لانسر 1300 شوية حاجات

**Oushy** · 02-08-2008 02:09 AM

يعني الجزي الاول في المؤشر مثلا 10 لتر + ال8 لتر الاحتياطي يبقي رفعو لحد قبل النص ... حلو الكلام ده بس ده لوالاحتياطي بيتحسب من ضمن اول جزي في المؤشر

**Rsarabia** · 02-08-2008 02:09 AM

المشاركة الأصلية كتبت بواسطة lovelorn

انا بقى كنت زيك كدة بس حطيت ب 10 جنيه واستغربت جدا لما لقيت الؤشر اترفع اوى كده بس على فكرة خلصوا بسرعة جدا

وعلى فكرة العربية فعلا استهلاكها على جدا ( 1600 A/T حوالى 240 كيلو فى الصفيحة لو ماشى على 100 مع التكييف )

وفى حاجة ممكن توضحلك ليه اما حطيت 10 لتر المؤشر ارتفع كده ( جرب روح فووول حتلاحظ ان الؤشر بيتخطى اخر علامة ليه لدرجة ان لو مسافر ممكن تمشى 100 كيلو ويكون الؤشر بدأ ينزل عن اخر علامة ليه ... ) بعنى ممكن تقول ان النص الأول فى الؤشر اكبر من النص التانى

عموما اكتر واحد ممكن يفيدك هو ( المهندس : طارق زويل )

بالظبط كدا فى حاجة مش مظبوطة انا كنت بقول انها متقسمة 5 10 10 5 بس كدا هيبقى التانك ياخد 30 لتر بس بعدين قلت مستحيل تبقى 10 15 15 10 و الا امال ازاى انا بحط 10 لتر و بستهلكم فى 125 كيلو بالتكييف و بيرجع لنفس المستوى اللى كان عليه قبل المؤشر ؟؟

**lovelorn** · 02-08-2008 02:32 AM

يا باشا صعب جدا حكاية 5 10 10 5 دى

وعلى كلامك حضرتك ال 10 لتر بيمشوك 125 كيلو وده طبيعى عشان الموتور 1300

يعنى 250 كيلو فى الصفيحة ( كويس جدا )

بس خد نصيحة منى ( حاول تفول التانك بعد ما يوصل للنص عشان دا ليه فوائد كتير مثلا : تقليل معدل تبخر البنزين - بيساعد ان العربية تشد معاك - بيقلل دخول رواسب البنزين فى التانك لفلتر البنزين اللى ممكن يتسد ويخلى العربية متدورش )

واخر نصيحة كبر دماغك ومتحسبش استهلاك البنزين عشان فى اشاعات انه حيغلى تانى

**lovelorn** · 02-08-2008 02:36 AM

المشاركة الأصلية كتبت بواسطة Oushy

انت كده قصدك ال8 او الاقل دول الاحطياطي ؟؟ بس علي ما اعتقد ان الاحطياطي ده من تحت المؤشر ؟؟

كده انتا تروح تشوف حد يقطرك او يجبلك بنزين يا باشا ويبقى حظك حلو لو الفلتر متسدش

ال 8 لتر دووووول تحت اخر علامة

و مادام كده كده بنحط بنزين يبقى ليه نتعب العربية معانا ؟؟؟؟؟؟؟؟؟؟؟!!!!!!

**Dr Ahmed** · 02-08-2008 02:39 AM

المشاركة الأصلية كتبت بواسطة Rsarabia

1-المفروض ضغط الاطارات المظبوط كام ؟؟ قدام وورا ؟
2-ايه احسن نوع زيت احطه ؟ و احط كام لتر و كل كام كيلو ؟
3-تقسيم العداد بتاعة البنزين مش متساوى
التقسيم دا ازاى ؟ هل كل جزء 10 لتر ؟ رغم ان المسافات مش متساوية ؟؟
4-التانك بياخد كام لتر ؟

ج:
1- معاك المقياس: الأمام 2 والخلف 8ر1
2- الزيت : شيل ألترا أو موبيل ون ، تحط 3 لتر فقط مع تغيير الفلتر ولا تستمع لما يقوله الصنايعية 3 وربع ، 3 كافى بالضبط وكل 3 مرات تغيير هتغير مرة ببلاش من توفير اللتر اللى فاضل فى كل جركن
3- ال E عندها بيكون لسه فيه حوالى 10 لتر ، وبالخبرة العلامة اللى فى النص دى أول صفيحة (20 لتر) وعند ال E نهاية الصفيحة التانية
4- التنك بياخد 50 لتر
ملحوظة: ليه مقرتش الكاتالوج؟

**lovelorn** · 02-08-2008 02:49 AM

المشاركة الأصلية كتبت بواسطة Dr Ahmed

ج:
3- ال E عندها بيكون لسه فيه حوالى 10 لتر

انا بعترض على كلام حضرتك لسبب بسيط جدا جدا

E = EMPTY
F= FULL

ازاى يعنى عند ال E يبقى فاضل 10 لتر ؟؟؟ الكلام ده غلط تماما والا مكنتش لمبة البنزين تنور تحت اول علامة

وعلى فكرة لما لمبة البنزين بتنور .. بروح افوووول وبيتحطلى حوالى 40 او 42 لتر .. دا كده والؤشر تحت اول علامة

**Dr Ahmed** · 02-08-2008 03:03 AM

يافندم إقرأ الكاتالوج
وكلامك لا يختلف كثيرا معى
تحت أو عند العلامة أو عند إضاءة اللمبة يكون فى التنك (حوالى) 10 لتر
إيه المشكلة؟

E = EMPTY
F= FULL

ازاى يعنى عند ال E يبقى فاضل 10 لتر ؟؟؟ الكلام ده غلط تماما والا مكنتش لمبة البنزين تنور تحت اول علامة
وعلى فكرة لما لمبة البنزين بتنور .. بروح افوووول وبيتحطلى حوالى 40 او 42 لتر .. دا كده والؤشر تحت اول علامة

ومن كلامك: إزاى فاضى وإزاى بتفول ب 40 لتر؟؟؟؟؟
مش e = empty برضه.؟
والتنك 50 لتر!!!

**lovelorn** · 02-08-2008 03:26 AM

المشاركة الأصلية كتبت بواسطة Dr Ahmed

تحت أو عند العلامة أو عند إضاءة اللمبة يكون فى التنك (حوالى) 10 لتر
إيه المشكلة؟

الكلام ده تحت أول علامة فى مؤشر البنزين (( مش عندها )) وعند الوصول ل E كده يبقى مفيش بنزين اصلا

**lovelorn** · 02-08-2008 03:30 AM

انا مقلتش والتانك فاضى بفوووول 40 لتر

انا قلت لما اللمبة تنور (( يعنى عند ال 8 او ال 10 ))

ياريت متقولنيش حاجة انا مقولتاهاش

**mohamedway** · 02-08-2008 08:49 AM

يا جماعه سعه التنك 50 لتر بس تدريج المؤشر شغال على ان التنك 40 لتر بس و ال10 لتر الباقيين دول احتياطى مش بيحس بيهم المؤشر انما اللى بيحس بيهم لمبه البنزين و طول ما انت بتستهلك فى ال10 لتر دول بتبقى لمبه البنزين منوره و ده معناه انك بتستهلك فى اخر 10 لتر فى التنك و بعد كده مفيش و لازم تمون او بمعنى اخر ال10 لتر اللى فى الاخر تحت علامه الe ..................اما بالنسبه للعلامات الفاصله فكل مسافه ب10 لتر مع ان مسافاتهم مش متساويه.