مشكلة في فيكترا 97

**ahmed_magdy_shaaban** · 01-08-2008 04:15 PM

يا جماعة أنا غيرت العفشة بتاعت عربيتي والأربع فرد كاوتش والبطارية.المهم بعد ما غيرت البطارية حسيت العربية مش بتسحب زي الأول.و صوت الموتور في الأول عادي لكن لما بحرق علي الغيار يعني الrbm يوصل لحد 6 بسمع صوت غريب زنة غريبة.فوقفت بالعربية و قولت أجرب أفصل.يا جماعة لقيت مفيش صوت تفصيلة أصلا.زي ما يكون العربية كاربيراتير.حد عنده فكرة العربية كده مالها.أنا متعكنن أوي ووالدي حالف ما يدفع عليها جنية بعد الفلوس اللي إدفعت فيها.

**Ahmad Allawy** · 02-08-2008 12:09 AM

هي مش دي العربية اللي 2000 سي سي.. مانيوال؟؟
ولا مش هي؟
صوت الزنة ده مالوش اي علاقة بالعفشة خالص..
و السحب مالوش ادني علاقة بالعفشة
استني كده..
انت حاطط فيها بطارية كام امبير..؟؟
شور علينا يا نو نيم..
لو حد فيها بطارية اكبر بكتير من الاصلي بتاعها ممكن تعمل كده..؟؟
تلخبط الكهربا ؟؟ ولا مالهاش دعوة؟؟

**ENG\AHMED** · 02-08-2008 12:46 AM

المشاركة الأصلية كتبت بواسطة ahmed_magdy_shaaban

يا جماعة أنا غيرت العفشة بتاعت عربيتي والأربع فرد كاوتش والبطارية.المهم بعد ما غيرت البطارية حسيت العربية مش بتسحب زي الأول.و صوت الموتور في الأول عادي لكن لما بحرق علي الغيار يعني الrbm يوصل لحد 6 بسمع صوت غريب زنة غريبة.فوقفت بالعربية و قولت أجرب أفصل.يا جماعة لقيت مفيش صوت تفصيلة أصلا.زي ما يكون العربية كاربيراتير.حد عنده فكرة العربية كده مالها.أنا متعكنن أوي ووالدي حالف ما يدفع عليها جنية بعد الفلوس اللي إدفعت فيها.

طبعا العفشة والفرد ملهمش علاقة بالموتور
البطارية كام امبير؟؟
جرب امشى بالغربية كام يوم وشوف هتظبط معاك ولا لأ

انا لاحظت حاجة محدش مقتنع بيها ولا التوكيل بس دى عربيتى وانا عارفها... لما بتفصل البطارية وتوصلها صوت العربية بيبقى مختلف ومبرجلة شوية وبتلاقى المراوح تشتغل وتفصل والعربية باردة كام يوم وبترجع عادى لوحدها...
موضوع الزنة مقدرش افيدك فيها لازم تتسمع
التفصيل دة من الكنترول بتاع العربية ومالوش دعوة بكل اللى انت عملتو

**Ahmad Allawy** · 02-08-2008 12:57 AM

المشاركة الأصلية كتبت بواسطة NoNaMe

طبعا العفشة والفرد ملهمش علاقة بالموتور
البطارية كام امبير؟؟
جرب امشى بالغربية كام يوم وشوف هتظبط معاك ولا لأ

انا لاحظت حاجة محدش مقتنع بيها ولا التوكيل بس دى عربيتى وانا عارفها... لما بتفصل البطارية وتوصلها صوت العربية بيبقى مختلف ومبرجلة شوية وبتلاقى المراوح تشتغل وتفصل والعربية باردة كام يوم وبترجع عادى لوحدها...
موضوع الزنة مقدرش افيدك فيها لازم تتسمع
التفصيل دة من الكنترول بتاع العربية ومالوش دعوة بكل اللى انت عملتو

هو كلامك ممكن يكون ليه تفسير واحد بس..
ان الكومبيوتر بتاع العربية بيعمل ريست كامل..
و بياخد شوية وقت علي ما يعمل ادجاست للقيم بتاعته و للقرايات و يظبط الموتور بنفسه..

