الموضوع: رابطة مالكى استرا ( j )

المشاركة الأصلية كتبت بواسطة mohamed_nour

و انت طيب يا باشا ربنا يخليك
هو موضوع الشيب ده بيعلمك بيغير في كمبيوتر العربيه السيستم بتاع البنزين و الهواء علشان يدخل بنزين و هواء اكتر لما تيجي تحرق يعني....الزيت بتاع موبيل 1 يشغل العربيه عادي و يخليها تعيش و عربيات كتير بتنزل ستوك بموبيل 1 بس كاسترول احسن يعني و بيهدي الموتور شويه ..موضوع البجوهات الي نوعها ngk ده احسن من الاستوك بتاع العربيه يعني حيوفر بنزين و ممكن يزود حصان ولا حاجه هههههههههههه لو عايز تجرب زيت الكاسترول انا بردو لسه حجربو بس هو حيبقي احسن من موبيل 1 عشان ناس كتير مش بتحبو اصلا استاذ فاروق كان حاطط اللينك و انا ححطو تاني https://www.facebook.com/castrolegypt/info انت ممكن تطلب الزيت يجيلك لحاد البيت بدون أي مصاريف اضافيه

يا باشا شكرا لزوقك وكرمك

اولا كل عام و انتم بخير ثانيا انا بشكركم علي المجهود الجبار المبذول في نقل النعلومات المفيده الي شجعتني اني اشتري اوبل استرا كوزمو و ارجو منكم ان تقبلوني كعضو جديد في الرابطة

المشاركة الأصلية كتبت بواسطة faridenilson

اولا كل عام و انتم بخير ثانيا انا بشكركم علي المجهود الجبار المبذول في نقل النعلومات المفيده الي شجعتني اني اشتري اوبل استرا كوزمو و ارجو منكم ان تقبلوني كعضو جديد في الرابطة

مبروك يا باشا وربنا يديلك خيرها ويبعد عنك شرها باذن الله

لو سمحتم أخبار تكييف الاسترا ايه في الجو الحر وهل ده بياثر على الأداء؟أنا معايا تويوتا ٩٨ تكييف تلاجه عاوز أتأكد لأني بفكر في الاسترا الجديده وشكرا

المشاركة الأصلية كتبت بواسطة mohammad mosta

لو سمحتم أخبار تكييف الاسترا ايه في الجو الحر وهل ده بياثر على الأداء؟أنا معايا تويوتا ٩٨ تكييف تلاجه عاوز أتأكد لأني بفكر في الاسترا الجديده وشكرا

التكييف جيد بس مش زي الياباني.
التكييف ف استرا 6 سرعات دوال زون... بس قوة التبريد اقل من الياباني انا كنت بشغل التكييف في نيسان علي التاني (و هو 4 سرعات ) و كان بيبقي قوي جدا. استرا في الحر الشديد بشغل ع 4 او 5 في الاول لحد ما الكابينة تبرد و بعدين انزل ع ال 3. في الغالب يستخدم من 2 - 3 و في الحر الشديد بيبقي ع 4 .
النيسان كان تلاجة طبعا.... دة من اهم مميزات العربيات الياباني....التكييف الجبار.
التأثير ع الاداء : الرعشه اللي موجودة بتعلي سنه بسيطه... مفيش اكتر من كدة.

بالتوفيق

شكرا على الرد بس في سؤال ممكن يزعل انا عايز أغير الكورولا وخايف من الملاحظات على الاسترا والكورولا الزيرو حرام فيها المبلغ ده الرجاء المساعده لو سمحتم

المشاركة الأصلية كتبت بواسطة mohammad mosta

شكرا على الرد بس في سؤال ممكن يزعل انا عايز أغير الكورولا وخايف من الملاحظات على الاسترا والكورولا الزيرو حرام فيها المبلغ ده الرجاء المساعده لو سمحتم

السلام عليكم
كل سنة و الجميع بخير.

انا من ملاك الاسترا ، و عن تجربه شخصية انا لا انصح بيها...خصوصا للي هي مش ركوبته او مش دايس فيها. يعني حضرتك راقب المنتدى هتلاقي في اعضاء ما شاء الله هارسين العربية و فاهمينها يمكن احسن من المهندسين... دول اللي ميبقاش عندهم مشاكل مع الاسترا. انما واحد زيي خلفيته في العربيات محدودة كانت ياباني و جيت مرة واحدة غيرت للالماني...يعني حاسس بالمساوىء اكتر من المزايا....بالرغم من ان فيها مميزات كتير خصوصا في الامان و الثبات و القوة. يعني العيوب اللي مكتوبة في المنتدي (الرعشة و الكام حاجة دول ) بالنسبة للمميزات بتاعتها فعلا قليلة. انا شخصيا كل ازمتي تنحصر في الارتفاع الرهيب في اسعار قطع الغيار (كنت كتبت بوست عن سعر تيل امامي في التوكيل ممكن حضرتك تقرأ و تقارن ما بينه و بين اللي حضرتك بتدفعه عندك في التوكيل عشان تقدر تعرف الفرق...لو مش كبير يبقي انت محظوظ. ... تاني مشكلة ان التوكيل من اسوأ ما يكون. .. عشان السببين دول بس انا مش برشحها لحد،،، في ناس بتشوف ان دي اسباب تافهة و انهم يقدروا يتعاملوا بعد كده. ... كل واحد اكيد ليه طريقة تفكير مختلفة.

بالتوفيق

المشاركة الأصلية كتبت بواسطة shadyelbakry

يا باشا شكرا لزوقك وكرمك

دا شرف لينا معاليك منوور المنتدي