الموضوع: من اليوم‏..‏ جميع السيارات سواسية أمام القانون - اهرام الجمعة

هههههههههه
اه والله , بس الكوسه غليت اليومين دول بدل ما حتدي للعسكري 10 20 حتديل 70 80 ههههههههه
بجد الواحد حزين عالحال ده !!!! أنتو عارفين لو الواحد يحس أنه حيتعامل زي كل الناس يعني لو وزير عمل مخالفه وأتخالف عليها والغفير عمل مخالفه وأتخالف عليها بجد الواحد يحس بأمان ويحس بالقانون الجديد ...
بس النهارده في الجريده الأخبار عاملين خبر عن سيارتين شرطه قال أيه أتخالفوا (قالبي على والدي أنفطر ههههههههههه)و ( أيه ......... أيه)هههههههههههههه
بجد سرحان بعقول البشر

حبيبي تمام وصل وحرد عليك أهوه
بجد أنا أسعد

المشاركة الأصلية كتبت بواسطة Dr Ahmed

يهمنى أعرف رأى حضرتك بالذات فى سوء إستخدام العديد من أصحاب الوظائف فى النيابة والقضاء والشرطة لسلطاتهم فى مخالفة القانون هم ومعارفهم ، وإزاى ممكن مقاومة أو القضاء على الظاهرة دى

حضرتك طلبت معرفه رأيى فى سوء إستخدام السلطه وكيفيه مقاومة ذلك
الحقيقه إن سوء إستخدام السلطه ده بيعود فى المقام الأول إلى النظام بمعنى إن الناس شايفه إن النظام بيحمى بعض المجرمين زى إبراهيم نافع وإبراهيم سعده وممدوح إسماعيل وأحمد عز وغيرهم وإن القانون لا يتم تطبيقه على الجميع وإنما يتم تطبيقه على معارضى النظام فقط
بالإضافه إلى أن مجلس الشعب نفسه لا يحظى بإحترام العامه ولا الخاصه وده لطريقه تعامل الحكومه معه وكذا التزوير فى إنتخاب أعضاؤه
الموضوع ده سبب مع الوقت ثقافة عدم إحترام القانون
لأن القانون اللى لا يطبق على الجميع هو قانون غير محترم فضلا عن إنه صادر من جهه لا تحظى بإحترام الناس

هذه الحقائق السابقه جعلت من معظم من يمتلكون جزء ولو صغير من السلطه أن يستخدموا هذه السلطه كلما كان ذلك مناسبا وكلما دعت الحاجه الى ذلك

أنا لا أقدم أعذارا ولكنى أجتهد لتقديم تفسير
الحل من وجهة نظرى لن يحدث إلا مع التحول الديموقراطى للبلد
بأن يكون إنتخاب مجلس الشعب بدون تزوير بحيث تعود له الكلمه العليا فى إدارة البلد قبل السلطه التنفيذيه بما فيها رئيس الجمهوريه
بالإضافه الى إنفصال شرطه المرور عن وزارة الداخليه وتكون جهه مستقله

المشاركة الأصلية كتبت بواسطة محمد ابراهيم 1

حضرتك طلبت معرفه رأيى فى سوء إستخدام السلطه وكيفيه مقاومة ذلك
الحقيقه إن سوء إستخدام السلطه ده بيعود فى المقام الأول إلى النظام بمعنى إن الناس شايفه إن النظام بيحمى بعض المجرمين زى إبراهيم نافع وإبراهيم سعده وممدوح إسماعيل وأحمد عز وغيرهم وإن القانون لا يتم تطبيقه على الجميع وإنما يتم تطبيقه على معارضى النظام فقط
بالإضافه إلى أن مجلس الشعب نفسه لا يحظى بإحترام العامه ولا الخاصه وده لطريقه تعامل الحكومه معه وكذا التزوير فى إنتخاب أعضاؤه
الموضوع ده سبب مع الوقت ثقافة عدم إحترام القانون
لأن القانون اللى لا يطبق على الجميع هو قانون غير محترم فضلا عن إنه صادر من جهه لا تحظى بإحترام الناس

هذه الحقائق السابقه جعلت من معظم من يمتلكون جزء ولو صغير من السلطه أن يستخدموا هذه السلطه كلما كان ذلك مناسبا وكلما دعت الحاجه الى ذلك

