الموضوع: معقوله ده تصليح بالتوكيل ب 90 الف جنيه يا بلاش

السلام عليكم ورحمه الله وبركاته

الحكايه من الاول
انا لى صديق معاه عربيه نيسان صنى 2009
والعربيه عامله 25000 كيلو
هو عمل بالعربيه حادثه كان ماشى بسرعه ودخل فى رصيف عالى
وكانت السرعه تقريبيا 90 الى 100 ويمكن اكتر قليلا
الحمد لله هو بخير لم يحدث له شى وده اهم حاجه
وقدر الله وما شاء فعل
ولكن هذه الحادثه اوضحت لى الامان بسيارات نيسان ومتانتها وامتصاص الصدمه
حتى لا يتاثر السائق
لكن هذا الحادث ادى الى تلفيات عده بالسياره
مع العلم ان السياره مامن عليها تامين شامل
فاخذنا السياره على ونش وذهبنا بها للتوكيل
فالتوكيل بعد فحص السياره قال ان التكلفه ستكون
90000 الف جنيه مصرى فقط لا غير
ما اجيب عربيه جديده احسن
طبعا التامين اتصدم وعمل لجنه وخبره رايحيين جايين على العربيه
وقالولى ان احنا بنرفض التصليح بالتوكيل
وان العربيه احنا بنعرض عليك انها تتكهن مقابل 50000 الف جنيه
او نعطيك 10000 الاف جنيه وانت تصلحها بره بمعرفتك
فالتامين عايز يوفر لنفسه وما زال هناك مفاوضات معاه
امال انا مامن تامين شامل ليه
فقلنا نكسب وقت عقبال ما التامين يخلص مفاوضات
نشوف حد بره نعرف هتكون التكلفه كام
وايه اللى العربيه محتاجاه
فالسمكرى بعد معاينته والظاهر حاليا لان الخبطه خلت الماتور يتحرك من مكانه اتعوج ناحيه اليمين
وانا ان شاء الله هصور العربيه وارفق الصور
والى الان هى محتاجه

1 - قنطره اماميه
2 - قنطره ماتور
3 - رادراتير
4 - سربنتينه تكييف
5 - مراوح رادراتير
6 - اكصدام امامى
7 - فانوس يمين
8 - قاعده ماتور
فهل احد يقدر يعرف لنا اسعار هذه القطع كام استيراد
وبالنسبه للرادرتير جديد كام
ولو هاجيب ربع امامى اللى هو الجزء لغايت الرادراتير بدون الفوانيس
حد يقدر يعرف سعره يكون كام
هذا الواضح الى الان لحين فك الماتور

ويارب استرها علينا جميعا واكفنا شر الحوادث
ومنتظر مساعدتكم وجزاكم الله كل خير