الموضوع: ما هو تقيمك لثبات سيارتك الاوبل

المشاركة الأصلية كتبت بواسطة buddha

بصراحة انا انهاردة زعلان بطريقة لاتوصف
انا سواقتى 90% منها كانت سيارات يابانى
اوحش ثبات كان لصالح نيسان صنى يعنى بعد 120 يبقى توتال لووز لو حبت تهور صغيرة
متسوبيشى لانسر ثبات جميل جدا جدا حتى عند 160
هوندا سيفيك ثبات خرافى خزعبلاوى وقوة مفرطة

طبعا الناس اصحاب السيارات الاوروبى وخصيصا الالمانى بتقلل جدا من الاداء بتاع العربيات السالف >كرها
وعلى ما اظن بدون تجربة
يعنى لازم فى الاصل اكون كنت ممتلك لاحدى ه>ة السيارات عشان احكم مش مجرد انها بتاعة واحد صاحبى وانا سوقتها مرة او اثنين

اخر عربية سوقتها كانت هوندا 93 si وزهقت من مشاكل اعطال الكمبيوتر بتاعها وكانت العربية سليمة جدا بودى وميكانيكا بس كهربتها عقدتنى فبيعتها وهى عطلانة و كنت سنة وهعيط وانا بابيعها
كنت واثق فيها بصورة تخلينى اسوقها وانا نايم

بعد البيع ...... ناس رشحتلى اوبل مع انى سامع كلام كثير مش كويس
بس اطلعت كتير فى النت وكان كل واحد يقول تمام وكمان بالاخص فى نايل موتورز


سائلت الناس الاول يا جدعان مش عايز احس بفارق فى الركوبة ... رشحولى فيكترا 2000 سى سى
قالو اداء محرك وثبات

الكلام كدة ثقة!!!!!!!!!!!!!!!!!!!!!
ربنا رزقنى بعربية سليمة وبتاعة واحد كبير فى السن يعتبر العربية اصلا شبة مرفوعة


انهاردة بقة شغلت السبور دريف وكنت اول مرة اعرف انة فيها حاجة زى كدة
المهم عند 160 كدة ويمكن اقل سنة 150 طريق يشبة مدرج الطائرات بس فى اخرة تراب على الاسفلت

ماشى طلقة واول ما وصلت للرملة عينك ما تشوف الا النور كنت هبقى فى عداد الموتى بس ربنا ستر
انا سايق كدة من كلام الناس على ثبات الالمانى

جنحت جامد وكنت هلبس فى خرصانة باجنب بس لحقت نفسى وشديت هند وقرصت بنزين فا بعدت عن الخطر طبعا بفارق سنتيمترات





نفس الحركة حصلت وانا معايا هوندا قسما بالله 160 : 170 ولا كلمة يدوبك هزة صغيرة وهى لمت نفسها



على العلم الاوبل ال معايا فيها جنوط هاى زبيد وعفشة رياضية بالكامل خلفى وامامى!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
علل

فين مدرج الطيران ده ؟

العربيه اللي معاك كانت اه بالظبط ؟

انا كنت بجري زمان بس كبرت الحمد لله


يا عم انا بغيظ الناس في الملفات الشديده كله يدوس فرامل وانا ادوس بنزين !

اصل انت جاي تتكلم في حاجه ! ثبات الاوبل ! طيب اتكلم في اي عيوب تاني انا معاك فيها

متابع ومستغرب بجد !!

انا بالاسترا اكلت الفاصل الى على محور التعمير الى قبل مدخل الكيلو 21 و كنت ماشى 130 و اقسم بالله العربية طارت عن الارض خالص و نزلت فى خط مستقيم و كملت عادى جدا

حضرتك انا كان معايا فيكترا ايه من 2004 واخدها من والدى اللى كان شاريها كسر زيرو سنة 98 وبعتها من شهرين .. العربيه دى شافت معايا كتيير اوى .. اخر حاجه تتكلم عنها الثبات


كنت على الاوتوستراد انا واخويا وانا اللى سايق 160 وكنت بعدى عرييه تويوتا النص نقل دى وكنت بعمل غرزه وهو كان ورايا من اليمين وكبس مره واحده واكصدامو جه فى الرفرف اللى ورا عندى .. اقسم بالله لولا ستر ربنا اولا وثبات العربيه دى ثانيا كنت اتشقلبت بالعربيه مش اقل من 10 مرات

واخر موقف ليها معايا كنت راجع على الكريمات الساعه 3 الفجر وماشى ع الاستين 190 والكاوتش لأول مره فى حياتى يفرقع .. اقسم بالله العربيه فضلت ماشيه زى السهم ماجنحتش ولا اى حاجه لحد ما السرعه جات على 100 ورحت كااابس فرامل ووقفت عادى زى الفل

بص .. العربيه دى ناقصها abs يعنى وانتا ماشى بيها افتكر انك راكب عربيه قديمه بفرامل عاديه لكن من ناحيه الثبات حرااام تتكلم عليها كده وربنا يسترها عليك وان شاء الله بالوفت مش هتندم انك جبت العربيه دى

ياراجل دي الاوبل ملكة الثبات بعد البي ام دابليو .. خصوصا الفيكترا

يمكن الناس مجربتش هوندا ولا لانسر

بس فعلا يا جماعة دة حصل حت كان راكب واحد صاحبى جانبى وقالى من الاول انا حاسس انها مش ثابتة فى السرعات
ودة مش بيفهم فى العربيات اصلا

من البداية لما شوفت نظام التعليق بتاع الاوبل لقيت ان الميزان مثبت على المساعد قولت دة تصميم يقلل ثبات مش ي>ودة
بخبرة تعديل وسواقة ما يفوق 10 انواع سيارات مختلفة

انا متابع معاكم ...... بس اليقول حاجة لازم يكون من نوع الناس ال سواقتها عنيفة وسرعات عالية واتعرض لما يشابة الموضوع عشان يكون الكلام عن تجربة
يعنى مينفعش واحد بيسوق اخرة 100 ولا 120 ويقول ثبات
وكمان يكم عليها فى الجرى على الرمال والمطر بسرعات ايضا

رائيكم يهمنى كثيرا...................... يتبع