تكييف الجين2

**m_marmoush** · 04-08-2008 12:02 PM

المشاركة الأصلية كتبت بواسطة mahmoudzaied

انا برضو معايا لانسر 1300 خليجى الحمد لله مريحانى اوى واستهلاك بالنسبالى خرافى فى البنزين بالمقارنة بالعربيات القديمة اللى كنت بركبها
اما التكيف انا شايف انو تلاجة وتاثيو على السحب دا على حسب انتو مشغلو على كام يعنى لو على 4 ودا قليل لانى بيبقى تلاجة السحب بيبقى ضعيف(موتور 1300 برضو) بس لما بيشتغل على 2 ودا الطبيعى بكون التاثر مش قوى بس هتحس فعلا بالتاثير ده لو حد شد معاك على خفيف وانت مشغلو
انا كنت راجع من الكلية مرة ومعايا 3 اصحابى يعنى 4 فى العربية وكنا على طريق بنها الزقازيق (طريق كلوووووووووووو مطبات)
واحد بكورولا الشكل القديم 1300 كان مشغل التكيف برضو مش شدينا مع بعض بس كنا بنجمع الغيار عادى لقيتو سبقنى وبفرق كويس لصالح الكورولا (التكيف كان على 3) بس لما هديت التكيف على 1 لقيت العربية فتحت
عموما الجين 2 بالامكانيات دى والسعر ده تبقى عربية جامدة بس انا للاسف الحج ابويا مخو متركب يابانى فجيبت اللانسر على قد فلوس الحج
وعلى فكرة احساس انك هتعيط والحج بيدفع الفلوس دا احساس مش ممكن (صح بجد هوا الواحد معاه كام 90 عشان يجيب عربية يجربها)
انا كان نفسى فى ال1600 بس العين الحج مرضيش وقالى عشان البنزين كان عندو بعد نظر
واسف على التطويل

تاثير التكييف على الموتور ملوش دعوه بسرعه المروحه لأن الكومبريسور فى جميع السرعات بيكون شغال و محمل على الموتور

**ahmedsiyam** · 04-08-2008 12:08 PM

السلام عليكم

انا شايف من وجهة نظرى فقط ان تكييف الجين 2 حلو جدا بس موش احلى من اليابانى و لا الكورى

يعنى الكرولا و اللانسر و الدايو و الهيونداى احسن منه

وعن تجربة موش ركبت جنب و احد و السلام

**emadosman63** · 04-08-2008 10:14 PM

المشاركة الأصلية كتبت بواسطة mero5005

انا بعشق الشكل اللى ملوش حل للجين 2 وكل حاجه فيها بس والله انا كنت اكتر واحد حاسس بوالدى وهوا بيدفع فلوس العربيه انا شويه شويه كنت هقولو خلاص بلاش عربيات فكان مش ممكن اقولو جازف معايا بيهم وكده كنت لازم اجيب حاجه مضمونه
وبصراحه اللانسر كسفتنى وطلعت الحمد لله تمام بس اوعدك لما ابقى غنى ومعايا فلوس كتير هجيب الجين 2 ههههههههههههههههههههههههه هههههه
ربنا يباركلى فى اللانسر ويباركلكو فى الجين 2 وفى الاخر كلو عجل ههههههههه

ممكن تعملنا مقارنة بين سيارتك الميتسوبيشى والجين 2

**momenhamdy** · 04-08-2008 10:23 PM

المشاركة الأصلية كتبت بواسطة ahmedsiyam

السلام عليكم

انا شايف من وجهة نظرى فقط ان تكييف الجين 2 حلو جدا بس موش احلى من اليابانى و لا الكورى

يعنى الكرولا و اللانسر و الدايو و الهيونداى احسن منه

وعن تجربة موش ركبت جنب و احد و السلام

و الله يا استاذ احمد ليه من وجه نظرك مش احلي ؟؟؟ اصل انا معايا العربية و زي الفل التكيف بتاعها مفيش اي كلام عليه ياريت تشرحلي وجه نظرك و بعدين حضرتك بتقارن الدايو بالجين 2 مسأله صعبة شوية صح ؟؟!!!

**khpopo** · 04-08-2008 11:00 PM

المشاركة الأصلية كتبت بواسطة momenhamdy

و الله يا استاذ احمد ليه من وجه نظرك مش احلي ؟؟؟ اصل انا معايا العربية و زي الفل التكيف بتاعها مفيش اي كلام عليه ياريت تشرحلي وجه نظرك و بعدين حضرتك بتقارن الدايو بالجين 2 مسأله صعبة شوية صح ؟؟!!!

انا كمان مستغرب !! عشان مش مقارنة ابدا دة...... انا لاقيت فى تكيف جين2 حاجة من ضمن حاجات فارقة لما بتشغلة على الهواء الخارجى بيفضل بنفس البرودة مع كمية هواء اقل برضة لكن انا ماشفتش نفس البرودة دة بطريقة دة فى عربية تانية وخصوصا فى الاشارات.. هو بيعمل اية بالضبط فى عربيتك لان ممكن محتاج تغير فلتر مراجعة فريون مثلا... عشان اية الهونداى تبقى احسن الى ممكن تغير الكباس فى اول سنة ودة عادى جدااا

سبحان الذى سخر لنا هذا وماكنا لة مقرنين وانا الى ربنا لمنقلبون

**mero5005** · 05-08-2008 01:38 AM

هو اللانسر والجين 2 مفيش بينهم وجه مقارنه غير السعر بس للامانه انا مركبتش الجين 2 الا فى المعرض هو انا بجد نفسى اخد بيها على الاقل تست دريف علشان احكم بس عامه فى التصميم والشكل الجين 2 تكسب ده من بره اما من جوه انا مليش فى حوارات السحب والشد وكده انا كل همى انى عربيى تريحنى وده انا لقيته مع اللانسر والحمد لله

**emadosman63** · 05-08-2008 09:15 PM

المشاركة الأصلية كتبت بواسطة mero5005

هو اللانسر والجين 2 مفيش بينهم وجه مقارنه غير السعر بس للامانه انا مركبتش الجين 2 الا فى المعرض هو انا بجد نفسى اخد بيها على الاقل تست دريف علشان احكم بس عامه فى التصميم والشكل الجين 2 تكسب ده من بره اما من جوه انا مليش فى حوارات السحب والشد وكده انا كل همى انى عربيى تريحنى وده انا لقيته مع اللانسر والحمد لله

معنى كده أن الحب حاجة والجواز حاجة تانية خالص

**mero5005** · 06-08-2008 01:44 AM

هههههههههههه زى العسل والله يا استاذ عماد احيانا الحياه تجبرك على ان تفعل ما ليس على هواك ( ليس كل ما يتمناه المرء يدركه تأتى الرياح بما لا تشتتهى السفن)