تجربتي مع كيا ريو 2013 لمدة ٥ شهور

**Hmatchy** · 27-02-2013 07:08 PM

المشاركة الأصلية كتبت بواسطة 2code

هو بيقول ركبهم كلهم يا استاذي الفاضل وده رأيه بعد ما جرب العربيات لو تراجع اول مشاركة

بغض النظر عن الحروب وصاحب هذا الموضوع : http://www.nilemotors.net/nile/338687-2013-2012-a.html

ياريت مش عايزين المواضيع دي في المنتدى الراجل قال رأيه وانت عليك تصدقه او لأ - تأخذه في عين الاعتبار او لأ - كل ده شئ يعود للقارئ

فياريت نتطور شويه احنا هنا لتبادل الاراء وليست ساحة للحروب ولا لفرض سيطره فلا مصلحة لنا من شركة تتصدر او غيرها فكلها مصالح لهم ولكن هذه اصبحت تعاملات الشعب المصري حتى في اصغر الامور

اعزرنى اختلف معك لان دورنا هنا نقل الاراء و الخبرات وكمان تصحيحها

اما بالنسبة لنقطة الثبات انا مركبتش الريو السيدان علشان احكم على ثباتها بس المعروف ان الهاتش باك ثباتو اعلى من السيدان
و اعزرنى اصلان الثبات بتاع الريو هاتش باك فى الضياع
ممكن انت الجنوط ال 16 مدياك ثبات بس معتقدش ابدا انها ممكن تتفوق على السيفيك او الفانتزيا
عموما ربنا يباركلك فيها

**Mohab555** · 27-02-2013 07:18 PM

المشاركة الأصلية كتبت بواسطة mostafa.mahran

انت شكلك متعرفش شكل الفانتازيا ولا السيفك اساسا علشان كده بتقول ان الريو اثبت منهم

طب ليه الغلط حضرتك
انت هتحجر على الناس انها تقول رأيها حتى لو مش عاجب حضرتك !!! و كمان بتقولهم انهم مش بيفهوا ولا يعرفوا شكل السيفيك و الفانتازيا اساسا !!!

مش اسلوب حضرتك احنا مش صغيرين هنا..... ولا الراجل غلط فى ملك ملوك العالم علشان الكلام ده !!!

**Mohab555** · 27-02-2013 07:44 PM

المشاركة الأصلية كتبت بواسطة mhf_77

ارجو من صاحب اى موضوع ان يتقى الله فى كلامه لان الكلام ده شهاده ممكن بسببها تدبس واحد تانى فى خساره ماديه فوق ال 100 الف جنيه بسبب ان حضرتك اسف (بتفشر ومش عايز تحسس نفسك ان انضحك عليك فى مبلغ وقدره فالعقل الباطن هو اللى شغال والناس تلبس )اسف انى اسلوبى حاد بس بسبب شهادتك اسف (الكاذبه ودى بتبقى فى تعداد شهادة الزور- اسف مره تانيه) بيتبنى عليها مصير شراء واختيار ومقارنه
طبعا اللى فاهم عربيات وخبره هيضحك على الكلام ده ويعديها بمزاجه
المشكله فى الغلابه الجداد واللى ممكن يكون حط تحويشة عمره فى اول عربيه فى حياته ويعتمد على الشهاده الزور اللى حضرتك لم تتقى الله فيها واشترى بسسب موضوع زى ده هيكون ذنبه فى رقبة حضرتك
انا طبعا مراعى انك فرحان بالعربيه والاوبشن والحركات دى بس طبعا لما تجيب سيرة العظماء الفانتازيا والسيفك وتقارنهم بالريو ( مع كامل احترامنا) مجرد المقارنه معاها ظلم ليهم - مابالك لما تقول انها تتفوق عليهم - يا اخى اتقى الله انت كده حسستنى ان فرق الاسعار بينهم (المعتمد على الخبره الالمانيه والجوده اليابانيه والتقنيه العاليه وقطع الغيار المعمره سواء فى اليابانى والالمانى ) كل ده مجرد وجهة نظر او جشع من صناع السيارات فى المانيا واليابان وتواضع من الكوريين
مين ممكن يصدق غير ( واحد مبتدئ او واحد مسكين ) ان فئة عربيه كورى تتفوق على فئة عربيات المانى ويابانى فى فئتهم الاعلى كمان مش حتى نفس الفئه - دا لو واحد قال كده عن السيراتو وهى نفس فئة السيفك والفانتازيا وقال انها تتفوق عليهم - الناس هتشتمو بالاب والام
مع كامل الاحترام لحضرتك - شوف ممكن يقال ايه على اللى بيقارن بريو كمان
قول زى مانت عايز احسن اختيار فى رينج اسعارها احسن اعتماديه وعمليه فى محيط فئاتها من الماركات الاخرى وهكذا لكن تشد بخيالك وتشد الناس ( الغلابه) معاك حرام عليك
اسف على حدتى
وانا لله وانا اليه راجعون

سؤال بس ضغير !! انت سوقت العربيه قبل ما تقول للراجل انت ادبست و بتكدب على الناس !! ركبتها !! بلاش اتهامات ملهاش لازمه لواحد محترم كل الى عمله ان عربيته عجباه و دخل قال وجهة نظره فيها ... و الناس اكيد عندها من العقل الكبير الى تحكم و تقييم الكلام ده
وبعدين حضرتك محدش شقيان فى فلوس بيدخل يشوف موضوع واحد يقوم علطول نازل جايب العربيه !!! ده الناس بتسأل طوب الارض و الى رايح و الى جاى علشان يبقى مطمن و بيروح يشوف العربيه على الحقيقه قبل ما يركبها ... هو مش هدوم اول لما الناس هتشوف اعلانه هتنزل تجيبها حضرتك !!!

