السلام عليكم

من خلال تجربتي القصيرة مع نيسان صني الجديدة هي ماشاء الله عربية ممتازة وانا حاسس انها اختيار موفق الحمد لله

وان شاء الله حعمل صيانة الالف الاولى الاسبوع ده .. بس كان عندي شوية ملاحظات اول اشارككم فيها قبل ما اروح للتوكيل

اول حاجة النور العالي بتاع العربية غريب !!! بحسه بيضرب في الهوا مش على الارض ... النور الواطي عندي كويس جددددا ماشاء الله باين اوي عشان لما ابقى مولعه جوه البلد بلاقي شتايم كتير بتتحدف مش عارف منين بس لما بولع النور العالي وانا على طريق بلاقي الشجر اللي على اليمين والشمال هو اللي بينور والاسفلت مش بيفرق نهاااااااااااااااااااائي الواطي من العالي


تاني مشكلة عندي الفرامل ... احيانا بحس انها قوية وممكن يعتمد عليها في اصعب المواقف واحيانا بحسها مش عارفة تلم العربية مع اني مش من هواة السرعة وطبعا خايف عليها والمسافة الامنة بالنسبالي 10 كيلو على الاقل :d فهل ده طبيعي ولا انا موهوم ؟؟ انا سألت واحد صاحبي قالي ممكن تكون بتدوس فرامل والعربية بتاخد غيار اعلى عشان كده العزم بيبقى عالي فالفرامل مش حتبقى شغالة معاك زي العادي ... هل المعلومة دي صحيحة ولا دي فتوى من عنده ؟

واخيرا هل الطبيعي ان العربية لما تمشي في مياه او تتغسل التيل يطلع صوت مع الفرامل وخصوصا في المرحلة اللي قبل الحركة مباشرة ؟؟؟ او المرحلة اللي الفرامل تكون ماسكة بس العربية بتتحرك


هي دي الملاحظات اللي عندي من خلال تجربتي للعربية على مدار 1300 كيلو عمر نانسي معايا :)

واسف على الاطالة