محتاج رايكم سريعا جدا في فيكتر 94 سعة 2000 سي سي اتوماتيك

**mo2mn** · 28-02-2013 06:20 PM

السلام عليكم ورحمة الله وبركاته
اهل المنتدى الكرام
تحية طيبة وبعد
حياكم الله ونفع بكم
انا محتاج النصيحة في الاتي والنصيحة لله ورسولة
امامي سيارة اوبل فيكترا موديل 1994
سعة 2000 سي سي اتومتيك
مرياات كهرباء واربعة زجاج كهرباء
الحالة العامة للسيارة من الخارج جيدة جدا ماعدا (ترييحة على الباب خلق السائق ) طبعا رشة بره بس نظافة لايوجد اثر لمعجون
من الداخل الحالة كالاتي :
التابلوه حالة متوسطة
ريش التكيف محتاجة تتغير عشان مكسورة التي فوق الكاسيت فقط الباقي سليم
فرش الابواب عايز فيه حاجت تتغير مش كله
الباقي تمام الفابريكة تمام قوايم وشنطة وحوض وعبت وكله
السيارة على كلام صاحبها تحتاج حاجة اسمها اير ماس و المقص الشمال هو اشتراه جديد بس الميكيانيكي مركبوهش كويس لان السيارة واحنا ماشيين بيها بتعمل صوت
التكييف محتاج تغيير فيوس وشحن برده على كلامه انا لسه مكشفتش عليها
بس انا عايز اعرف من اهل الخبرة اي رايكم في العربية الاوبل فيكترا دي خاصة و الموديل دا عموما اخليني فيه ولا ادور على موديل تاني او عربية تانية
اخيرا هي معروضة عليها نهائي 33 الف جنيه
طولت عليكم بس حبيت اوضح كل شئ وجزاكم الله خيرا والسلام عليكم ورحمة الله وبركاته

**mem** · 28-02-2013 07:29 PM

انا معايا نفس العربيه ده
اولا هى عربيه ممتازه بمعنى الكلمه المانى بقى والالمانى لا غبار عليه وخاصه الموديل ده
متانه صاج محمل / ثبات ما شاء الله عليها اجرى زى ما تحب بتبقى ماشى 140 ومش حاسس وعايزه تجيب اكتر/
عفشه رائعه وطريه / ماتور جبار / تسارع رائع / بها تكنولوجيا العربيات الحديثه كمبيوتر وانجيكشن /
بها وسائل رفاهيه يعنى 4 زجاج كهرباء ومرايات كهرباء ووحده رفع /
العربيه قاعدتها مريحه واعتماديه وحماله فى شوارعنا المطبات والحفر والكلام ده
نيجى بقى لعيوبها
قطع غيارها غاليه جدا بالنسبه الى انها موديل 94 اسعار قطع الغير زى السيارات الجديد
والاستيراد بردك غاليه مش رخيصه وده اكتر حاجه تعبانى فيها
والتصليح والصيانه مش اى حد يشتغل فيها على شان الحساسات اللى فيها والكمبيوتر يعنى مش عايزه هاوى
عايزه واحد فاهم والفاهم سعره اكيد انت عارف بقى
وحضرتك كمان هى 2000 سى سى فتاخد بالك من النقطه ده
فمش مستقر لسى البنزيين ايه نظامه معاها يعنى لو الكوبونات اطبقت بالفعل هى ها تكون خارج البنزين المدعم
وبالنسبه لسعر العربيه ده كويس ال 33 بالنسبه حالتها
والاختيار بقى لحضرتك
وانا تحت امرك فى اى سؤال

**فادى محمد** · 28-02-2013 07:48 PM

وعليكم السلام ورحمه الله وبركاته
-حساس الايرماس (الماف) بيعتبر بعبع في الموديل ده لانه قليل قوي استيراد وتمنه 1000ج وجديد تمنه خزعبلي ومش موجود
-بخلاف التكييف والمقص والحجات اللي حضرتك ذكرتها ...هتعمل ايه في البنزين ؟؟ مفيش دعم لل2000 سي سي واكيد صاحبها عاوز يخلص منها علشان كده .
-رايي المتواضع ,دور علي فيكترا ايه (نفس الشكل) بس 1600 سي سي هتنبسط جدا منها ونفس رانج السعر يعني متوسط 35 الف العربيه فعلا جميله ركوبه وثبات وبرستيج عالي ,ربنا يوفقك ,تحياي