الموضوع: ما هو تقيمك لثبات سيارتك الاوبل

المشاركة الأصلية كتبت بواسطة buddha

الفديو !!!!!!!!!!!!!!!!!
مش عارف اقول اية بصراحة


انا عندى كاوتش سبيد
ممكن يكون بردة السبب فى عدم الثبات على الرمال..... عشان كل كاوتش ولية طبعة معينة مظبوط عليها

اولا الاوبل عربيه مغناطيس على الارض
ثانيا لو عندك كاوتش نقشه الشجرة -دور فى كل صور حوادث السيارت وخاصه المقلوبه هتلاقى النقشه دى
ثالثا انا كان عندى سيفك 96 وعامت بيا ونزلت بيها فى ترعه طريق المنصورة والحمد لله انى لسه عايش
الموقف ملف شويه تراب فقدت السيطرة يمين شمال معرفتش المها ونزلت اشرب من البحر

صعب اوي انها متبقاش ثابته انا معايا استرا 2004 العربيه كانت مع ابن خالتي وهو مؤزي بأمانه تصرفاتو كلها غلط خد مني

العربيه مشوار سافر بيها القاهره نفخ العجل علي خمسين ومش مهم العربيه او الناس عادي مش في دماغو المهم بعد

ما جابها انا روحت بيها دمياط وجيت من طريق جمصه الدولي والي يعرف الطريق دا في الفتره دي يعرف ان النقل مبهدلو

والطريق اغلبو مدغدغ قسما بالله راجع عليه 150 والعجل كان منفوخ علي خمسين وباخد غرز والطريق دا حرتين بس

يعني مش واسع والعربيه مكلبشه في الارض بعد ما جيت بكام يوم بشوف ضغط العجل لقني كنت حاسس العربيه

ناشفه في المطبات لقيتها خمسين كل الفرد كلها

وابن خالي معاه الاسترا القديمه كان ماشي علي كوبري فاصل من فواصلو طالع منو حديده دخلت في الكوتش فرقع

العربيه ولا عملت اي حاجه ماشيه تمام لحد ما وقفت العجله قدام مش ورا

وفي الفيديو العربيه الي السيفك خبطت فيها دي الي هي متحركتش من مكانها دي تقريبا شيفروليه كروز الشيفروليه كروز هي شاسيه الاوبل انسنيا

المشكله مش في الاوبل صدقني ممكن انت متعرفش العربيه انا بتعمد اخنق اي حد بشد معاه في الملفات لانو بيهدي وانا باخد غرز في الملفات

وعايز اقولك علي معلومه تانيه الاوبل من العربيات القليله اوي الي هتلقيها عاليه عن الارض وثابته في نفس الوقت علي عكس الفولكس بتبقي واطيه انا نادرا ما بعرض علي مطب

العربيات الاوبل عالية عن الارض و ثابته لانها لما بتجرى تحس انها بتفرش فى الارض عكس الهوندا الى فارشة على الارض سواء بتجرى او واقفة

معلش.....لو عايز تقارن بين الهوندا و الاوبل فيكترا ، هات الاثنين زيرو و جربهم غير كده يبقى مقارنة غير حقيقية. و لا تقولى مظبط عفشة الاوبل و لا تقوللى حالة الهوندا تعبانة. معلش مع احترامى الهوندا عربية محترمة و لكن تجربتك فى هذه العربية الفيكتر بحالته ديه مع عربيتك التانيه تجربة شخصية ليها عوامل مؤثره لكن فى المطلق مفيش مقارنة بين الالمانى فى الثبات بأى حاجة تانيه.