شباب حد معا لانوس فيها غاز !!

**aassemaassem** · 07-03-2013 10:35 PM

طيب فى ناس بتقول لو بغت العربية وفيها غاز سعرها بيقل ،، الكلام ده صح ولا

**مصطفى-حسن** · 08-03-2013 12:43 AM

المشاركة الأصلية كتبت بواسطة aassemaassem

طيب فى ناس بتقول لو بغت العربية وفيها غاز سعرها بيقل ،، الكلام ده صح ولا

معلومة صحيحة وانتشرت للاسف بعد ما اتبنت على اساس خاطى
بمعنى ان الناس تقولك الغاز بياكل المكنة (وانا شرحت الكلام دة فى اول الموضوع)
وحاجة تانية انك لما تيجى تشترى عربية عليها غاز يقولك يبقى صاحبها كان مشغلها تاكسى والعربية طلعان عينها ومهلوكة

فعشان كدة تلاقى 90% من اللى بيبقوا مركبين غاز بيبيعوا الغاز لوحدة والعربية لوحدها

**مصطفى-حسن** · 08-03-2013 09:15 PM

المشاركة الأصلية كتبت بواسطة aassemaassem

طيب فى حاجة كمان انا روحت مركز كارجاز اللى ركبت الغاز فيه وقالى لو هتفكه بيتكلف 150 جنيه فك ولو هتركبه فى عربية تانى لو لانوس زيها هيتكلف 150 جنيه تركيب لو عربية غير اللانوس هيتعمل مقايسة جديدة والتركيب هيكون من 1000 الى 1500 جنيه حسب العربية علشان لسة هيتعمل مواسير جديدة وشغل جديد فى وصلات الكهرباء علشان كده انا عايز ابيعه لحد معاه لانوس

الكلام دة صحيح
انا لما ركبت الغاز اللى معايا وكنت فاكة من عربية لانوس برضة
صرفت اجمالى حوالى 1080ج
بس انا هقولك على فكرة
انت (استموت) معاهم ....... حمرق يعنى
وقلهم اللى هيشترى منى كل اللى معاة اول عن اخر الف جنية للتركيب فانتو غيروا الحاجات الضرورية اوى بس وسيبوا الحاجات اللى شغالة
لانهم بيبقوا عايزين يشغلوا مخزن التوريدات اللى عندهم
انا عملت كدة بالضبط
والمهندس اللى كان بيحولى سمعنى نفس الكلام اللى انت قولتة دة
وانا استموت معاة ولمهالى مشكورا
حاول وجرب
بس اوعى تنسى فحص الاسطوانة دة امان للمشترى

**egyptiandiver** · 11-03-2013 12:48 AM

ظريف باشا هو فتحت تغذية إلغاز واحدة؟ بمعنى هو ممكن اركب في غاز تك مثلاً و امون منها و امون من كار جاس بردو؟ و لا لزم امون من شركة واحدة بس؟

**مصطفى-حسن** · 11-03-2013 01:09 AM

المشاركة الأصلية كتبت بواسطة egyptiandiver

ظريف باشا هو فتحت تغذية إلغاز واحدة؟ بمعنى هو ممكن اركب في غاز تك مثلاً و امون منها و امون من كار جاس بردو؟ و لا لزم امون من شركة واحدة بس؟

طبعا مكان الشحن واحد
ممكن تشحن غاز من اى محطة غاز فى جمهورية مصر العربية
خراطيم الشحن فى كل محطات الغاز
والظور بتاع الشحن اللى فى كل العربيات
(ستاندر)
مقاس واحد فى كلة على مستوى الجمهورية

**مصطفى-حسن** · 11-03-2013 07:59 PM

المشاركة الأصلية كتبت بواسطة aassemaassem

حاجة جديدة انا شوفت واحد مركب الظور بتاع تموين الغاز جانب الظور بتاع تانك البنزين يعنى مش بيفتح الكبوت لما يموت والكلام ده بتاع عربية مهندس فى كار جاز اللى فى الماظة

كلام صحيح
بس
بالنسبة لموديلات وموديلات
يعنى انا شفت جيب شيروكى بيمون جنب تنك البنزين
والميكروباصات بتمون من ورا تحت الاكصدام
نوع العربية هو اللى بيحدد
بس كلة شغال