أنا لا أقدم أعذارا ولكنى أجتهد لتقديم تفسير
الحل من وجهة نظرى لن يحدث إلا مع التحول الديموقراطى للبلد
بأن يكون إنتخاب مجلس الشعب بدون تزوير بحيث تعود له الكلمه العليا فى إدارة البلد قبل السلطه التنفيذيه بما فيها رئيس الجمهوريه
بالإضافه الى إنفصال شرطه المرور عن وزارة الداخليه وتكون جهه مستقله

بس ماظنش بردوا انه لو الكلام ده كله حصل ان البلد هاتنفع عايز اقول لحضرتك ان امبارح ظابط امور ماشى بالبوكس عكس الاتجاه تخيل انا عملت ايه ماهو انا برضوا محروق دمى


طيب شوفوا الموقف ده امبارح كنت مروح من الرحاب من طريق التجمع المهم لقيت بوكس بيلف عكسى و كمان زنق عليا المهم انا اتنرفزن قمت مزمرله جامد و حدفدت عليه حدفه بسيطه و قولت كده خد جزاته و الطريق مشى عادى و البوكس عدى و مشى قدامى بعديها بشويه كنت عايز اجرى شويه الاقى البوكس مش عايز يعدينى خالص اجى يمين يجى يمين اجى شمال يجي شمال المهم لقيت طريق فرعى على جانب الطريق دخلت فيه و قرصت شويه و هوب فجاه لاقانى قدامه و كمان معرض عربيتى قدامه سيبته و مشيت و انا هاطق قولت لازم اعمل حاجه اعرف الظابط ده مقامه اه بالمنسبه كان ظابط برتبه نقيب قومت وافق مره واحده على جنب و نزلت من العربيه علشان اشوف اخره لقيته بيبصلى و مشى قولتله انت مجنون

المشاركة الأصلية كتبت بواسطة Noha-M

لما ادفعلى الف جنيه عشان نسيت رخصتي فى اى حتة يبقي استحق عقاب؟

القوانين نفسها فى مصر مش بتتسن غير لفرد الدراع و لم فلوس باى شكل من الاشكال و اخر حاجة بيفكرو فيها هي حماية المواطن

حتى القوانين نفسها تحس واحد بيتفنن ازاى يقلب الشعب المصرى . و احنا اكتر شعب اتفرض عليه قوانين و لسه هيتفرض و برضه ساكتين !
بجد انا مش فاهمة عاوزين يعملو فينا ايه تانى

+1000000000000

انا رأيي برضه ان ده هدف قانون المرور الجديد مش هدفة امان المواطن

لأن ماينفعش يقوللي اني لوكسرت الإشارة الحمراء هدفع مخالفة من 500 لـ 1000 جنيه وهوة مافيش أشارات أصلا في الشارع لا حمرا ولا زرقا حتى ... ده حتى لما بيبقى في إشارة حمرا شغالة أبص الاقى العسكري بيقوللى امشي ومابقاش عارف اسمع كلامه وامشي ولا استنى لما الإشارة تخضر عشان امشي (هايكون هوة قفلها خلاص طبعا)

وماينفعش يقول ان النقل يمشي على يمين الطريق وإلا رخصته تتوقف شهر باين (مش فاكر كويس) وأصلا الخطوط والحارات مابتبقاش باينة ولا مظبوطة يعني أبقى ماشي في اليمين وبقدرة قادر الاقي نفسي ماشي في النص وبعدين على الشمال وشوية ارجع تاني في النص وبعدين على اليمين برغم اني ماشي جوة نفس الحارة وشوية مافيش حارات خالص (المصيبة بقى اني لما ابقى ماشي على الشمال وفجأة مالاقيش فيه شمال أصلا والاقي رصيف مكانه ولازم أغير حارتي واجي في النص اللى هية بقت شمال عشان ماخبطش في الرصيف- وده مثلا في الملف بتاع القطامية على الدائري في اتجاه طريق السويس) ..... وهلم جرا

المشاركة الأصلية كتبت بواسطة محمد ابراهيم 1

حضرتك طلبت معرفه رأيى فى سوء إستخدام السلطه وكيفيه مقاومة ذلك
الحقيقه إن سوء إستخدام السلطه ده بيعود فى المقام الأول إلى النظام بمعنى إن الناس شايفه إن النظام بيحمى بعض المجرمين زى إبراهيم نافع وإبراهيم سعده وممدوح إسماعيل وأحمد عز وغيرهم وإن القانون لا يتم تطبيقه على الجميع وإنما يتم تطبيقه على معارضى النظام فقط
بالإضافه إلى أن مجلس الشعب نفسه لا يحظى بإحترام العامه ولا الخاصه وده لطريقه تعامل الحكومه معه وكذا التزوير فى إنتخاب أعضاؤه
الموضوع ده سبب مع الوقت ثقافة عدم إحترام القانون
لأن القانون اللى لا يطبق على الجميع هو قانون غير محترم فضلا عن إنه صادر من جهه لا تحظى بإحترام الناس

