الموضوع: معقوله ده تصليح بالتوكيل ب 90 الف جنيه يا بلاش

المشاركة الأصلية كتبت بواسطة ahmed_adham

متشوفو تمن الحاجات البايظه دي كام في التوكيل وتركبوها بره؟ بيني وبينك ميال أكتر لأنه ياخد ال 50 ألف ويحطهم مقدم عربيه زيرو ويقسط الباقي عشان احتمال كبير العربيه مترجعش بعد التصليح زي ما كانت ويفضل يصلح فيها طول عمره على حسابه.

الحاجات ده ها تكون غاليه جدا بالتوكيل لكن الاستيراد هاتكون قليله شويه
وها تكون هيه هيه
بس حضرتك المبلغ المعروض قليل وكمان هو ظروفه الماديه تعوقه انه يجيب عربيه زيرو تانى
وخصوصا فى ظل ظروف البلد ده
والتصليح ان شاء الله يلاقى حد كويس ويكون شاطر هى ده اهم نقطه
وشاكر لاهتمامك ورايك

المشاركة الأصلية كتبت بواسطة miceg

ياباشا خليني معاك فوجهة نظرك
على إفتراض انه صلحها على حساب التوكيل فمكان أرخص
العربية هيكون مقلق منها ولو عملت معاه مشكلة ثانية
هيفكر يبيعها واول مايفكر فبيعها هينزل فيها جامد
ده غير كده القرف اللي ممكن يشوفه منها وضياع الوقت
ممكن يقبل الريسك ولو حصل معاه مشكلة بعد التصليح يشوفلها بيعة

ما انا ها خليه يشوف الورش اللى كان بيشتغل فيها الناس اللى كانت بتشتغل فى التوكيل
والمكان اللى هو يختاره مش التامين لان طالما رفض التامين التوكيل فصاحب السياره هو اللى
يختار المكان هى فيها اكيد ريسك بس ها يعمل ايه المبلغ المعروض قليل
واكيد لو تعبته بعد التصليح لا مفر من البيع
خالص تقديرى لاهتمام حضرتك

المشاركة الأصلية كتبت بواسطة m_medo

ال 50000 احسن

مبلغ قليل حضرتك بالنسبه لحالتها

المشاركة الأصلية كتبت بواسطة youssef.awad

بوليصة التأمين هى الفيصل
العقد شريعة المتعاقدين
وكل كلامنا للاسف اجتهاد شخصى
العربية لو زاد تكلفة اصلاحها عن 50% من ثمنها بتكون اهلاك كلى وساعتها التأمين بيعوض المالك بباقى المبلغ المأمن عليه
اسعار قطع الغيار اللى ذكرتها او اللى سالت عليها مش هاتكمل 20 الف ج لكن المشكلة الكبرى فى التركيب والمصنعيات واللى يخلينى اصلحها فى التوكيل هو ضمان انه لو اكتشف اى خطأ فيها بعد كده هما اللى ملزومين بيه انما لو برة هايلف بيها وكل واحد يفتى فيها واستنزاف فلوس وبس

انا مش عارف تفاصيل الوثيقه صراحه لسى مقراتهاش
والتوكيل بيطلب مبلغ خرافى فهو مضطر للاسف يعملها بره
وشاكر لاهتمام حضرتك

المشاركة الأصلية كتبت بواسطة algazar2

مش المفروض دى كده اهلاك كلى و يتعوض بمبلغ التامين بتاعه كله او ينقص شويه على حسب سنين الاستخدام

بس 50 الف مبلغ قليل كتعويض
و 90 الف ده كده يزود 20 و يجيبها جديده زيرو اعلى فئه كمان

