الموضوع: بولو 98

المشاركة الأصلية كتبت بواسطة karim ibiza

هنحتاج منك شوية معلومات عشان نقدر نحدد السعر
الموتور اللى فيها 1000 وللا 1400 سى سى؟؟
حالته؟
باور؟
تكييف؟
زجاج كهرباء؟
جنوط؟
حالة الكاوتش؟
الرخصة فاضل فيها قد ايه؟
ماشية كام كيلو؟
الحالة الداخلية والخارجية؟

عموما سعرها بيتراوح بين 30 و 38 ألف حسب الحالة والكماليات
قطع الغيار كتير جدا ورخيصة ومعمرة وممكن اقولك على اماكن الناس فى الاسكندرية سواء قطع غيار جديد او استيراد او الميكانيكية

ميرسى جداا لرد حضرتك انا كان استفسرى ان البولو عربيه كويسه يعنى من ناحية قطع الغيار ولا لا باقى الملعلومات انا رايحه بكره اشوفها ف كنت بسال الاول علشان اعرف من الاول اروح اصلا ولا لا وهعرفكم باقى المعلومات عن العربيه اول لما اشوفها وميرسى لحضرتك طمنتينى

و الله ما جصرت يا أستاذ كريم ههههههه
أنا كنت خاشش أقول أى نصيحة مفيدة , لاقيتك قومت بالواجب و زيادة :)
ربنا يبارك فيك

تحياتى

المشاركة الأصلية كتبت بواسطة karim ibiza

البولو عربية محترمة وقطع غيارها متوفرة ورخيصة وكانت حاصلة على جائزة افضل سيارة للمدينة سنة 98

بس بشرط الحاااااااالة

العربيات الالمانى لازم تشتريها من واحد باشا (يعنى بيصرف عليها ومش بيستخصر) لانك لو اشتريتيها من واحد شحات (بيستخصر) هتكرهك فى حياتك وهتصرفى عليها فلوس كتير وبرده مش هتكونى مبسوطة

العربيات دى بيكون فيها رفايع انتى لو شوفتيها هتقولى بسيطة لكن لما تحبى تجيبيها هتحسى قد ايه الموضوع مش بسيط

انا مش بعقدك ومش بكرهك فيها بالعكس انا بأيدك ان تجيبيها, بس ياتجيبيها نضيفة قوى ومفيهاش الهوا او تجيبيها ضايعة وتعمليها بمعرفتك

وبالتوفيق ان شاء الله

تمام ميرسى جدا لحضرتك وفعلا شجعتنى ويوم االاحد هوافيكم باخر الاخبار خلصت فيها ولا لا باذن الله

المشاركة الأصلية كتبت بواسطة elshrpeny

و الله ما جصرت يا أستاذ كريم ههههههه
أنا كنت خاشش أقول أى نصيحة مفيدة , لاقيتك قومت بالواجب و زيادة :)
ربنا يبارك فيك

تحياتى

ميرسى

أى خدمة يا أستاذة أسماء
و ربنا يوفقك إن شاء الله و يرزقك بعربية حالتها ممتازة و مية مية , و يقدرك على إكتشاف أى مشكلة فيها مهماً كانت مستخبية بإذن الله
أصل بصراحة موضوع الكشف على العربيات دا مشكلة كلنا قابلناها و مهمً كان الواحد بيجيب عربية و يحس إنة جاب الديب من ديلة وحالتها بتبقى عشرة على عشرة فى النهاية بنلاقى حاجة كدا أو كذا حاجة كمان الواحد مخدش باله منها ,
فربنا يستر و يوفقك إن شاء الله
و فى كذا حاجة كدا عايز اقولك عليها :
- لو حضرتك بتعرفى تسوقى يا ريت تجريبها كويس جدا على طريق سريع فاضى و تجيبى أخر كل نقله و تشوفى سحبها معاكى إية يعنى بتقول معاكى فى الجرى و النقل و الفرامل بمعنى اصح حاضرة معاكى ولا لاء , أنا كنت شارى من ما كنت لسة أعرف أسوق ففرقت معاية أكيد شوية
- تان حاجة لو جاية بتكييف شغلية كويس جداً و إتأكدى إنة تمام التمام , لأن أنا إكتشفت بعد سنتين ولا حاجة من شيراها إن كمبروسر التكييف عندى بايظ و لحد الأن مغيرتوش :)
- متنسيش تسألية على النسخة التانية للمفتاح الإيموبلايزر الأصلى إلى بيجى معاها ( أو على الأقل يكون عامل نسخة تانية بتدور و تقفل وتفتح العربية , لأن أنا بعد ما إشتريت العربية إفتكرت إن جيبتها بنسخة واحده بس برده :)
- الدواخل , أهم حاجة متكونش راشة دواخل عشان لو رشة يبقى إحتمال كبير عاملة حادثة و مصلحة
- العداد مثلاً عامل كام كيلو , الفتيس فية بوش ولا لاء ( يعنى بيبقى سايب كدا مش راكز فى مكانه ثابت )
- جنوطها أصلى ولا جايبلها جنوط صينى , طبعاً بتفرق برده
- ميكانيكى يشوف حالة الماتور و بتاع عفشة يشوف عفشتها و دى حاجات مهمة طبعاً ( بس دا لو خلاص نويتى تخلصى فيها )

