انا جبت مولد كهرباء صينى 6 كيلو نوعه gupta 6200 electric

**wawamoha** · 03-03-2013 03:10 PM

المشاركة الأصلية كتبت بواسطة aboamr

للاسف مش عايز اصدمك......كل اللى اقدر اقوله ان مافيش مولد بالسعر دا يديك القوه دى .......للاسف نصب التجار فى الموضوع دا كبير جدا ......وكل المكتوب على المولد بيكون غير صحيح واغلب الصينى كدا .......لازم تشترى من مكان ثقه وبيخافوا ربنا .....انا اشتريت حوالى 6 دينامو وافضل اللى موجود .......ماركيز ...ماركه ممتازه والصافى 5 كيلو مارش سعره 5100 جنيه ......والتايجر استيراد احمد داود .....الصافى 5 كيلو مارش بعد الخصم من التوكيل عمل 3400 جنيه .........والتايجر صافى 2 كيلو عمل 1550 جنيه بعد الخصم ......لو مارش بيزيد 250 جنيه ....... ان شاء الله يكون معاك تمام وربنا يباركلك فيه

مبروك الجهاز ربنا يباركلك فيه
بس انا حاسس ان كلام الاخ مظبوط

**Karim_Monir** · 03-03-2013 03:22 PM

انا مش عايز احول اتوماتيك عشان كدة هايقوم حمل البيت كله
وكدة ممكن انسي او المدام ماتشيلش فيش التلاجة وماتطفيش التكييف والباقي كله

**ابوحبيبة2010** · 03-03-2013 05:08 PM

المشاركة الأصلية كتبت بواسطة karim_monir

مبروك المولد يا ابو حببة

انا عايز اشتري واحد
مش عايز حاجة غالية عشان هاشغلة ساعه ولا اتنين في الصيف وخلاص علي كدة
اشغل عليه مروحة واحدة ولمبتين نيون وتي في ورسيفر مش لازم تكييف ولا اي حوارات
عشان القعدة في الضلمة بتخنق فعلا
مش عايز واحد صوته عالي
هاحطة في البلكونة وهي متقفلة المويتال بس هاسيبلة الشباك مفتوح عشان التهوية والعادم
وبما اني ابيض تمااما في الكهربا
ممكن تقولوي اوصله ازاي على كهربة الشقة ؟
احطلة اي بنزين سواء 80 او 90 ولا هاتفرق معاه الاوكتان ؟
لما يجي النور افصلة ازاي ؟
معلش اسئلتي كتير بس هاتلاقوها اسئلة ناس كتير هنا

[overline]
الله يبارك فى حضرتك

يبقى هات 6كيلو بيصفى 3 كيلو ابو مارش سعرة
1470 جنية
من شارع الجمهورية
هو الافضل يكون فى مكان بيعد عن الناس
بياخد بنزين 80 المدعم هههههههههههههه
بياخد علبة زيت كل 80 ساعة
اما موضوع التوصيل ممكن حضرتك تجيب معاك كهربائ يعمل التوصيلات
من المولد الافضل لتفادى خطر الكهرباء
على فكرة المولد به اربع خروج 220 فولت وكل خرج به فيشه خاص به
بتيجى مع المولد
[/overline]