هذه الحقائق السابقه جعلت من معظم من يمتلكون جزء ولو صغير من السلطه أن يستخدموا هذه السلطه كلما كان ذلك مناسبا وكلما دعت الحاجه الى ذلك

أنا لا أقدم أعذارا ولكنى أجتهد لتقديم تفسير
الحل من وجهة نظرى لن يحدث إلا مع التحول الديموقراطى للبلد
بأن يكون إنتخاب مجلس الشعب بدون تزوير بحيث تعود له الكلمه العليا فى إدارة البلد قبل السلطه التنفيذيه بما فيها رئيس الجمهوريه
بالإضافه الى إنفصال شرطه المرور عن وزارة الداخليه وتكون جهه مستقله

+1000000000000000000000000000

انا متفق معاك تماما في كل اللى قولته احنا لو عندنا مجلس شعب محترم ومستقل كما هو المفترض عمر ما قانون زي قانون المرور الجديد ده صدر بهذا الشكل
وعمر ما الحكومة تعمل اللى هية عايزاه كده على طول سواء صح او غلط من غير مراقبة من مجلس الشعب اللى أحد وظائفة مراقبة الحكومة في تنفيذ مهامها بصورة صحيحة ومحاسبتها إن أخطأت

مجلس شعب معظم أعضائه التابعين للحزب الوطني انتموا اليه بطريقة غير شرعية مش شرط يبقى بالتزوير في النتائج لكن في طرق كتير عشان ينجّحوا اللى هما عايزينه من غير تزوير ولا حاجة وانا عشت الكلام ده في الإنتخابات الأخيرة بنفسي وشوفته بعيني عشان كده هم يعتبروا موظفين للحكومة بيعملوا اللى بيتقاللهم وبس من الكام واحد اللى ممشيين البلد أمثال أحمد عز والعائلة المقدسة ......

هاكّلم أقول ايه ده الموضوع كبير جدا ....!!!!


في موضوع بقى ضايقني بجد ماقريتوش غير دلوقتي لأني كنت مسافر بس لازم ارد عليه حتى لو متأخر شوية

بالنسبة لكل الأعضاء اللى اتقلبوا مرة واحدة على وكلاء النيابة والمستشارين والقضاة بسبب كلام عضو معانا وأخ لينا لسة في سنة أولى حقوق ولسة ماعرفش الدنيا ولا اتعلم منها حاجة لأن كلنا كنا زيه فاكرين اننا فهمنا الدنيا ولما كبرنا شوية عرفنا اننا كنا مش فاهمينها مظبوط والواحد كل مايكبر كل ما يعقل أكـتر (أرجوا مايزعلش مني بس دي الحقيقة فعلا مهما إعتقد العكس)

آه هوة صح في حاجة (ودي باينة للكل) ان البلد بايظة وهية ماشية كدة بالبلطجة والفلوس والنفوذ وسوء استغلال السلطة اللى في غير مكانهم وياريت تحطوا خط تحت (اللى في غير مكانهم .. دي) ... والخ ... الخ ... الخ ....

لكن مش معنى كده ان انا أعمل اللى انا عايزه .... لأ .... لازم أنضّف نفسي وأعمل الصح حتى لو اللى حوالية كلهم غلط لأن اللى هايحاسبني في الآخر ربنا مش الناس اللى حوالية انا حتى لما بيبقى في ايدي منديل عايز ارميه بسيبه في باب العربية لغاية لما الاقي سلة زبالة ارميه فيها برغم ان وجود سلة زبالة في الشارع ده شيء صعب (والله ساعات بطلع أرمي الزبالة بتاعتي في البيت وأشيلها من العربية للدور الخامس في كيس صغير عشان ماحدش ياخد باله) وبرغم ان الناس كلها عادي بترمي المناديل وعلب البيبسي واكياس الشوكلاته وأي حاجة عايزة ترميها من شبابيك عربياتها في الشارع كده عيني عينك طب ماهي دي مخالفة مرورية وليها عقوبة ولا عشان ماحدش بيكلم عليها خلاص بقت عادي ما كل واحد لو نضف نفسه الأول هانبص نلاقي البلد نضيفة أو على الأقل وساختها قلت لكن لو كله قعد يقول لما البلد تنضف الأول ابقى انا انضف عمرها ماهتنضف

