رابطة مالكى استرا ( j )

**sherifemam660** · 26-03-2014 08:22 AM

المشاركة الأصلية كتبت بواسطة mmesbah7

السلام عليكم
بفضل الله ، اشتريت أوبل استرا 2014 كوزمو، وما شاء الله عربية ممتازة جدا وثابتة على الطريق والاوبشنز اللي فيها ممتازة. بس انا عندي 3استفسارات ارجو الافادة عليهم:
1- أوبشن مانع السرقة ( جهاز الإنذار) حاسس انه مش شغال. انا بقفل العربية ويحاول اعملها اختبار كده واجي جنبها أو ادخل مفتاح مش بتاعها عشان اسمع الإنذار.... مفيش استجابة خالص ?
2- مرايات الكهرباء مش بتقفل مع السنتر لما اسيب العربية وأخرج. ? عشان اقفلها لازم أكون جوه العربية واقفلها
3- البلوتوث شغال وكل حاجة بس مش بيطلع أسماء الكونتاكت اللي عندي في التليفون . بيطلعهم نمر بس.

مبروك عليك العربية. ربنا يديك خيرها و يكفيك شرها.
فعلا العربية محترمة جدا.
بالنسبة للانذار العربية مافيهاش انذار. بس فيها مانع سرقة وهو ان مافيش غير مفتاحها اللي يدورها. لكن لاقدر لله لو حد كسر مثلا الزجاج مش هتدي انذار.
بالنسبة للمرايات فانت بتفتحها و تقفلها بنفسك. مش مربوطة مع الريموت
بالنسبة للبلوتوثوث. اهم حاجه وانت بتعمل pair لاول مرة انك تسمح لبلوتوث العربيه انه يبقي authorized او trusted device علي موبايلك ودي رساله بتظهر في موبايلك مع الpiring. و ادي العربية فرصه بعد كده تعمل sync مع التليفون ودي حاجه بتتم لوحدها و هتلاقي الاسماء بعد كده ظهرت. وجرب بعد كده وظائف وزراير البلوتوث بتاع العربية هتلاقيها ظريفه و هتعجبك.

**mfousha2000** · 26-03-2014 10:08 AM

لو سمحتم يا جماعة ممكن حد يشرحلى التكيف بيشتغل اذاى بالظبط و كل حاجه فى تشغيلو عربيتى استرا 2014 كوزمو

**m9501** · 26-03-2014 06:50 PM

افتح علامة التلج و auto و العلامة بتاعت ال recycle تحت علامة التلج تقريبا او فوق و ظبط الحرارة من البكرة و ارفع الدرجة بتاعت المروحة

**mfousha2000** · 27-03-2014 09:11 AM

شكرا يا باشا على الرد بس لو مش عيزوه auto و عيزو manual اشغلو اذاى فى الكتلوج بيقول حاجات كتير و long press و اقفلو اذاى بردو

**invisible** · 04-04-2014 04:01 AM

بفكر اجيب استرا كوزمو
ايه اخبار ارتفاع العربية عن الارض وهل بتحك في المطبات لو كانت عالية شوية ؟

**sherifemam660** · 05-04-2014 10:05 AM

المشاركة الأصلية كتبت بواسطة invisible

بفكر اجيب استرا كوزمو
ايه اخبار ارتفاع العربية عن الارض وهل بتحك في المطبات لو كانت عالية شوية ؟

انا رأيي ان العربية دي -الاسترا كوزمو- مش محتاجه تفكير. عربية جادمه جدا. بالنسبة للارتفاع، كويسة زي اي عربية تانية ارتفاعها مناسب ماتعتبرش واطية. هي المشكلة في المطبات والشوارغ مش ارتفاع العربية.

**Heshoyo** · 06-04-2014 08:22 PM

السلام عليكم. أنا ظهر لي رسالة تغيير زيت الموتور مع إني مغيره من فترة قصيرة و عامل ٣٠٠٠ كيلو من بعدها. اعمل ايه؟

**K.Ossama** · 07-04-2014 01:05 AM

المشاركة الأصلية كتبت بواسطة Heshoyo

السلام عليكم. أنا ظهر لي رسالة تغيير زيت الموتور مع إني مغيره من فترة قصيرة و عامل ٣٠٠٠ كيلو من بعدها. اعمل ايه؟

يبقى اللى غير الزيت ماعملش reset بعد التغيير
شوف يا باشا
1. تدوس على زرار الMenu فى الذراع الشمال بتاع الأشارات علشان تجيب Vehicle
Information Menu
2. حتلاقى Remaining Oil Life وكاتب النسبة بال%
3. حتدوس على ال SET/CLR (إللى هو الزرار إللى فى راس نفس الذراع ) لمدة 3 ثوانى حيعمل ريست ويخلليها 100%
4. الغيار اللى جاى إن شاء الله تعمل الكلام ده أول ما تغيير الزيت علشان الكومبيوتر يعرف يحسب صح.

**m.farouk** · 07-04-2014 01:27 AM

كلام سليم

**Heshoyo** · 07-04-2014 10:51 AM

المشاركة الأصلية كتبت بواسطة k.ossama

يبقى اللى غير الزيت ماعملش reset بعد التغيير
شوف يا باشا
1. تدوس على زرار الmenu فى الذراع الشمال بتاع الأشارات علشان تجيب vehicle
information menu
2. حتلاقى remaining oil life وكاتب النسبة بال%
3. حتدوس على ال set/clr (إللى هو الزرار إللى فى راس نفس الذراع ) لمدة 3 ثوانى حيعمل ريست ويخلليها 100%
4. الغيار اللى جاى إن شاء الله تعمل الكلام ده أول ما تغيير الزيت علشان الكومبيوتر يعرف يحسب صح.

شكرًا جزيلاً.. منكم نستفيد