الكلام ده منطقى جدا،و كمان قبل ما يلزموا المواطنين بتطبيق قانون زى ده لازم يكون فيه شوارع محترمة نمشى فيها، مش نكون مخنوقين من الزحمة و الطرق الغير ممهدة بالمرة و يقولولنا التزموا بالقوانين.
انا هقول مثال حى، معلش ممكن يكون تطويل منى او مالوش علاقة مباشرة بالموضوع، بس بجد الموضوع ده مضايقنى جدا:
يعنى مثلا الطريق اللى انا بسافر عليه كل يوم (من امبابة - الوراق- الجلاتمة - المناشى - نكلا - ... - وردان) الطريق ده فيه حفر بقالو سنتين قال ايه بيدخلوا صرف صحى، تخيلوا حوالى 40% على الاقل من الطريق سدين حارة و شغالين على حارة واحدة بس و ياريتها سليمة هيا كمان مكسرة. يعنى حاجة زى دى ليه يحفروا الطريق كله مرة واحدة المفروض مثلا يحفروا 100 متر و لما يخلصوا يحفروا اللى بعدهم و هكذا زى ما هو حاصل فى السعودية، عمرهم ما يبوظوا طريق كامل و يقعدوا فيه سنتين و لسة قدامه سنتين تانيين او اكتر علشان يتصلح، و لكم ان تتخيلوا الزحمة و القفلات اللى بتحصل، احنا فى مرة الطريق فضل واقف ساااااعة كاملة مش بنتحرك و مفيش حاجة اسمها مرور يفك الازمة، الناس اللى فى العربيات هما اللى بينزلوا من عربياتهم و يسلكوا الطريق .
انا اسفة لو طولت عليكم .
المفضلات