انا عملي وكيل نيابة والحمدلله عمري ماشفت أي حد من زملائي في العمل بلطجي بهذا الشكل اللى كلنا فهمناه من الكلام اللى قريناه ده .... وصدقوني جميعا لو الأخ اللى بيكلم ده وقع في مشكلة جامدة كان هوة اللى غلطان فيها (خبط حد موته مثلا والعياذ بالله ساعتها بقى لما يطلع انه من غير رخصة ونمره بايظة وعليها بدج نيابة وهو مش وكيل نيابة يعني منتحل شخصية تتحول جنحة القتل الخطأ اللى عقوبتها حبس بس لجناية قتل عمدي عقوبتها أشغال شاقة مؤبدة أو مؤقتة) وأول واحد هايبيعه هوة صاحبه وكيل النيابة اللى هوة بيكلم عنه ده لأنه مش هايقدر يدافع عن واحد غلطان أصلا وإلا يتشبه معاه ... ومسيره يعرف في يوم من الأيام الكلام ده سواء هوة أو صاحبه اللى شكله برضه يادوب لسة متعين في النيابة جديد ؟؟ (أرجوا تصحيحي ان كنت مخطئ)

في فمصر أكتر من عشرين الف وكيل نيابة وقاضي على مستوى الهيئات القضائية ياترى فيه كام عربية تخصهم ماشية عاملة مخالفات أو من غير نمر أو حاطط البدج على النمرة أو عاملها بلاستيك ؟؟؟ قارنوا وشوفوا النسبة هاتطلع قد ايه ... والله انا أعرف ناس كتير جدا منهم لما بيجددوا رخصم مابيكونش في ملفهم ولا مخالفة أصلا

زي مافيه نسبة من المهندسين والأطباء والمحاسبين والنجارين والسواقين وناس من جميع فئات المجتمع ماعندهاش ضمير وواخدين الدنيا بالبلطجة والفلوس والنفوذ في برضه نسبة من النيابة والقضاء كده والا ماكناش سمعنا عن قاضي مرتشي واخد فلوس عشان يلعب في قضية مثلا زي ما بالظبط بنسمع عن دكتور كل اللى همه ياخد فلوس العملية ومش فارقة معاه بعد كده العملية تنجح ولا لأ ... أو المهندس اللى بيسرق في مواد البناء مثلا ومش فارق معاه العمارة تقع ولا لآ ... أو الكهربائي اللى مش مخلص في شغله ومش فارقة معاه لو حصل ماس كهربي ولع في الناس بعد كده من إهماله .... وهلم جرا

أنا باشوف ناس معايا في النيابة حاطين البدج على اللوحات بس برغم اعتراضي على كده أصلا عمري ماشفت حد حاطط البدج على رقم من أرقام اللوحة ومخبيه بيه واللى بيعمل كده ده بيبقى أصلا مش وكيل نيابة لأن وكيل النيابة ما بيدفعش مخالفات بقوة القانون يبقى هايخاف ويخبي رقم من النمرة ليه!!؟؟ وعموما انا دايما بقولهم ان كده غلط وفي ناس كتير جدا والله اقتنعت بكلامي ده وشالوه لأن اللوحات فعلا لا يجوز وضع أي شيء عليها قانونا وكتير كانوا عاملين لوحات بلاستيك ورجعوا حطوا اللوحات الأصلية بعد ماعرفوا ان ده غلط لأنهم ناس عاقلة ومحترمة جدا فعلا وإلا ماكانش يبقى مستقبل الناس اللى بيحكموا بينهم في ايديهم .. بعد ربنا طبعا

المشاركة الأصلية كتبت بواسطة mahamedaraby

اللى بيعمل الحركات بتاعت النمر والحركات دى من وجهه نظرى بيبقى عنده نقص

ما فيه عربيات كتير بشوفها 4 ارقام والراجل ولا عامل اى حاجه فى عربيته خالص

اشمعنى

وزي ما الأخ زميلنا قال هنا لأن معظم الأرقام دي بتبقى بتاعة وكلاء نيابة وضباط شرطة وجيش لكن عربياتهم مافيهاش حاجة لأن هما ناس محترمة وحتى مش كل وكلاء النيابة وضباط الشرطة والجيش بيجيبوا نمر من زي كده يعني في كتير شايلين نمر عادية وعربياتهم عادية وانا واحد منهم

