انا جبت مولد كهرباء صينى 6 كيلو نوعه gupta 6200 electric

**Lord of the flies** · 02-03-2013 09:11 AM

ازاى يتم ادخال خارجى المولد للشقه؟
هل مثلا وصله من المولد لاقرب فيشه كهرباء و لا لازم تعديل على العمومى للشبكه؟

**AHMED12345678** · 02-03-2013 02:46 PM

المشاركة الأصلية كتبت بواسطة ابوحبيبة2010

[overline]
جزاك الله كل خير اخى الغالى
طب فى حاجة عندى فى المولد من عند مكان اخراج الزيت القديم فى مسمار بيجيب زيت بسيط جدا على فكرة المسمار ده هو اللى بيتم اخراج الزيت القديم منه
هل فى خطوره على المولد

بنسبة للمروحة اشغله من ناحية خرج العادم على المولد او ماذا

ورائيك ايه فى وضع المولد فوق سطح البيت وعمل له مكان خاص به
علشان حرارة الشمس الف شكرا اخى على تعبك
[/overline]

بالنسبة للمسمار المتعارف على اسمه بطبة الزيت فيها حل بسيط جدا وهو ان حضرتك تجيب حاجة اسمها كتان الى بيستعملة السباكين اثناء اعمال السباكة وسعره رخيص وبيتجاب من عند اى محل ادوات سباكة وبعدين تفك طبة الزيت حاجة بسيطه وتلف الكتان حوالين الطبة وبعده كدة اربط تانى والزيت هيتمنع ان شاء الله
بالنسبة للمروحة فمتحطهاش مش من ناحية خروجة العادم ، وحطها من ناحية موتور المولد علشان المروحة تبرد كويس
وفوق السطح مكان كويس جدا وخصوصا فى التهوية والبعد عن البشر طالما هتعمل اى حاجة تبعد اشعة الشمس والامطار عن المولد ، ويا سلام لو السطح لية باب بيتقفل علشان محدش يطلع وخصوصا الاطفال ويلعب فى المولد

**ابوحبيبة2010** · 02-03-2013 05:02 PM

المشاركة الأصلية كتبت بواسطة AHMED12345678

بالنسبة للمسمار المتعارف على اسمه بطبة الزيت فيها حل بسيط جدا وهو ان حضرتك تجيب حاجة اسمها كتان الى بيستعملة السباكين اثناء اعمال السباكة وسعره رخيص وبيتجاب من عند اى محل ادوات سباكة وبعدين تفك طبة الزيت حاجة بسيطه وتلف الكتان حوالين الطبة وبعده كدة اربط تانى والزيت هيتمنع ان شاء الله
بالنسبة للمروحة فمتحطهاش مش من ناحية خروجة العادم ، وحطها من ناحية موتور المولد علشان المروحة تبرد كويس
وفوق السطح مكان كويس جدا وخصوصا فى التهوية والبعد عن البشر طالما هتعمل اى حاجة تبعد اشعة الشمس والامطار عن المولد ، ويا سلام لو السطح لية باب بيتقفل علشان محدش يطلع وخصوصا الاطفال ويلعب فى المولد

الف مليون شكرا اخى جارى عمل اللازم ان شاء الله

**ابوحبيبة2010** · 02-03-2013 05:06 PM

المشاركة الأصلية كتبت بواسطة engahmedsayed

على فكره علشان المولد ده يشتغل صح
اول لازم تجيبله مثبت جهد او ترانس فورمر
تجيبله مفتاح تحويل اسمه بسكبلر شوف هتجيبه اتوماتيك و له عادى
انتا بتقول المولد مارش صح
يبقى تجيبله مفتاح اتوماتيك ليه بقى لما الكهرباء تقطع المفتاح يحول على المولد و يشغله اتوماتيك و الترانس فورمر ده علشان يثبت التيار و تجيبله اوفر لود و طظبط عليه الفولتات على حسب خطوط الشقه علشان لو فى حاجه الامبير بتاعه زاد يفصل عن المولد علشان ميتحرق او الجهاز قلى شغال ميتحرقش سواء تلفزيون او حتى للمبه
ربك المستعان

[overline]
طب ممكن الشرح اخى الكريم
لو امكن الدائرة
[/overline]

**ابوحبيبة2010** · 02-03-2013 08:46 PM

طب ممكن الشرح اخى الكريم

**Karim_Monir** · 03-03-2013 10:44 AM

مبروك المولد يا ابو حببة

انا عايز اشتري واحد
مش عايز حاجة غالية عشان هاشغلة ساعه ولا اتنين في الصيف وخلاص علي كدة
اشغل عليه مروحة واحدة ولمبتين نيون وتي في ورسيفر مش لازم تكييف ولا اي حوارات
عشان القعدة في الضلمة بتخنق فعلا
مش عايز واحد صوته عالي
هاحطة في البلكونة وهي متقفلة المويتال بس هاسيبلة الشباك مفتوح عشان التهوية والعادم
وبما اني ابيض تمااما في الكهربا
ممكن تقولوي اوصله ازاي على كهربة الشقة ؟
احطلة اي بنزين سواء 80 او 90 ولا هاتفرق معاه الاوكتان ؟
لما يجي النور افصلة ازاي ؟
معلش اسئلتي كتير بس هاتلاقوها اسئلة ناس كتير هنا

**Tmhami** · 03-03-2013 12:45 PM

المشاركة الأصلية كتبت بواسطة karim_monir

مبروك المولد يا ابو حببة

انا عايز اشتري واحد
مش عايز حاجة غالية عشان هاشغلة ساعه ولا اتنين في الصيف وخلاص علي كدة
اشغل عليه مروحة واحدة ولمبتين نيون وتي في ورسيفر مش لازم تكييف ولا اي حوارات
عشان القعدة في الضلمة بتخنق فعلا
مش عايز واحد صوته عالي
هاحطة في البلكونة وهي متقفلة المويتال بس هاسيبلة الشباك مفتوح عشان التهوية والعادم
وبما اني ابيض تمااما في الكهربا
ممكن تقولوي اوصله ازاي على كهربة الشقة ؟
احطلة اي بنزين سواء 80 او 90 ولا هاتفرق معاه الاوكتان ؟
لما يجي النور افصلة ازاي ؟
معلش اسئلتي كتير بس هاتلاقوها اسئلة ناس كتير هنا

متابع جدا و مستنى الرد

**marsguy** · 03-03-2013 01:26 PM

سؤال
لو حطيته في البلكونه: مش العادم ممكن يطلع على السكان؟

**a_nbm** · 03-03-2013 01:32 PM

كنت سألت واحد صاحبي من فتره (مهندس كهربا)
وكان قالي ان في مفتاحين لازم يتركبوا مع المولد

1- مفتاح تحويل اتوماتيك (في حاله انقطاع الكهرباء بيحول على المولد اتوماتك - وكان قالي انه فيه منه يدوي برضه )
2- مفتاح تشغيل اتوماتك (في حاله انقطاع الكهرباء بيشغل المولد اتوماتك )

مستنيين التوضيح من مهندسين الكهرباااااااااااااااااا