بخصوص موضوع بتوع الكاوتش اللي في شارع السودان لي اتنين صحابي حصل معاهم موضوع الكاوتش ده مرتين منفصلين في شارع السودان واحد اتاخد منه ١٢٠ و التاني ١٠٠ جنيه
بيكون في كذا واحد بيختاروا العربيات اللي يكون فيها سيدات سواء وحدهم او مع جوزها و يقولولك الفردة نايمة اول ما تقف تلاقي يظهرلك بتاع الكاوتش اللي وشه كله خياطة هو و واحد نفس سحنة امه و هاتك يا خوابير و انت زي الشاطر حتدفع قدام الخلق دي عشان الناس اللي معاك و عشان تخلع بنفسك من الكمين ده .
بس فخدوا بالكم يا جماعة و متقفوش لأي حد يقولكم فرده نايمة طالما انت مش حاسس ان فيه حاجة غلط فكمل طريقك لغاية اي مكان بعيد عن العالم دول و ربنا يسترها معانا جميعا