تسقيط موتور للفيكترا سي 2008 !!

**Dr-Daly** · 24-02-2013 07:11 AM

السلام عليكم؛
وأنا بقرأ موضوعات عن تعديل المحركات والتربو تشارجينج لقيت ناس كتير لهم وجهة نظر وهي إنك بدل ما تركب تربو وتبقي مضطر تعمل مليون تعديل في exhaust &intake وممكن تدخل علي تغيير البساتم ودورة تبريد أكبر وفلاتر رياضيه وبوجيهات الخ...،
كانت وجهة نظر صاحب الموضوع مقنعه جداً وهي إن لو عايز تزود باور عربيتك بجد وبأمان سقط لها ماتور أكبر مخصوص لنفس عربيتك أو متوافق معاها،
وطبعاً عارفين إن الفيكترا سي من أكتر العربيات اللي ليها مواتير بسعات مختلفه وتغطي شرائح كتير جداً كل واحد حسب هوه عايز يوصل لإيه بتعديل الباور اللي في دماغه وتبدأ من 121hp 1.8 litre Family 1 Ecotec وتصل إلي
2.8L DOHC V6 turbo engine ... والسؤال،
1-إيه أفضل بين الإختيارين دول لموتور بفتيس أوتوماتيك تحت سعة ال2000cc يعني من الآخر مين في دول:
121hp 1.8 litre Family 1 Ecotec
2000cc turbocharged Family II engine with 129 kW 173 hp
عشان بردو ميبقاش خراب بيوت من كل النواحي لما نيجي نجدد الرخصه أو لما دعم البنزين عن الفئات الأعلي يتشال!!
وده طبعا لرفع كفاءة الأداء وكمان الأعتماديه وتوافر قطع الغيار ونوع البنزين الموصي بيه!!، وهل هيكون بالفتيس ال6speed الAuto آخر فتيس نزل بعد الإيزيترونيك؟؟،
2-هل هيبقي فيه تعديلات في نظام الفرامل وألا لو في حدود ال2000cc هتبقي شغاله ومش محتاجه تعديلات؟؟
بصراحهةالحوار ده داخل دماغي جداً لو نفع وإتعمل كويس هتلاقي عربيه تانيه ومن غير مشاكل التعديلات المتعارف عليها لأن الموتور بتاعها أصلا وبينزل بره بفتيسه بكل حاجه
طولت عليكم معلش بس استحملوني أسئلتي كتير بس فعلاً الموضوع مهم ومحتاج إننا نفكر فيه سوا ينفع وألا أي كلام وخلينا زي ماحنا بموتور البطه البلدي 1600cc والفتيس الإيزي ترونيك بماله من مزايا وماعليه من كلام!!!!

**moody_687** · 24-02-2013 07:50 AM

ياباشا فكرلي ف نسخة المانيوال معاك ايوووه لو تبقى 1800 سي سي مع المانيوال دي الطلعة لوحدها بالعربية هتكون بحساب

**AlGazar2** · 24-02-2013 08:58 AM

انا فى رأى الماتور ال 2000 بالتربو تشارجر هيكون اعلى طبعا
مش هتجيب 1800 عشان 121 حصان بقوا بيطلعوا من مواتير 1200 سى سى دلوقتى

بس المشكله فى توافر قطع غيار للموتور ده لانه منزلش مصر طبعا ولا هينزل

**TheUnknown** · 24-02-2013 09:08 AM

ال2000 turbo قطع الغيار تقريبا مش هتكون موجوده ، بالش منو .
لكن في ال 1.8 اللي هو 140 hp ده كود الموتور Z18XER و كمان اغلبيت قطع الغيار مشتركه مع ال Z/A16XER اللي هما بينزلوا في الاسترا الجديده ،
فقطع الغيار مش هتكون مشكله اوي. الفكره انك تلاقي الموتور .
تقريبا الZ18XER كا بينزل بفتيس F17 اللي هو 5 speed مانيوال ،
ممكن تدور علي ال M32 ده 6 speed مانيوال بردو بس تلاقي ، هو هيركب direct fit علي طول.