الراجل حقه يقول الى هو عاوزه و الناس عليها تقييم الكلام و تتناقش فيه وتقول وجهة نظرها و تعدل اى قصور بالحوار و الطريقه الصحيحه
مش شتيمه و اسلوب مش كويس.... وكمان شاهد زور
هو الراجل غلط فى ابو حنيفه يعنى انا مش فاهم الحقيقه !!

**SAMEH_FOUAD** · 27-02-2013 07:50 PM

اولا ربنا يباركلك فيها , ويحفظهالك ويديك خيرها ويكفيك شرها

ثانيا : موضوع الثبات اللى افضل من السيفيك والفانتازيا دية اية دة بقى حضرتك بتتكلم جد ولا بتهزر ؟؟؟؟؟

ياباشا الريو بتخف جدا بعد ال130 كم , بعكس الفانتازيا والسيفيك اللى ثباتهم بيزيد بعد ال130

انا اول مرة اسمع التعليق دة فى المنتدى كلة ( دية السيراتو اللى اعلى من الريو محدش قدر يقول عليها انها اثبت من السيفيك - الفانتازيا ) تيجى الريو وتعملها

وسعت منك دية ياباشا , لانك جاى على اكتر سياراتين ثباتا وبتتقارنهم

**Mohab555** · 27-02-2013 07:54 PM

المشاركة الأصلية كتبت بواسطة sameh_fouad

اولا ربنا يباركلك فيها , ويحفظهالك ويديك خيرها ويكفيك شرها

ثانيا : موضوع الثبات اللى افضل من السيفيك والفانتازيا دية اية دة بقى حضرتك بتتكلم جد ولا بتهزر ؟؟؟؟؟

ياباشا الريو بتخف جدا بعد ال130 كم , بعكس الفانتازيا والسيفيك اللى ثباتهم بيزيد بعد ال130

انا اول مرة اسمع التعليق دة فى المنتدى كلة ( دية السيراتو اللى اعلى من الريو محدش قدر يقول عليها انها اثبت من السيفيك - الفانتازيا ) تيجى الريو وتعملها

وسعت منك دية ياباشا , لانك جاى على اكتر سياراتين ثباتا وبتتقارنهم

مجرد مثال صغير لاسلوب محترم من عضو محترم مختلف فى وجه النظر
ايه بقه المشكلة لما الناس كلها تتناقش براحه كده
وده العادى من الهونداوية المحترمين مش جديد عليهم
تحياتى يا باشا على ردك المحترم

**Hmatchy** · 27-02-2013 08:07 PM

المشاركة الأصلية كتبت بواسطة 2code

عفواً صحح لاخر معلومة واترك رأيك بأحترام حتى يحترمك الاخرين فلا تحكم على الناس ان يتخذوا كلامك مصرح به بدون نقاش ولا مجادلة اترك رأيك الصائب والجيد وهو له حرية الاختيار له ان يصدق وله ان يكذب

كلام فى منتهى الحكمة

المشاركة الأصلية كتبت بواسطة 2code

وهاهو شخص اخر يتحدث بدون ان يجرب فأهنيك على معلوماتك التي بدون مرجع وهذا هو سبب عدم تقدم المصريين وتخلفنا نحن نتحدث بدون ادلة بدون براهين بدون تجارب وفوق كل هذا بشكل مبالغ فيه :)

كيف لك ان تحكم انه تحدث بدون ان يجرب

المشاركة الأصلية كتبت بواسطة 2code

ولكن ما رأيته من الاخوه الكرام عدم احترام للاخ صاحب الموضوع وهذا ما لانقبله نهائياً على اي شخص مهما كان جنسيته او لونه او دينه او تعليمه او حديثه او ثقافته

لك كل الحق واتفق معك

المشاركة الأصلية كتبت بواسطة 2code

اذا تحدثت بدون احترام او بأهانه مع شخص فلا تنزعج اذا لم يحترمك او يهينك هو الاخر, هذا هو سبب مداخلتي لاني رأيت شخص ترك رأيه وانطباعه وتجربته ووجدت هجوم من اشخاص اخرى وموضوع جديد مخصوص للرد عليه وكأنه اخطأ بالدين

وهذا هو سبب اختلافى معك ان تقابل السيئة بالسيئة
لدرجة ان تحول النقاش من اختلاف فى الرأى على سيارة الى اختلاف فى اسلوب النقاش فقد كان اسلوبك كما لو انك توافق على رأى صاحب الموضوع فى نقطة الخلاف وهى ثبات السيارة
وقمت بمهاجمة صاحب الراى الاخر بنفس الاسلوب الذى انتقتده

المشاركة الأصلية كتبت بواسطة 2code

لاحول ولاقوه الا بالله والله لو هذه هي طريقة التعامل وتبادل الخبرات هنا بالمنتدى فلاداعي من هذه النقاشات

فعلا
فى النهاية اتمنى ان تتفهم وجهة نظرى ان لا اوافق على اسلوب بعض الاعضاء فى الانتقاد ولكن يجب ان افرق بين انى اعارضه على اسلوبه او على معلومته

الموضوع: تجربتي مع كيا ريو 2013 لمدة ٥ شهور

LinkBack

أدوات الموضوع

عرض

-

-

-

-

-

-

المواضيع المتشابهه

تجربتي مع 4 زيوت مختلفة في 8 شهور

لتخزين bmw لمدة 6 شهور

كيفية تخزين العربية الجديدة لمدة 3 شهور

اشتراك ADSL 512K لمدة 4 شهور

الكلمات الدلالية لهذا الموضوع

المفضلات

المفضلات

ضوابط المشاركة