الموضوع: الاوكتافيا والزينون والطريق الدائرى

المشاركة الأصلية كتبت بواسطة lanos2004

كنت راجع من المعادى دائرى -ليله امس-وماشى زى بقيه الناس 100-120---ومافيش نيه انى اجرى ولا كنت مستعجل
وطبعا فيه ازمه سولار وعند كل بنزينه على الدائرى بتلاقى الطريق قفل ويدوبك عربيه ونص تعدى من على الشمال
دخلت فى منطقه فيها بنزينه والطريق قفل فمسكت شمال ونزلت بالسرعه 50
لقيت نور زينون عمال يقلب وهيعمينى وانا اصلا بكرة الاضواء المبهرة
طلعت اديا وبشاور --بعبر ان الطريق زحمه ويطفى الزنون اتعميت خلاص
طبعا مافيش -برضه مصر يعمينى ازاى لانوس تعترض طريق اوكتافيا
قلبت المرايا علشا ن اعرف امشى
لحد اما طلعت من الزحمه جيت افتح له الشمال لقيته مصر يعدى من على اليمين
وقام جاى قدامى --طب عادى ماليش فيه -ادانى اشاره--صحى العفاريت الى جوايا--قلت قشطه لقيت حد هيسلينى
المهم دوست بنزين و نطيت من قدامه -حته كدة اخوفه بيها -وهديت وخليت سرعه العربيه تبقه ماشيه معاه اما اشوف اخرة ايه
كويس لقيته وصل 180 تقريبا وكنا داخلين على اول نفق---الحمد لله عربيتى بتطلع من النفق 205 تقريبا
طلعته قدامى واديته فرق-علشات يحس انه عدانى
وفى لحظه لقى صاروخ معدى من جنبه وطبعا قربت عربيتى من عربيته علشان يحس بهوا الانوس صح
وفى لحظه الفرق بقى حوالى 100
قام منور الزينون تانى مش قادر يطلع منى ولا حتى يقرب -كل امكانيات عربيته الزينون--لحد اما
طلعنا من تانى نفق وهوة طاير ورايا ومش قادر يحصل الانوس
هوب دخلنا على المكان الى فيه بنزينه موبيل وزحمه هديت
لقيت جاى بسرعته وداخل وكان فيه عربيين نقل بيجروا بعض وبيقفلوا الشمال اخد غرزة من قدامى انا اصلا كنت نزلت لسرعه 70 وزنق نفسه زنقه موت والحمد لله طلع من النقل وطار
رجعت لسرعتى 100-120
شربت كبايه نسكافيه علشان انام
للاسف مكنش عندى زينون علشان ارد بيه على الى عمله فيا بس كان عندى عربيه جرايه ردت بدالى

معالى الباشا انا كنت هاشترى بيجة 508 بس قلى لو عربيتك تكلها مش هاشتريها بصراحه فهى ولا عربيتك

المشاركة الأصلية كتبت بواسطة lanos2004

اولا هوة كان مشغل الزينون العالى والحمد لله عندنا باسات 1600 بزينون وباساتtsiبزينون ومرسيدس e300 وبزينون
والزينون فيه نور عالى وواطى وكمان النور بيتحرك مع لف الدركسيون تخيل
سيدى العزيز لما ادخل على منطقه عربيات واقفه ويدوبك حته تعدى عربيه وجنبها توك توك عاوزنى امشى على كام علشان الى ورايا مستعجل 120 واموت نفسى ليه مجنون انا-كل طريق وليه ظروفه-واحب اقولك مافيش حد راكب بى ام ولا مرسيدس موديلات حديثه بيستعمل الزينون من غير داعى
فيه فرق انك تستعمله علشان تشوف وفيه فرق انك تستعمله علشان تضايق الى قدامك
وبعدين لو هوة غاوى جرى يروح يشترى عربيه تيربو ولا 2000 سى سى مش عربيه 1600 ماتور احادى الكامه عقيم بقاله عشر سنين بيتصنع كل التطور الى فيه غطا الماتور والفتيس
الى مستعجل يشترى جيتا تيربو باسات تيربو لينا تيربو مش اوكتافيا 105 حصان---هوة لسه فى حاجه اسمها 105 حصان دى بتطلع من ماتور 600 سى سى مش 1600

ايوااااااااا
اديك قلتها
هو كان مشغل العالي
و العالي سواء زنون او هالوجين يبقي مزعج و هو ده اللي عايز اوضحه
الزنون العادي او الواطي مفيهوش مشاكل و اللي بيشتكي منه يبقي بيدلع

و يا زعيم انا معرفتي بالزنون من 2002 و كان و ما زال عندنا اكتر من عربية نازله بيه
و علي فكره دلوقتي مفيش زنون بينزل في العالي
دلوقتي العال بيكون يا اما هالوجين عادي
يا اما العدسه نفسها ببتحرك عشان تنور ابعد و ده اللي بيسموه bi-xenon

و يا باشا مش بقولك موت نفسك
انا بقولك راعي ظروف الناس خصوصا انك بتقول انك كنت علي الشمال
و اقل حاجه كان ممكن تعملها انك تديه اشاره يمين توضح له انك هتوسع اول ما الطريق يفتح

اما بقي اصحاب البي ام و المرسيدس اللي مش بيستخدموا الزنون فدول انا مش بشوفهم
و اللي يمشي فيهم من غير نور يبقي ما بيعرفش يسوق او نظره infrared بقي و بيشوف في الظلمه
و زي ما بقولك الزنون مش بيضايق
العاااالي هو اللي بيضايق

و يا باشا طالما انت عارف ان الاوكتافيا هفا قوي كده
بتحطه في دماغك ليه
ده سبب ادعي انك تسيبه يغور و تتفرج عليه و هو بيعافر عشان يمشي و مش عارف

و يا باشا في بلدنا دي اللي غاوي جري بيجيب فيرنا
او لانوس 16v هههههه
مش تقولي 2000 سي سي و تيربو

فالخلاصه اللي عايز اوضحها
الزنون الاصلي و اللي علي عدسات مش بيضايق
و استخدام العااااالي بدون داعي هو الغلط