و دا إلى حاضر فى ذهنى حالياً , ولو فى حاجة تانية إفتكرتها هبقى أقولها إن شاء الله , بالتوفيق بإذن الله

تحياتى

المشاركة الأصلية كتبت بواسطة elshrpeny

أى خدمة يا أستاذة أسماء
و ربنا يوفقك إن شاء الله و يرزقك بعربية حالتها ممتازة و مية مية , و يقدرك على إكتشاف أى مشكلة فيها مهماً كانت مستخبية بإذن الله
أصل بصراحة موضوع الكشف على العربيات دا مشكلة كلنا قابلناها و مهمً كان الواحد بيجيب عربية و يحس إنة جاب الديب من ديلة وحالتها بتبقى عشرة على عشرة فى النهاية بنلاقى حاجة كدا أو كذا حاجة كمان الواحد مخدش باله منها ,
فربنا يستر و يوفقك إن شاء الله
و فى كذا حاجة كدا عايز اقولك عليها :
- لو حضرتك بتعرفى تسوقى يا ريت تجريبها كويس جدا على طريق سريع فاضى و تجيبى أخر كل نقله و تشوفى سحبها معاكى إية يعنى بتقول معاكى فى الجرى و النقل و الفرامل بمعنى اصح حاضرة معاكى ولا لاء , أنا كنت شارى من ما كنت لسة أعرف أسوق ففرقت معاية أكيد شوية
- تان حاجة لو جاية بتكييف شغلية كويس جداً و إتأكدى إنة تمام التمام , لأن أنا إكتشفت بعد سنتين ولا حاجة من شيراها إن كمبروسر التكييف عندى بايظ و لحد الأن مغيرتوش :)
- متنسيش تسألية على النسخة التانية للمفتاح الإيموبلايزر الأصلى إلى بيجى معاها ( أو على الأقل يكون عامل نسخة تانية بتدور و تقفل وتفتح العربية , لأن أنا بعد ما إشتريت العربية إفتكرت إن جيبتها بنسخة واحده بس برده :)
- الدواخل , أهم حاجة متكونش راشة دواخل عشان لو رشة يبقى إحتمال كبير عاملة حادثة و مصلحة
- العداد مثلاً عامل كام كيلو , الفتيس فية بوش ولا لاء ( يعنى بيبقى سايب كدا مش راكز فى مكانه ثابت )
- جنوطها أصلى ولا جايبلها جنوط صينى , طبعاً بتفرق برده
- ميكانيكى يشوف حالة الماتور و بتاع عفشة يشوف عفشتها و دى حاجات مهمة طبعاً ( بس دا لو خلاص نويتى تخلصى فيها )

و دا إلى حاضر فى ذهنى حالياً , ولو فى حاجة تانية إفتكرتها هبقى أقولها إن شاء الله , بالتوفيق بإذن الله

تحياتى

ميرسى ع كل الملاحظات اللى قولتلها وفعلا ف حاجات كانت تايهه منى بالنسبه للعربيه انا شوفتها امبارح وهى 1400 سى دواخل فبريكه من الخارج وكشكل عامل صاحبها مهتم بيها
فيها جنوط اصلى سبور
مجهزه للتكيف بس مفيهاش
سنتر لوك وانذار بس مفيهاش ازاز كهربا
رشه بره نظامه
مفيهاش اى برومه
عدادها 217 الف (ودى الحاجه اللى قلقانى مش مريحانى وده من راى حساه العيب الوحيد اللى ف العربيه )
بالنسبه للكشف ع الماتور والعفشه هيتم طبعا بس انا حبيت اقولك الحاجات المبدائيه
وهل موضوع العداد يخلينى ابعد عن العربيه دى ؟؟؟
السعر المطلوب 35 الف نهائى على فكره