**kar!m** · 24-02-2013 10:26 AM

أهم حاجه تتأكد من توافر قطع الغيار.

بس انت محتاج الفرق في القوه ده فعلا؟

**lanos2004** · 24-02-2013 11:20 AM

انا لو هعدل صراحه هركب 1800سى سى هيكون قوى وحنين فى البنزين
واصلا اهم حاجه فى قطع الغيار سير الكاتينه والبليه والشداد ودل بيكونوا واحد فى معظم مواتير الاوبل 16 صباب
لان دة الى بيتغير فى الصيانه غير كدة مافيش حاجه بتتغير
وممكن تركب فرامل سكاكين ورا وخلاص فرامل الاوبل ممتازة اصلا

**ashourashour** · 24-02-2013 02:07 PM

انا الموضوع دا فدماغي بقالو كتير

**Dr-Daly** · 24-02-2013 04:36 PM

المشاركة الأصلية كتبت بواسطة TheUnknown

ال2000 turbo قطع الغيار تقريبا مش هتكون موجوده ، بالش منو .
لكن في ال 1.8 اللي هو 140 hp ده كود الموتور Z18XER و كمان اغلبيت قطع الغيار مشتركه مع ال Z/A16XER اللي هما بينزلوا في الاسترا الجديده ،
فقطع الغيار مش هتكون مشكله اوي. الفكره انك تلاقي الموتور .
تقريبا الZ18XER كا بينزل بفتيس F17 اللي هو 5 speed مانيوال ،
ممكن تدور علي ال M32 ده 6 speed مانيوال بردو بس تلاقي ، هو هيركب direct fit علي طول.

لكن ال 1.8 مش بينزل بفتيس أوتو خالص ؟؟ أهي دي تزعل

انا فعلاً حاسس بإن ال 2000cc هيفرق في الباور قوي وهيكون رهيب وكنت برجحه قوي خصوصاً إنه أجدد تكنولوجي وكان بالتعاون مع فيات تقريباً بس خوفي من الصيانه وقطع الغيار ولو ال 1.8 هيبقي ليه قطع غيار وصيانه معنديش مشكله فيه 121hp أكيد أحسن من ال105hp للموتور الحالي
بعدين يا أ/عاشور طالما كنت بتفكر ما تساعدني في الموضوع ده إنتا أكتر خبره مني وتعرف تسأل عني وأهو نبقي إتنين بندور سوا لو هييجي سبيشيال اوردور بس بشرط الفتيس يكون أوتو بأي شكل ونتأكد من توافر قطع غيار له

**lanos2004** · 24-02-2013 04:46 PM

[QUOTE=Dr-Daly;3874831439]لكن ال 1.8 مش بينزل بفتيس أوتو خالص ؟؟ أهي دي تزعل
انا فعلاً حاسس بإن ال 2000cc هيفرق في الباور قوي وهيكون رهيب وكنت برجحه قوي خصوصاً إنه أجدد تكنولوجي وكان بالتعاون مع فيات تقريباً بس خوفي من الصيانه وقطع الغيار ولو ال 1.8 هيبقي ليه قطع غيار وصيانه معنديش مشكله فيه 121hp أكيد أحسن من ال105hp للموتور الحالي
بعدين يا أ/عاشور طالما كنت بتفكر ما تساعدني في الموضوع ده إنتا أكتر خبره مني وتعرف تسأل عني وأهو نبقي إتنين بندور سوا لو هييجي سبيشيال اوردور بس بشرط الفتيس يكون أوتو بأي شكل ونتأكد من توافالماترو 1800 122 حصان بس العزم بتاعه 167 نيوتن ودة رقم ممتاز جدا مش هتحسان العربيه تقيله نهائى حتى مع حموله عاليه جدا ومطالع

الماتور 1600 عزمه 150 نيوتن يعنى الفرق فى العزم 17 نيوتن ودة رقم مش قليل وفرق 17 حصان رقم مش قليل برضه
واكيد هتلاقيىه بفتيس اتوماتيك
لو هتركب 2000 سى سى طبعا 150 حصان رقم جبار على وزن الاوبل مع عزم 196 نيوتن بس طبعا اكيد استهلاك بنزين اعلى