بالنسبة للبدج اللى على الزجاج ده لازم يتحط لأن عربيات وكلاء النيابة والقضاء ليها معاملة خاصة حسب القانون يعني مثلا لا يجوز تفتيشها ... وما الى ذلك ... وده بنص قانون السلطة القضائية عشان كده لازم العربيات دي تبقى معروفةى... بس واضح أن في ناس أهه بتدي البدجات بتاعتها لأصحابها ... عشان كده انا مرة لاقيت بدج النيابة العامة والنيابة الإدارية ومجلس الدولة مع بعض !!! ملزوقين على عربية نقل بمقطورة !!!!!!!!!!!؟؟؟؟؟؟؟؟؟؟؟؟؟؟؟

ومرة شفت عربية لانسر عامل فاميه أسود وحاطط بدجات النيابة العامة والإدارية ومجلس الدولة وقضايا الدولة وعامل لوحات بلاستيك كاتب عليها هيئة قضائية عليا وراسم عليها بدج القضاء .. ده إستحالة يكون وكيل نيابة أصلا ولا شمها حتى .. وللأسف معظم ضباط الشرطة هتلاقيهم بيخافوا يكلموه لكن لو وقع مع ضابط رخم هايطلع عينه .. ده إذا كانت مطلعتش لغاية دلوقتي لأني ماشفتهاش تاني العربية دي

وفي وكلاء نيابة خدوا تنبيه بسبب انهم عاملين لوحات بلاستيك للعربية بدل لوحاتها الأصلية لأن ده غير قانوني (وعلى فكرة التنبيه ده عقوبة جامدة مش بسيطة بالنسبة لوكيل النيابة) وكان السبب إنهم وقعوا مع ضباط رخمين وكان منهم مساعدين وزير ووصلوا الموضوع للمستويات العليا في مجلس القضاء الأعلى

وبعدين البدج اللى على الزجاج أصلا مش مخالفة وده عادي زي البدج بتاع الأطباء أو المهندسين أو التجاريين أو أعضاء هيئة التدريس في الجامعات أو النسر بتاع ضابط الشرطة أو الجيش أو نادي الصيد حتى ... وهكذا


نيجي بقى لكلمة الأخ اللى بيقول فيها ان زي مافيه ناس ماشية مفيمة يبقى انا كمان أمشي مفيم وزي ماناس ليها إستثناءات يبقى انا كمان ليا إستثناءات وطبعا الكلام ده كلنا عارفين انه غلط (وإن كان أنا رأيي الخاص في الفاميه ان أي حد عايز يحطه المفروض عادي ومش فاهم ليه القانون بيمنعه أصلا ولا الحكمة من كده وحاسس انه غباء جامد يمنعوه لأنه مفيد جدا في الشمس ومش شايف منه ضرر لو اتحط على زجاج الأبواب بس بحيث انه مايدايقش الرؤية - وعلى فكرة انا مش عامل فاميه حتى لكن بفكر )

لكن انا عايز أوضح ناحية تانية ان فيه ناس ليها إستثناءات لأن دي طبيعة شغلها يعني لما يكون في واحد في المخابرات العامة أو الأمن القومي أو مباحث أو نيابة أمن الدولة أو مؤسسة الرئاسة ... أو ... أو ... وطبيعة شغلة مثلا فيها شيء من السرية عشان أمن البلد مش عشانه هو لأ عشان أمن البلد يبقى طبيعي أن يكون ليه معاملة خاصة زي الفاميه الداكن لأنه ممكن يكون بيقرا أوراق غاية في السرية جوة العربية مثلا وزي ان ماحدش يوقفه وهو ماشي أو يفتشه ودي حاجة لازم نقبلها لأن ده جزء من أمننا

آه هية البلد بايظة ومتنيلة بستين نيلة والوسايط والرشاوي والمحسوبية ملياها
واحنا خلاص مش طايقين نعيش فيها لكن صدقوني هية لسة فيها أمن وأمان مش موجودين في أماكن كتير في الدنيا دلوقتي وحاجات تانية كتير كويسة إحنا مش حاسين بيها عشان اتعودنا عليها بس لكن هانحس بيها لو سيبناها وطلعنا نعيش برة ( مع إني نفسي أطلع أعيش برة شوية )

انا آسف اني طولت عليكوا قوي كده بس فعلا الموضوع ضايقني لأني حسيت انكوا بتغلطوا فيا انا

تقدر تقولى حضرتك دخلت النيابه بواسطه ولا من غير واسطه اصلا دى بلد كفته مع احترامى ليك و لكلامك المحترم ده