إلى أي حد بيفكر يشتري حيوان أليف..

**nouranwar** · 06-03-2013 07:01 AM

موضوعك جه في وقته علشان بدور علي كلب :)

**Abo Yasso** · 06-03-2013 09:33 AM

قلبت عليا المواجع

**bobbozo4b** · 06-03-2013 11:16 AM

كلام تمام تمام
والحمد لله انا بعمل كده فى السمك اللى عندى
لدرجة انى لما اسافر بخلى والدى هو اللى يطلع ياكله ويطمن عليه

**ALMAGICO** · 06-03-2013 12:18 PM

موضوع جميل جدا
انا فاكر فى مرة كنت بشترى جرو فروحت لواحد كان عندة جراوى وكان موجود الاب والام وكل الجراوى وانا اخترت واحد من بين دة كلة المهم روحت تانى يوم عشان اخود الجرو فبشيلة لقيت الراجل قام واخد الجرو منى وقام قايلى جملة انا استغربت منها اوى قالى بص انت الوقت اخذت الجرو من بين باباة ومامتة واخواتة لو مش هتقدر تكون انت بالنسبة لية دول كلهم متاخدوش وعشان كدة دايما اقول لاى حد بيربى كلاب ان الدنيا بتاعة الكلب كلها هى الانسان اللى بيربية مالوش حد غيرة وصدقنى لو عايز تحكم على اى حد شوفة بيتعامل مع الحيوانات ازاى سواء بقسوة او بحنية

**ABO MALEK** · 06-03-2013 02:04 PM

انا عايز اشترى كلب محترم للحراسة وفى نفس الوقت انا بخاف منهم (لو عايز اتجرأعليهم اعمل إيه)ياليت الإجابة تكون عن تجربة___من حد كان خواف؟

**ALMAGICO** · 06-03-2013 03:37 PM

المشاركة الأصلية كتبت بواسطة abo malek

انا عايز اشترى كلب محترم للحراسة وفى نفس الوقت انا بخاف منهم (لو عايز اتجرأعليهم اعمل إيه)ياليت الإجابة تكون عن تجربة___من حد كان خواف؟

شوف حضرتك انا فى الاول خالص اول كلب جبتة مش هقولك حالة الرعب اللى انا كنت فيها يس تعالى حضرتك نشوف احنا لية بنخاف اصلا من الكلاب عامة
نتكلم عن كلاب الشوارع لية بنخاف منهم عشان العضة بتاعتهم والحقن والميكروبات والعضة ممكن تتلوث وانت مش ضامن هو بياكل اية من الشارع كل دى عوامل كاقيلة ترعب اى حد من الكلاب
طب انا الوقت اشتريت كلب واول مشتريتة روحت طعمتة وكشفت علية وكلة تمام وباكلة اكل نضيف جزء كبير جدا من الخوف لازم هيروح
اول كلب كان معايا لما كنت بطلعلة السطوح كنت بحاول مبينش اى حاجة من جسمى ولا صباع يكون باين عشان خايف اتعض كنت بلبس جوانتى وبلبس كوتشى وكذا شراب وممكن بنطلونين عشان لو عضنى البنطلونين يقللوا من قوة العضة وفى عز الحر كنت ببقى لابس كم ممكن البس جاكت كمان كنت شبة الفرقة 777 وانا طلعلة وكنت برسم بقى لو عضنى اول حاجة هعملها اية وطريقة للنزول هتبقى ازاى كانت مشكلة كبيرة وكنت بخاف موت افتح باب البيت بتاعة بس مع الوقت لاقيت ان انا خوفى مبالع فية وبدأت احلل الوضع مع نفسى واقول حتى لو انا اتعضيت مش هتبقى مشكلة لانى مطعمة وبكشف علية بصفة دورية وبدا خوفى يقل مع الوقت وعلى فكرة هييجى على حضرتك وقت ممكن تلاقية بيعضك بس عض خفيف ولما روحت للدكتور قالى بص لو كلبك لاقيتة بيعضك دة حل من اتنين يا اما بيسنن وهتفضل كدة الغيط ميتم ال5 شهور او انت مقصر فى حقة ومش بتلعب معاة وهو بيلفت نظرك لية بيقولك انا اهو العب معايا
اهم حاجة حضرتك انك متخليش الكلب يحس انك خايف واهم حاجة ان يكون ليك شخصية ادام كلبك لان لو شخصيتك ضعيفة ادام كلبك الكلب اللى هيقودك ومش هينفذلك امر وهتتعب معاة
واى استفسار انا تحت امر حضرتك
والله اعلى واعلم فيما قلت

