الموضوع: رابطة مالكى استرا ( j )

المشاركة الأصلية كتبت بواسطة mohamed_nour

https://www.facebook.com/groups/130313227030726/

بس انت حتتعب شويه حتنزل كتييير علي الصفحه لحاد متيجي معاك صورة الاسترا دي و كمان انا معرفش اللغه الي بيتكلمو بيها ههههههههه
الله يبارك فيك هو للاسف مكنش عنده ال55 فركبت الاتنين 35 ايه رايك مع ان كان نفسي في ال55 يبقي في العالي و الواطي

انا برضوا كنت عوزه بس مكنش موجود اللغة ايطالى انا مشترك فيها اصلا

المشاركة الأصلية كتبت بواسطة mohamed_nour

منوورنا يا باشا ة اهلا بيك

مرتين استرا طيب ممكن اعرف ايه السر ؟؟؟ ههههههه

ركبت الأسترا الأولانية 6 سنين و كانت عاجباني جدا اللي ضايقني منها انها مانيوال و الموتور صغير بس كانت اكثر من رائعة و صممت اني اجيب أوبل تاني لما وقعت ادامي العربية دي ماشية 7 الاف كم اشتريتها فورا

المشاركة الأصلية كتبت بواسطة mh2222

ركبت الأسترا الأولانية 6 سنين و كانت عاجباني جدا اللي ضايقني منها انها مانيوال و الموتور صغير بس كانت اكثر من رائعة و صممت اني اجيب أوبل تاني لما وقعت ادامي العربية دي ماشية 7 الاف كم اشتريتها فورا

ربنا يجعلها مبروكه عليك و يديك خيرها و يكفيك شرها

النهارده كنت فى توكيل جسر السويس بعمل صيانة ال30000 واليكم ماحدث
المشاكل:
1-العربية باب التنك بيعلق ومش بيرضى يقفل
2- رشاش مياه المساحات الشمال لا يعمل
3- العربية تقيلة مع السحب وبتسقف لم التكيف يكون شغال مع الطلعة واحيانا بسمعها بتسقف وانا ماشى عادى على سرعة ثابتة زى 60 كيلو
4- رجة مع الفرامل واخبرتة ان الطنابير تم خرطها قبل كده مرتين فى الفرع وانهم اخبرونى انها لو رجعت تانى هيغيروها فى الضمان
5-صوت تخبيط فى الرفرف الشمال بعد ال140 كم
6- صوت هواء من الباب الشمال على سرعة 140 كم
العربية دخلت الورشة غيروا الزيت فى ساعة تقريبا وبعد كده فكوا العجل وبدائوا يشوفوا الطنابير ولقهم بيتصلوا بى وبلغونى انى العربية محتاجة تيل خلفى ولم سئلتهم على الطنابير قالى هيغيروا التيل الاول وبعد كده هيجربوا العربية قالتلوا ماشى وانا كنت جايب معى التيل ادتهولوا وغيروه العربية خرجت للتجربة ورجعت وفضلت شوية وقفة مبعملوش فبها حاجة ولقيت الولد طالعلى وبيقولى المهندس الى جربها قال انها محتاجة تغير طنابير خلفى قلتلو ماشى قالى دى هتكلفك 1650 جنية قلتلوا وانا مالى دى فى الضمان قالى لا دى مش تبع الضمان قالتلوا اذاى قالى هما بلغونى كده قالتلوا انا عوز اكلم المسئول دخلنى لحد فى الدور التانى وقالى هو ده المسئول عن تغير قطع الغيار على حساب الضمان حكتلة الى حصل قالى انى اوبل بتعتبر الاجزاء دى بره الضمان وطلب كتيب الضمان ونزلت جبتهولو وطلعلى فقره من الكتاب بيقول انى التيل والسكات بتعتبر من الاجزاء التى لا يشملها الضمان لانها اجزاء قابلة للبلى يعنى التاكل وحاجات تانية كتير من ضمنها العفشة بالكامل المهم مسكتش وقلتلوا لم هما بره الضمان خرطوهم ازى مرتين على حسبكم وهما بره الضمان قالى دى على حساب منصور ودى خدمة للعميل فقلتلة الكلام الموجود فى كتاب الضمان ده المقصود بية مش الى حضرتك بتقولة ده مقصود بية انى الاجزاء دى تتاكل نتيج استخدام عنيف مثلا فتتاكل فى السمك بتعها الى ان تصل الى الحد الذى يجب تغيره زى الكوتش مثلا لكن انها تعمل ريجة وعالى وواطى مما ينتج عنة رجرجة مع الفرامل ده عيب صناعة وليس عيب تاكل والعيب ده انا بلغت بية من اول صيانة فى ال5000 المهم حاول يعمل اتصال مع فرع الهرم علشان يشوفوا حل ورجع بلغنى انهم بلغوه انها على حسابى وحاول يهدينى ويقولى نحاول نعملك خصم فى المصنعية وكده فرضيت عالية وقلتلوا انا لو جبت الطنابير دى برمبوا او ريمسا من شارع دمشق سعرهم مش هيعدى ال450 ال600 قالى بس احنا بنركب الgm الاصلى قلتلو يفرحتى مهم زبالة مهم باظوا اهم فى اول 5000 ودول بتوع الفبريكة كمان يعنى اكيد انضف من الى عندك اصلا لان الى عندهم تقريباgm كورى مش المانى قلتلو خلاص لو كده اعملولى تقرير بالحالة وانا هعمل شكوه فى حمايه المستهلك وامرى الى الله قالى طيب استنى لحد بكره وادنى نمرتة وانخد نمرتى وقالى هكلمك على الساعة 12 يمكن اعرف اعملك حاجة قالتوا ماشى هو قالى على فكره لو رحت لحماية المستهلك هيرجعلنا وبنديهم كتيب الضمان ومش هتاخد حاجة قلتلوا انا مش خسرا حاجة انا هستنا بكره لم تبلغنى فى جديد ولا لا ولو مفيش هحتاج تقرير بالحالة المهم نزلت كانت الساعة تقريبا 4.30 والتوكيل كلوا مشى المهم لاقيت الولد بيقولى حاسب علشان بيقفلوا خلاص وهنطلع العربية لقيت الفاتوره 745 تكلفة الصيانة 368 ج بدون ضريبة و240ج تغير التيل الخلفى و75ج فلتر زيت كلة بدون ضريبة المهم دفعت والعربية قبل ما تطلع لقتة بيقولى معلش موضوع التسقيف وكده متعملش علشان الكمبيوتر كان فية مشكلة الى بيكشفوا بية على العربية فقلى تعالى بكره بدون حجز وهنعملهولك ومرضتش اعمل مشكلة لانى الساعة كانت 5 ومفيش حد فى المركز المهم قلتلوا ادينى نمرتك علشان اكلمك قبل ماجى علشان بكره ممكن مينسبنيش وادنى النمره المهم ركبت العربية وبجرب مياه المساحات لقتهم متعملوش ولا باب التانك قومت نزلهم اتكلموا مع بعض وقلوا احنا اتشغلنا فى موضوع الطنابير ده وملحقوش يعملوا حاجة تانية قالتلوا يعنى انتم مدوعنى مصارف الصيانة 750 فى تغير زيت وتيل قالى لا مهى الصيانة مش زيت وبس وبنكشف عليها قالتلوا انا شايف العربية من فوق متعملش فيها حاجة غير غيار الزيت وتغير الزيت حتى فلتر الهواء متنضفش والكمبيوتر عطلان فسكتوا المهم جه مهمندس قالى معلش لم تيجى تعمل تظبيط السوفت وير هنعملك الباقى اصل الدنيا كانت زحمة قوى النهارده فكنا بنعمل الصيانات العادية والخفيفة بس قالتلوا ماشى بس مش هدفى حاجة تانى قالى لا خلاص حتى قالى تعالى بدون حجز بس بدرى المهم وفقت ومشيت لانى مكنش فى حد فى التوكيل غيرى انا و3مهندسين
خرجت ومشيت بالعربية وجربت الفرامل لقيت الرجة قلت قوى عن الاول واستغربت المهم الموضوع ده برضوا حستوا بعد تغير التيل الامامى بتاع الفبريكة بتيل رمسا لم تم تغير الخلفى بتيل hi-q كورى اصلى حسيت انى الرجرجة قلت قوى لسة مش متاكد يمكن علشان التيل لسة مطبعش وبعدين هيرجع تانى انما لو مرجعتش يبقى العيب كان من التيل الاصلى لسة هنشوف .
المهم انا قولت ابلغكم علشان تخدوا بلكم وترجعوا المشاكل قبل متمشوا من المركز لانى ممكن تمشوا والعربية متعملش فيها حاجة زى محصل معالى لولا انى جربت قبل ما امشى بيها وقالت علشان تعرفوا انى اجزاء العفشة كلها بره الضمان والكتاب ده مكتوب فى كتيب الضمان بصوا فية