**ENG\AHMED** · 02-08-2008 12:59 AM

المشاركة الأصلية كتبت بواسطة Ahmad Allawy

هو كلامك ممكن يكون ليه تفسير واحد بس..
ان الكومبيوتر بتاع العربية بيعمل ريست كامل..
و بياخد شوية وقت علي ما يعمل ادجاست للقيم بتاعته و للقرايات و يظبط الموتور بنفسه..

دة فعلا اللى انا اقصدة بس محدش مقتنع لا التوكيل ولا ناس معاهم نفس العربية !!!
يقولولى لأ مفيش فرق !!!!!!!

**M.Mokhtar** · 03-08-2008 08:41 AM

المشاركة الأصلية كتبت بواسطة NoNaMe

دة فعلا اللى انا اقصدة بس محدش مقتنع لا التوكيل ولا ناس معاهم نفس العربية !!!
يقولولى لأ مفيش فرق !!!!!!!

لأ مفيش فرق

بغيظك مش اكتر

بس المعلومه دى اكيده
الموتور بيظبط نفسه لو اتعمل ريستارت للكمبيوتر
ولما تفصل البطاريه الكمبيوتر بيرستارت
حتى ساعات لو عندك مشكله وكمبيوتر العربيه ظاهره على الشاشه مش بتروح بعد التصليح الا لو فصلت البطاريه ووصلتها تانى

**ENG\AHMED** · 03-08-2008 02:23 PM

المشاركة الأصلية كتبت بواسطة mimysheckles

لأ مفيش فرق

بغيظك مش اكتر

بس المعلومه دى اكيده
الموتور بيظبط نفسه لو اتعمل ريستارت للكمبيوتر
ولما تفصل البطاريه الكمبيوتر بيرستارت
حتى ساعات لو عندك مشكله وكمبيوتر العربيه ظاهره على الشاشه مش بتروح بعد التصليح الا لو فصلت البطاريه ووصلتها تانى

البهوات بيقولو لأ مفيش فرق وفى ناس معاهم العربية وبيقولو لأ وبيتكلم بثقة زى مايكون هو صح يعنى !!!!

**rabbat5** · 07-08-2008 01:50 AM

ممكن تكون حاجة لامسة المروحة و ممكن يكون الاكصدام مش ثابت فلوحة الأرقام تتهز و تسمع صوت غريب.

**sniperfox** · 05-10-2008 12:32 AM

انا معايه عربيه اوبل 95 / 2000 / اوتو وعاوز االكم يا جماعه ان العربيات ال اوبل بصفه عامه على كمبيوتر ولو فصلت ال بطريه لاى سبب من ال اسباب بتروح قرات الكمبيوتر ياعنى الكمبيوتر متعرف على اجزاء العربيه ولما بتفصل البطريه بيرجع يتعرف على ال اجزاء دى من تلنى هى مش كل ال اجزاء ياعنى نسب الحرق ونسب خلط الهوا والبنزين دى اول لما بتدور الكنتكت بتتعرف اما باقى الحجات مثل التبريد وانظمت الثبات وحجات تانيه بتتعرف والعربيه ماشيه ياعنى لازم تكون بتستخدم ال اجزاء دى وحقولها تانى والعربيه ماشيه مش وهى وافه وخد بالك لازم تاخد العربيه بالتدريج ياعنى تمشى بيها عادى 12 كيلو و12تجرى شويه و 12 كيلو تارس على العربيه مش اصضى تفصل بس تعدى ال 140 عشان بعد ك150 الكمبيوتر بيبدا يتعرف على اجزاء العربيه فى السرعه العليا وبيبداء يظبط نسب خلط الهوا والبنزين وسرعت خروج العادم وكدا
امشى بيها كام يوم كدا وانشا ء الله تبقا تمام