**ABO MALEK** · 06-03-2013 04:19 PM

المشاركة الأصلية كتبت بواسطة almagico

شوف حضرتك انا فى الاول خالص اول كلب جبتة مش هقولك حالة الرعب اللى انا كنت فيها يس تعالى حضرتك نشوف احنا لية بنخاف اصلا من الكلاب عامة
نتكلم عن كلاب الشوارع لية بنخاف منهم عشان العضة بتاعتهم والحقن والميكروبات والعضة ممكن تتلوث وانت مش ضامن هو بياكل اية من الشارع كل دى عوامل كاقيلة ترعب اى حد من الكلاب
طب انا الوقت اشتريت كلب واول مشتريتة روحت طعمتة وكشفت علية وكلة تمام وباكلة اكل نضيف جزء كبير جدا من الخوف لازم هيروح
اول كلب كان معايا لما كنت بطلعلة السطوح كنت بحاول مبينش اى حاجة من جسمى ولا صباع يكون باين عشان خايف اتعض كنت بلبس جوانتى وبلبس كوتشى وكذا شراب وممكن بنطلونين عشان لو عضنى البنطلونين يقللوا من قوة العضة وفى عز الحر كنت ببقى لابس كم ممكن البس جاكت كمان كنت شبة الفرقة 777 وانا طلعلة وكنت برسم بقى لو عضنى اول حاجة هعملها اية وطريقة للنزول هتبقى ازاى كانت مشكلة كبيرة وكنت بخاف موت افتح باب البيت بتاعة بس مع الوقت لاقيت ان انا خوفى مبالع فية وبدأت احلل الوضع مع نفسى واقول حتى لو انا اتعضيت مش هتبقى مشكلة لانى مطعمة وبكشف علية بصفة دورية وبدا خوفى يقل مع الوقت وعلى فكرة هييجى على حضرتك وقت ممكن تلاقية بيعضك بس عض خفيف ولما روحت للدكتور قالى بص لو كلبك لاقيتة بيعضك دة حل من اتنين يا اما بيسنن وهتفضل كدة الغيط ميتم ال5 شهور او انت مقصر فى حقة ومش بتلعب معاة وهو بيلفت نظرك لية بيقولك انا اهو العب معايا
اهم حاجة حضرتك انك متخليش الكلب يحس انك خايف واهم حاجة ان يكون ليك شخصية ادام كلبك لان لو شخصيتك ضعيفة ادام كلبك الكلب اللى هيقودك ومش هينفذلك امر وهتتعب معاة
واى استفسار انا تحت امر حضرتك
والله اعلى واعلم فيما قلت

كلام جميل وممكن نجرب......تنصحنى بإيه وبكام؟؟؟

**ALMAGICO** · 06-03-2013 05:40 PM

شوف حضرتك انصحك باية يبقى جيرمن شيبرد لانة اسهل كلب ممكن يتربى واى حد مبتدىء انا بنصحة بية
لان الانواع التانية زى الروت والبيتبول وما الى ذلك محتاجة خبرة شوية
بكام دى حضرتك اللى تحددها وتقولى احتياجك منة اية يعنى ناوى تاخدها كتجارة ولا تربية مش اكتر وعامة حضرتك تحدد ميزانية معينة
نيجى للجزء الاهم بنصح حضرتك تقرأ كتير عن تربية الكلاب ولو فى اى سؤال انا تحت امر حضرتك لان حضرتك هتربى روح ومسؤلية كبيرة جدا ولازم اى حد بيربى يكون اد المسئولية دى وصدقنى تربية الكلاب متعة كبيرة هى اة متعبة شوية فى الاول عشان الجرو بيبقى معندوش ادراك كافى بس لما تدربة وتربية وتلاقية ادامك كدة بسم الله ماشاء الله وحش هتحس انك عملت حاجة
واى استفسار انا تحت امر حضرتك
والله اعلى واعلم فيما قلت

**dede_dodo88** · 06-03-2013 07:28 PM

نفسي أجيب كلب بس مش قادر أعمل كده عشان مظلموش معايا لأن مش هيكون عندي الوقت الكافي لمتابعته :(

**tutankhamoun** · 06-03-2013 07:35 PM

يا فندم كلامك جميل بس للآسف ناس كتيرة في مصر بتربي الحيوانات (كنوع من أنواع الزينة ) و بشوف المعاملة السيئة اللي الحيوانات بتتعامل بها في مصر (ثقافة زفت الزفت و مفيش حنان خالص و لا أنسانية)

أنا تعبت كلام مع جيراني بسبب الموضوع ده و لكن الناس مخها تعبان و كل واحد عامل أبو العريف و اللي جايب الحيوان زينة أو تقليد !! ربنا يهدينا

الموضوع: إلى أي حد بيفكر يشتري حيوان أليف..

LinkBack

أدوات الموضوع

عرض

-

-

-

-

المواضيع المتشابهه

كفارة قتل حيوان او التسبب له فى عاهة

الجمل حيوان اليف يعيش في الصحراء

لكل اللي بيفكر يشتري كيا..بعض العيوب المتكررة واسبابها واصلاحها

حرامى حيوان سرق وش الكاسيت

حيوان اقوى من الجن

الكلمات الدلالية لهذا الموضوع

المفضلات

المفضلات

ضوابط المشاركة