الموضوع: العلم يثبت ما حذر منه الرسول.. النفخ في الطعام مسرطن! الخميس

المشاركة الأصلية كتبت بواسطة hugan

يا استاذ احمد كمال
يا دكتور احمد
الموضوع بسيط جدا
لو تم اثبات فعلا ان عدم صحه حديث عدم النفخ في الطعام
يبقي فعلا كلامكم سليم
وان المجله كاتبه البحث مدعيه وافاقه
اما ان كان الحديث صحيح وسنده سليم
ومذكور في البخاري ومسلم

يبقي مفيش مجال اننا نتهم كاتب البحث بانه كاذب

تااااااااااني

1- اولا الموضوع منقول و مش منقول من مجلة علمية مثلا ........ الله اعلم مصدره ايه و الاطباء اللي اسمهم مكتوب دول بجد و لا لأ

2- ثانيا ....... انا ضد الطريقة دي ........ 1- هات اي كلام فارغ ..... 2- الزقه في حديث صحيح ...... 3- قيفه عشان يلزق صح :) ......... 4- اللي يفتح بقه يبقى بيهاجم الحديث مش الكلام !!!!!!!!


بلاش الله يكرمك اتخاذ الاحاديث كدروع لحماية الكلام الفارغ عشان الاحاديث اغلى من كده


اما الرسول يقول ما ننفخش في الطعام يبقى ما ننفخش ....... من غير ما نسأل حتى ليه ......... انما بكتيريا مفيدة في الحلق (دي اول مرة اسمع عنها الصراحة) تلمس الحرارة تتحول لبكتيريا بنت كلب شريرة !!!!!!


طيب هاقول لحضرتك حاجة


فيه حديث صحيح بيقول اشرب المية على 3 مرات

و فيه حديث صحيح برضه انك تاكل التمر وتراً


تخيل اني لقيت مرة واحد بيقول اصل العلم اكتشف اما بتاكل التمر بعدد زوجي بيجيلك سكر !!!!!!!! يعني لو اكلت 100 تمرة هيجيلي سكر بس 101 او 99 لأ .......... مرارتي ما استحملتش الصراحة


ماهو حديث صحيح اهوه يبقى مفيش مجال لتكذيب صاحب البحث بنفس منطق حضرتك

المشاركة الأصلية كتبت بواسطة speed_magnum

هي مياه ايه اللي تعمل تليف في الكبد ?! عمري ما درستها مع اني بقالي 6 سنين في طب

لا و يقول لك اصلها بتقع مرة واحدة عالكبد ........ اصل مفيش مرئ و لا معدة و لا اي حاجة في النص

المشاركة الأصلية كتبت بواسطة dr.hazem

انا كنت هرد علميا على الموضوع ولكن لوهلة وقرأت كلام الاخ أحمد كمال والدكتور أحمد فاكتفيت برودهم لانها كافية...
وعلى سبيل المثال.. وزن عامود الميه اللي نازل عالمعده والواحد واقف ووهوا قاعد هو نفس الوزن!!
بس تقريبا والواحد واقف بيعمل طرطشه أكبر!!!
هههههههههه
او بقا الh. Pylori بقا عايشه جوانا كلنا وبتطلع في نفسنا دي تبقى مصيبه! الاوميبرازولomeprazole غالي يا جدعان
ههههههههههههه
مش قصدي حاجه يا هوجان والله انا بعزك لله فلله بس صدقني كل الكلام المذكور أعلاه مردود عليه.. واحب اوضح حاجة بسيطة....
ربنا في القرآن يقول(وما أوتيتم من العلم إلا قليلا)....
وبالتالي الأحاديث واضحة وصحيحه ولكن مش شرط نعرف الحكمه من الشرب وترا مثلا او عدم النفخ في الاناء... الخ
واذكر قصه الرجل اللي اشتكى للرسول صلى الله عليه وسلم ان بطن اخوه فيها ألم ووصاه بشرب العسل لان فيه شفاء فقاله انه لم يذهب ما به بالعسل فقاله صدق الله وكذبت بطن اخيك....
فالاعتقاد بالحديث واجب وحق ولكن التفسير قد نعلمه وقد لا نعلمه.....
تحياتي لجميع من رد وشارك واتمنى اننا نفهم بعض ومحدش يتضايق لان في الاول والآخر الموضوع اتنقل بحسن نية :-)

sent from my se arc s using forum runner

+100