الموضوع: تجربتي مع كيا ريو 2013 لمدة ٥ شهور

كفاية رغى الراجل قال رأى صح او غلط الرد مش كدة

مش لازم نقولة اية مفهومك و اية منطقك و الكلام دة

لو كل خبرتة ان ساق عربية و ريحته ربنا يبارك لة فيها

اى حد بيشترى عربية يبقرا رأى الناس تحصيل حاصل مش اكتر, عشان يلاقى حاجة تأكد او تنفى صحة قرارة و اللى عايز يعرف تفاصيل على عربية مش هيغلب سواء من نايل موتوز او غيرها

المشاركة الأصلية كتبت بواسطة mohamedkordy

حقلك ايه مانتا عضو جديد هنا الرغى ده تلاقيه فى حته تانيه ابقا لما تلاقينا بنكلم عن الخضار ابقا قول كفايه رغى
ارجع اقرا اسم المنتدى علشان تفهم انو منتدى عربيات ولمناقشه احوال وكفاءه العربيات لان المنتدى ده فى ناس كتير بتعتبرو مرجعهم قبل ما يشتروا

يعنى اية ما انت عضو جديد دى؟

هى المناقشة بقت بالاهانات و الخناق والتلقيح؟؟

مش عاجبك كلام متردش علية

المشاركة الأصلية كتبت بواسطة user0

السلام عليكم ورحمه الله وبركاته

حبيت أشارك تجربتي حتى الآن مع كيا ريو 2013 ...
أول حاجة أنا إشتريتها من ELTAREK الإسكندرية الحجز كان 500 جنيه و بعد كدة بأسبوع دفعت المبلغ
كان ممكن أستلم العربية في ساعتها لكن أنا حبيت مامشيش بها غير لما إخلاص وراها و تبقى عال ترخيص..
المهم استلمتها بعديها بيومين كان وراها خالص و هما ناس محترمين بصراحة بعتو معايا راجل خلاسلي الترخيص
تجربتي :
-العربية واسعة من جوا عكس لو أنت شفتها من برا حتحس غير كدة خالص
-أول ماركبت فيها استغربت طبلوها مشاء الله كبير و مش مبين خالص الكبوت و ده العادي معظم العربيات الجديدة كدة كبوتها مش باين
انا جبت الفئة الأبل Highline جنوط sport / أوتمومتيك ٦ ناقلات ول steptronic بتاعها أربع ناقلات
-عافشثا مريحة عكس السيراتو القديمة
-سحبتها جميلة ولا يبان خالص إنها 1400 cc و موتور بتاعها أسد في الحرق
-فراملها مريحة من أول لمسة بتهدي معاك
-مافيهاش عداد حرارة لكن فيه علامة بتظهر لو سخنت لاقدر الله
-مريتها التلاتة كاشفينلك الطريق مش لازم تبص بداهراك ونت بتركن أو ونت راجع ورا
-لو عايز تشد و غرز أقلبها ستيبترونيك أحسن عشان بتفرق في تسقيط الناقلات و السحب
-الثبات بتاعها مشاء الله مشفتش كدة غرز و تنطيط و شد معاك يا معلم و على فكرة ثبتها أحسن من كازا عربية زي فانتازيا و كورولا ٢٠١٢ و سيفيك ٢٠١٢ و لانسر ٢٠١٢ (أنا مجرب كل العربيات دي عشان ماحكمش غلط )
-نظام eco فيها عشان ماتحرائش بنزين بتبقى مكتوبة على العداد و بيتشال لما تقرص على الدواسة

التوكيل: EIM Renault / Kia
أنا عاديت 7000 كيلو يعني سبعة و شوية كدة
-رحت التوكيل بعد 1000 كيلو منغير ماحجزت ولا حاجة و هو توكيل محترم غيرلي الزيت و الفلتر و كشف على الميه و دفعت تقريبا 350
-تاني مرة كان على 5000 كيلو و ربط فيها العفشة و نضف فيلتر التكيف و كشف على الفرامل و غاسلو العربية و كل ده و مادفاعتش حاجة

و الحمد لله العربية مريحة و جميلة و ماشية تمام مشاء الله

KIA تورط نفسها جامد في موديلثا الجديدة و التوكيل مريح و محترم

أكيد طولت عليكم بس البيفكر و لسة متردد يا عم أه ماشية معايا تمام و أنا كنت متردد في البداية زيك ...

أستاذ user0 معلش أوعي تزعل أنا الل عملت موضوع الرد في قسم الهوندا و اللي قلب الدنيا و عمل الحرب ديه
أنا مكنش قصدي إن الموضوع يبقي تريقة و سخرية و خلاص أنا حتي كتبت

حد يرد و يدافع عن الهوندا بس يا ريت بصورة علمية

و أنا أسف لو الموضوع سبب ليك أي إزعاج
و ربنا يباركلك في عربيتك و يكفيك شرها يا رب

المشاركة الأصلية كتبت بواسطة tsaid

أستاذ user0 معلش أوعي تزعل أنا الل عملت موضوع الرد في قسم الهوندا و اللي قلب الدنيا و عمل الحرب ديه
أنا مكنش قصدي إن الموضوع يبقي تريقة و سخرية و خلاص أنا حتي كتبت و أنا أسف لو الموضوع سبب ليك أي إزعاج
و ربنا يباركلك في عربيتك و يكفيك شرها يا رب

ولا يهمك هي كانت غلطتي من الأول وأنا أسف حكمت على الفانتازيا غلط لسة مجربها انهاردة الصبح من واحد صاحبي ...لا العربية فعلا لزقة عال أرد في الغرز و كدة بس برضو ده ميمنعش إن new rio ثباتها كويس برضو و حبقى أجرب تاني بقيت العربيات إلذكرتها و أحكم تاني و ياريت محدش يزعل مني إني تسرعت في الحكم...و لو ينفع أعدل فل موضوع كنت زبطتو

المشاركة الأصلية كتبت بواسطة ابو ليلى

mhf_77 ممكن بقى اعرف اسمك بدل ما انا عمال اخد كوبى كده
انت كاتب بالاحمر وده ممنوع فى المنتدى هبعد اخليهم يغيرو اللون
كل كلامك يحترم وانا معلقتش عليه نهائى ولكن تعليقى على الاسلوب والالفاظ مش اكتر
وانا عارف ان نيتك خير وزى ما قال مهاب باشا ان اى حد بيشترى عربية اليومين دول
بيكون واخد قرار قبلها حوالى شهرين على الاقل ومش من مشاركة هيحدد قراره
الشهادة الزور معناه انك عارف الحقيقة وبتقول عكسها ولكن زميلنا العزيز بيقول رائيه
عن تجربته الشخصية واللى اكيد بتحتمل الصواب والخطا وهنا يجيى دورنا ودور المنتدى
اننا نوضح للاعضاء باسلوب منطقى واللى لاازم يكون عن خبرة وتجربة ولكن مينفعش زميل لينا
يعمل موضوع فى قسم تانى يقول فيه الحقو ده فى واحد غلط فى الهوندا فى قسم كيا تعالو يلى ورايا
وكانها خناقة !!!!
قول بقى اسمك وعرفنا بنفسك ولا مش عاوز اصحاب جداد

يا أستاذ ابو ليلى أنا اللي عملت الموضوع في قسم الهوندا و قلت

حد يرد و يدافع عن الهوندا بس يا ريت بصورة علمية

يعني مقلتش خالص حاجة بمعني

ده فيه واحد غلط في الهوندا من قسم كيا و تعالوا ورايا

و أنا أسف تاني لو الموضوع اتفهم غلط و عمل كل المشاكل ديه