ملاك الـ Mini Fabia....ما هو تقيمك للسيارة؟

**Busquets** · 30-12-2008 01:04 AM

حبيت اعمل الموضوع دا مع انى عارف انى مش هلاقى تجاوب كبير لان الفابيا المينى مش منتشرة مع انها عربية قوية جدا

حبيت اعرف اراء اللى جربها و اللى معاه و اللى مع واحد صاحبه

خاصة الـ 1400, و خصوصا بعد نزول تمنها الى 88900, و دا خلاها تنافس عربيات كتير فى نفس الفئة.

ما يميز الفابيا عن بقية السيارات فى مصر ان امكانياتها الداخلية لا تختلف فى اى من فئاتها! و دا افضل شئ فيها ان الامكانيات ثابته مش زى معظم العربيات اللى فى مصر بيتشال الكاسيت مثلاً و يتركبلك بلاستكه شكلها حقير مكان الكاسيت, حتى العدادات ثابته بـ الشاشة اللى فيه لقياس الرحلات و استهلاك البنزين

على فكرة الفابيا الـ 1400 هى هى الابيزا الشيب الجديد 1400 يعنى نفس الموتور و نفس كل شئ مع اختلاف الشكل الداخلى لصالح الابيزا, بس الامكانيات واحده كموتور فى السيارتين.

ما علينا العربية امكانياتها حلوة جدا, احلى حاجة فيها التكيف اللى بيخلى العربية نص ساقع و نص سخن لو حبيت, عاجبنى اوى :), ياريت لو فى حد يعرف عنها حاجة ما يبخلش علينا

**Busquets** · 30-12-2008 09:03 PM

ايه يا جدعان ماحدش شاف العربية دى قبل كدا ولا ايه :)

**crazylambada** · 30-12-2008 10:21 PM

العربية تحفة خصوصابعد ما حطوها في السعر المظبوط بتاعها
يكفي انك بتشتري عربية مطمن عليها
بس نصيحةمنياستنى شويا
متخفش منكلمةلفترة محدودة دي للتهويش بس
اصبر لحد معرض فورميلا الاهرام
لان كل حاجة حتبان ساعتها
و متخفشالعربيةمش حتغلى
في جميعالاحوال حترخص

**Busquets** · 30-12-2008 10:23 PM

كدا كدا اللون اللى انا عايزه مش عندهم و هيجيى بعد شهر من الحجز

يعنى لازم استنى

شكرا ليك

**crazylambada** · 30-12-2008 10:26 PM

كل ده كلام و حركات
مش حيبقىاكتر من لما قالوا على اسعار 2008 ومحدشاشترى كانوا منزلين5الاف وقالوا للدفعة الاولى فقط
و بعد كده السعر فضل متثبت بس مشالوش كلمة للدفعة الاولىفقطفيالاعلانات
رغمبقى ان اول دفعة كانتدفتين اصلا بينهم اسبوعواحد بس

**Busquets** · 30-12-2008 10:40 PM

انا العربية عجبانى لانها المانى اولا و ثانيا فيها امكانيات حلوة اوى و اكتر من سعرها كمان

موتورها حلو على جسمها و ستابل زى ما قريت فى احد الموضيع هنا

بس بردو الواحد عايز يشوف اراء الناس فيها و خاصة بعد سعرها الجديد اللى انا شايف انو لقطة

**KHALED AYMAN** · 31-12-2008 01:09 AM

فعلا انا احترمت العربيه اوى بعد مسعرها نزل و كمان انا شايف انها اوكتافيا على صغير و دى ميزه مش عيب

**Busquets** · 31-12-2008 01:22 AM

venus-doom
عضو برونزي

اه وش هو حد طايل اوكتافيا بـ 89 زيرو :)

بس دى على صغير اوى اوى موتورها 1400

بس فولكس فاجن يعنى تمام التمام

صحيح انت معاك اوكتافيا

استحمل الكم سؤال دول!

توكيلها نضيف؟؟ و ليه مكان تانى غير غمره؟ اصل فى واحد قال لى ان فيه توكيل فى التجمع بس مش متأكد منو فعايز اتأكد؟

شكرا ليك مقدما

**KHALED AYMAN** · 31-12-2008 02:22 AM

المشاركة الأصلية كتبت بواسطة Busquets

venus-doom

عضو برونزي

اه وش هو حد طايل اوكتافيا بـ 89 زيرو :)

بس دى على صغير اوى اوى موتورها 1400

بس فولكس فاجن يعنى تمام التمام

صحيح انت معاك اوكتافيا

استحمل الكم سؤال دول!

توكيلها نضيف؟؟ و ليه مكان تانى غير غمره؟ اصل فى واحد قال لى ان فيه توكيل فى التجمع بس مش متأكد منو فعايز اتأكد؟

شكرا ليك مقدما

يا باشا انت تؤمر و انا انفذ .بالنسبه للتوكيل اعتقدا ان الى فى التجمع الخامس ده اسمه وهدان و ده كان شغال فى العربيات الخليجى و بعد كده بقى معتمد من ارتوك (بس مش متاكد من العنوان ان كان هو ولا لا )الى متاكد منه ان فى فرع فى اسكندريه على الصحراوى اسمه نور الدين شريف .
التوكيل نضيف الى حد ما يعنى شغله كويس بس مش ممتاز .
الفابيا فى منها 1600 على فكره و دى هيكون جبار عليها

**crazylambada** · 31-12-2008 02:24 AM

على فكرةموتور الفابيا اقوىمنالوكتافيالانه105
ومكتوب انالفابيابتجيب ال100في 10ثواني بس
طبعا جامد لان الاوكتافيا بتجيبهم 12.5

الموضوع: ملاك الـ Mini Fabia....ما هو تقيمك للسيارة؟

LinkBack

أدوات الموضوع

عرض

-

-

-

-

-

المواضيع المتشابهه

هام لمالكي السيارة f3 : ما هو تقيمك الفعلي للسيارة من خلال استخدامك

هام لوحوش اللوجان : ما هو تقيمك الفعلي للسيارة من خلال استخدامك

''HELP" buy new mini fabia

New Fabia mini

Skoda Fabia Mini

الكلمات الدلالية لهذا الموضوع

المفضلات

المفضلات

ضوابط المشاركة