السلام عليكم
يا جماعة انا محتاج رايكم انا على وشك انى احجز استرا كوزمو بس عندى قلق من موضوع الرعشة على بيروح بعد تعديله ولا ليه اثر و على فكرة انا كان معايا جيتا 2007 وبصراحة كانت ممتازة وكانت مريحانى جدا ... ياريت تفيدونى عايز اعرف ايه الفروق بين العربيتين وايه التشابه اللى بينهم
شكرا وفى انتظار اردكم

المشاركة الأصلية كتبت بواسطة mans400

السلام عليكم
يا جماعة انا محتاج رايكم انا على وشك انى احجز استرا كوزمو بس عندى قلق من موضوع الرعشة على بيروح بعد تعديله ولا ليه اثر و على فكرة انا كان معايا جيتا 2007 وبصراحة كانت ممتازة وكانت مريحانى جدا ... ياريت تفيدونى عايز اعرف ايه الفروق بين العربيتين وايه التشابه اللى بينهم
شكرا وفى انتظار اردكم

الرعشة تقريبا بتختفى بعد عمل السوفت وير

السلام عليكم
انا مبسوط جدا من الرابطه انا من المعادي ولسه شاري استرا انجوي ٢٠١٣ من شهر يونيو بس للاسف مش استمتعت بالعربيه كتير بسبب ظروف شغلي ..... عندي كام سؤال وارجو الافاده انا العربيه عندي عامله ١١٠٠ كيلو تقريبا والمفروض اني اعمل صيانه ال ٥٠٠٠ كيلو او ٤ شهور وطبعا علشان العربيه لسه مش وصلت لل ٥٠٠٠ كم فهروح للاربع شهور بس انا مش حابب زيت موبيل ١ ده فياريت تنصحوني بنوع زيت افضل من موبيل ١ . .؟؟؟؟

لو عاوز اغير الكاسيت بتاع العربيه لشاشه اكبر زي اللي في الكوزومو مثلا ممكن ولا لآ وهل الكاسيت فيه بلوتوث gps ولا لآ يا ريت النصيحه في ده ....

معلش هطول عليكم بس حاجه اخيره عربيه نقل رايحت عليا في الطريق وجرحت الاكصدام الخلفي وجزء من الشنطه ممكن اروح لمين يكون شغال في عربيات اوبل سمكره ودوكو بس يكون مضمون

واسف علي الاطاله