عندك حق 50 ده قليل
والتوكيل سعره خرافى

المشاركة الأصلية كتبت بواسطة hmatchy

طيب بص بقى لو هو عامل محضر اثبات حالة و مأمن على العربية بقيمتها يبقى من حقه ياخد المبلغ اللى مأمن بيه وبيتخصم حاجات بسيطة
يعنى متلا لو العربية ب 100 الف ومامن عليها ب 100 الف بياخد 95 او 92 حاجة كده
لكن 50 الف دى يروح ييطلع على جمعية التامين او مش عارف اسمها ايه ويشتكى الشركة او حماية المستهلك لان دى ناس بتستعبط
تانى حاجة قيمة التصليح اعتقد فى حدود 30% من القيمة المأمن عليها يعنى لو ب 90 العربية يبقى اقصى قيمة تصليح 30 الف ولو فى زيادات بسيطة بيدفعها صاحب العربية و لو زيادة اكبر بتتكهن(total lose)
خليه يدافع عن حقو وياريت تقولنا شركة التامين اللى تابع ليها علشان ناخد حزرنا

هو عامل محضر اثبات حاله
لكن مش عارف دافع كام للتامين وفعلا انا بفكر اخليه يشتكى
ومش يرضى بالمبلغ ده
والصراحه مسالتوش اسم الشركه ايه هعرف وها قول لحضرتك
والف شكر لاهتمامك

المشاركة الأصلية كتبت بواسطة ahmed_adham

يا جماعه دي موديل 2009 وانتو بتقارنو بسعرها وقت الزيرو. التأمين بيدي 75% من القيمه السوقيه وقت استلام التعويض والعربيه عامله متوسط 80 ألف جنيه في السوق دلوقتي يعني التعويض في حدود 60 ألف. ياريته يقدر يجيب منهم أي حاجه فوق ال 50 ألف ويعوض ربنا عليه في الباقي.

هو بيحاول يزود المبلغ فى لسى مفاوضات
وربنا يسهل
والف شكر لاهتمامك

المشاركة الأصلية كتبت بواسطة mohamed_selim

صح كده ... هو يفاصل معاهم و يجيب واسطه عشان بتنفع و يقرا العقد كويس و يحدد نسبة الاهلاك السنوى كام عشان يعرف الحد الاقصى اللى ممكن يوصله 55-60-65 و ياخدهم افضل من وجع الدماغ و عمرها ما هترجع سليمه ولا هتتباع بسعر السوق بتاعها

ياريت بس هما يزودوا المبلغ شويه
واكيد لو اتباعت مش هتتباع بسعر السوق اكيد لازم ها يخسر فيها شويه

المشاركة الأصلية كتبت بواسطة khalid_adel

اللي انت ذكرته ده ميكملش 20 الف في اي توكيل ولو حتجيب من بره مش حيكمل 10 نهائي حتي
ايه النصب ده سواء من التوكيل او من التامين

ما انا على شان كده عايز اعرف الاسعار بالضبط
على شان وهو بيتفاوض معاهم يبقى عارف السعر فى حدود كام ويقدر يقرر
انهى الانسب والاصلح

كده كده هيدفع في تصليحها ده لو هيصلحها بره مش اقل من 20 الف ..ده على كلام حضرتك ولوجه يبيعها هيخسر جامد
فهو الحل زي ما الاخوه قالو يحاول يفاصل في التعويض و يوصلو ل 60 مثلا ويحط عليهم ال20 اللي كان هيصلح بيهم العربيه
كده معاه 80 ويشوفلو عربيه مستعمله نضيفه
الحل ده احسن من عك التصليح ورمي الفلوس في الارض


وادي اعلان اهه لنيسان صني 2009 وماشيه 36000 كيلو
السيارة كاملة اوتوماتيك exصالون فبريكة من الداخل والخارج,لا تحتاج لاى مصاريف لون موف رخصة سنة
من على كونتاكت ومطلوب 84 فيها
لو عايز يوفر كمان يجيبها مانيوال مش هتفرق كتير لغايه ما ربنا ييسر حالو ويبيع دي ويشتري بعد كده واحده زيرو تاني