الجذرى(عن تجربة) ايام ما كن معايا الفيات 132 كالتالى

1-ابحث عن كابلات بوجيهات نحاس وليست كربون
2- استخدم بوجيهات (دينسون) يابانى اصلى سعرها حوالى 60ج
3- خلى ميكانيكى محترم يظبط لك على دول صوت المكنة على البنزين يبقى ناعم حرير ونغمة المكنة ثابتة
4- روح بقى لشركة الغاز وصوت المكنة ثابت وناعم وهو من نفسة هيعلى الكهربا سنة صغيرة لان الغاز بيحب الكهرباء العالية
5 - حاجة اخيرة لو عربيتك كبراتير وفيها تاكيهات يبقى كل شهر ونص تظبط التاكيهات على 50-45 خفيف مش محمل
وقول للصنيعى بتاع التاكيهات كدة(50-45 خفيف مش محمل)

لكن لو عربة والدك انجكشن فبصراحة مش عارف لان الانجيكشن فى الغاز جميل وغريبة عليا شوية موضع الجهاز التانى اللى ركبوة

الشق الاخير من السؤال
انا اتعاملت مع( كار جاس) (وغاز تك) الفروع اللى موجودة فى العاشر من رمضان والاتنين زى الفل وفاهمين هما بيعملوا اية