الاوكتافيا والزينون والطريق الدائرى

**lanos2004** · 01-03-2013 01:38 PM

كنت راجع من المعادى دائرى -ليله امس-وماشى زى بقيه الناس 100-120---ومافيش نيه انى اجرى ولا كنت مستعجل
وطبعا فيه ازمه سولار وعند كل بنزينه على الدائرى بتلاقى الطريق قفل ويدوبك عربيه ونص تعدى من على الشمال
دخلت فى منطقه فيها بنزينه والطريق قفل فمسكت شمال ونزلت بالسرعه 50
لقيت نور زينون عمال يقلب وهيعمينى وانا اصلا بكرة الاضواء المبهرة
طلعت اديا وبشاور --بعبر ان الطريق زحمه ويطفى الزنون اتعميت خلاص
طبعا مافيش -برضه مصر يعمينى ازاى لانوس تعترض طريق اوكتافيا
قلبت المرايا علشا ن اعرف امشى
لحد اما طلعت من الزحمه جيت افتح له الشمال لقيته مصر يعدى من على اليمين
وقام جاى قدامى --طب عادى ماليش فيه -ادانى اشاره--صحى العفاريت الى جوايا--قلت قشطه لقيت حد هيسلينى
المهم دوست بنزين و نطيت من قدامه -حته كدة اخوفه بيها -وهديت وخليت سرعه العربيه تبقه ماشيه معاه اما اشوف اخرة ايه
كويس لقيته وصل 180 تقريبا وكنا داخلين على اول نفق---الحمد لله عربيتى بتطلع من النفق 205 تقريبا
طلعته قدامى واديته فرق-علشات يحس انه عدانى
وفى لحظه لقى صاروخ معدى من جنبه وطبعا قربت عربيتى من عربيته علشان يحس بهوا الانوس صح
وفى لحظه الفرق بقى حوالى 100
قام منور الزينون تانى مش قادر يطلع منى ولا حتى يقرب -كل امكانيات عربيته الزينون--لحد اما
طلعنا من تانى نفق وهوة طاير ورايا ومش قادر يحصل الانوس
هوب دخلنا على المكان الى فيه بنزينه موبيل وزحمه هديت
لقيت جاى بسرعته وداخل وكان فيه عربيين نقل بيجروا بعض وبيقفلوا الشمال اخد غرزة من قدامى انا اصلا كنت نزلت لسرعه 70 وزنق نفسه زنقه موت والحمد لله طلع من النقل وطار
رجعت لسرعتى 100-120
شربت كبايه نسكافيه علشان انام
للاسف مكنش عندى زينون علشان ارد بيه على الى عمله فيا بس كان عندى عربيه جرايه ردت بدالى

**Sehsss** · 01-03-2013 01:51 PM

حد يجري بلانوس مع أوكتافيا، مستواك نزل خالص يا أحمد هههههههه

**EngAhmedSayed** · 01-03-2013 02:27 PM

مش عارف هى الانوس بتشد مع الاوكتافيا
مش غريبه دى شويه
ربك المستعان

**lanos2004** · 01-03-2013 02:35 PM

المشاركة الأصلية كتبت بواسطة Batman372

نصيحه الى lanos 2004 :)
لازم تقول فى كل مداخلاتك بتاعه الشد انك مغير الموتور و هو غير موتور الانوس الستوك ال 84 حصان ... تحياتى ...

مكتوب فى بياناتى --1500---16v
العربيه 1500 سى سى فقط لكن 16 صباب فرق 8 صباب عن اى لانوس اخرى
109 حصان 140 نيوتن

**ahmedfarou2** · 01-03-2013 03:08 PM

لانوس باشا انا اول مره اعلق علي كلامك بس بجد نفسي اعرف انتا في كل تعليقاتك في المنتدي في اي قسم لازم تعلق علي الاوكتافيا و تبين انك حاطيط عليها انا كنت مفكر في قسم اسكودا بس طلع هنا كمان هوا في حد زعللك باكتافيا للدرجادي و كتر كلامك عن القصص دي يدل علي الاههتمام بيها لدرجه الهوس علي فكره انتا لفت نظري بس انا لا بتاع شد ولا جري بس الحكايه و الروايه و 205 و 190 و انت بس مبتبقاش باصص في العداد عشان بتتفرج علي التروبيل و هوا بيجري ههههههههههه
تحياتي

**lanos2004** · 01-03-2013 03:27 PM

المشاركة الأصلية كتبت بواسطة ahmedfarou2

لانوس باشا انا اول مره اعلق علي كلامك بس بجد نفسي اعرف انتا في كل تعليقاتك في المنتدي في اي قسم لازم تعلق علي الاوكتافيا و تبين انك حاطيط عليها انا كنت مفكر في قسم اسكودا بس طلع هنا كمان هوا في حد زعللك باكتافيا للدرجادي و كتر كلامك عن القصص دي يدل علي الاههتمام بيها لدرجه الهوس علي فكره انتا لفت نظري بس انا لا بتاع شد ولا جري بس الحكايه و الروايه و 205 و 190 و انت بس مبتبقاش باصص في العداد عشان بتتفرج علي التروبيل و هوا بيجري ههههههههههه
تحياتي

طب تصدق انا بشرب كانز وبصور وانا ماشى 210
وبعدين قولى ليه الاوكتافيا بالذات
انا على طول على الصحراوى وكل اما الاقى عربيه عميانى بزينون تطلع اوكتافيا -تخيل
حتى على الزراعى برضه تلاقى عربيه اوكتافيا مفيمه وملزق نسور الغابه كلها على النمر والزجاج
ولازق فى ظهرى حالف يزقنى من قدامه--والحمد لله الانوس بتعرفه يعنى ايه عربيه بتجرى
على فكرة بس عندنا اوكتافيا 2000 سى سى طبعا ماتور متغير
وتصدق والله كان عندى اسكودا فليشيا 97 قعدت معايا سنه
واهم حاجه بقه ان فيه ناس بتنشر فكرة ان الاوكتافيا بتجرى وده خيال ومعلومات مضلله قولى سيفك بتجرى اقولك طبعا هيونداى بتجرى اقول ايوة انما اوكتافيا بتجرى جديدة دى

**khalid_adel** · 01-03-2013 03:36 PM

ايه حكايه الراجل ده
علي فكره لسه كنت بحكي لاصحابي عالفيس ان في اوكتافيا اي5 وكان بيجري في دائري وصله دريم معايا وعلمت عليه برضه بس المره دي في الملفات وبالاصح اخر ملفين قبل دريم :) وكان عنده زينون برضه :) بس مكنش بيفرق معايا عشان الملف وانا بسافر منه فيه