الموضوع: محتاج ميجان موديل 2007 او اعلى

المشاركة الأصلية كتبت بواسطة mohammedaladel

اللى على كونتاكت أغلبه عربيات تجار للأسف ووبتبقى حالتها مش كويسة وملعوب فيها كتير
وهتلاقى أسعار غريبة جدا
بس فيه ملاك برضه بتعرض
حالة العربية هى اللى تحدد سعرها طبعا ميجان 2 متقلش عن 58 ألف لو مانيوال وبحالة كويسة ومعاك لحد 90 و 95 ألف للموديلات الحديثة وممكن تزيد كمان حسب الحالة والكيلو متر اللى ماشياه

يعنى فيه أيه تانى أكتر من انك تركب عربية محترمة جدا ب 65 ألف :) ميحيبوش فيرنا زيرو فى الأيام السودا دى !!

فيه نقطتين بيميزوا ال 2005 وال 2006 الشكل القديم التابلوه اللى بينور أحمر
انك ممكن تفعل ال test mode بنفسك إنما التابلوه الجديد مينفعش للأسف
النقطة التانية مو ديلات 2005 كانت بتنزل بجنوط شكلها تحفة وأشيك بكتير من جنوط 2007
نقطة تاتلة
ان بكرة الكرنك فى موديلات 2005 كانت حديد بالكامل ومش بتتغير
انما بكرة الكرنك فى موديلات 2007 حديد مبطنة بكاوتشوك وبتتغير فى الصيانات الدورية لو عربيتك معدية ال 80 ألف كيلو ينصح تغييرها بوحدة بتاع ال 2005 حديد بالكامل حسب كلام أيمن مومو

طبعا انت لو عربيتك مفيهاش مثبت سرعة ممكن تركبه وكله plug and play
ممكن تركبلها أنذار برضه من غير لعب والباشمهندس هشام عملها
ممكن تغير الاكسدام للشكل الجديد بالفوانيس لو حابب
ممكن تغير التكييف من بكر لتاتش
بس كله بحسابه :)
يعنى الفروقات مش جوهرية برضه :)

بس يعني في ناس بتعرض عربياتها وبتبقي ناس محترمه وكده كده انا مش هشتري الا اما اكشف في التوكيل

65 الف دي اللي هي تجيبلي موديل 2006 ولا 2007 ؟
وانا شاكر جدا جدا ليك علي توضيح الفروقات البسيطة دي مع اني افضلل كل ما المدويل يكون اجدد يكون احسن .. بس موضوع الكاسيت هيبقي ايه النظام انا مش عاجبني الكاسيت بتاعها خالص واتعودت علي السوني اكسبلود ..كمان ايه نظام سماعتها ؟

مفيش اي طريقة اني اشغلها علي المالتي ؟؟ وهل هستغني عن الشاشة خالص ؟ ودرجة الحرارة والساعه ؟
وبالنسبة للصوت هي السماعات المفروض نوعها ايه ؟ وهل بجودة سماعات اللانسر ولا ؟

المشاركة الأصلية كتبت بواسطة mohammedaladel

كان فيه موديول بيركب بالفعل وبيتباع على النت يخليك تشغل ال hu الجديد مع المالتى فانكشن الباش مهندس هشام هو البرنس بتاعنا فى الحاجات الكهربية دى وهو أدرى بيها بس مفيش حاجة ملهاش حل :)
وفيه 2 اشتروا جهاز بيركب مكان وصلة ال cd changer من ورا الجهاز دا بيخليك تركب فلاشة او كارت ميمورى أو aux وتقلب من المالتى برضه بس الأستاذ أحمد عبد المقصود للأسف بيقول ان جودته أقل عشان كدا مينفعش معاك وانت عايز مزيكا نقاءها عالى ( ينفع مع ال tuner list و ال updatelist(
وفيه حاجة بسيطة برضه انك تعمل وصلة aux وتشغلها بس هنا بقى المالتى فانكش stop working :(
بس ال aux مينفعش غير ما الكاسيت ال update list ال tuner list لا
درجة الحرارة هتفضل شغالة فى كل الأحوال والساعة كمان
انا اشتريت عربيتى 2007 بس صرفت عليا شوية ولسة عايزة توضيب وتهذيب واصلاح
اشتريتها فيها حكة فى الباب اليمين الخلفى وحتة من العتبة والعفشة الأمامية حالتها نص نص مش بعافيتها يعنى من شوارع بلدنا
العربية تعبت معايا برضه واستحملت كتير
اول ما جبناها غيرت الكاوتش كله بكاوتش جديد وصيانة دورية

العربيةب كانت ماشية 105 ألف كيلو تقريبا انا كنت فاكرها أول يد بس صاحبها قال لى انها تانى يد صاحبها ال قديم مشى بيها 60 ألف كيلو الجديد مشى بيها الباقى فى سنة واحدة بس كلها سفر
العربية آخر مرة دخلت التوكيل 2010 على 54 ألف كيلو
ودلوقتى العربية عايزة شوية مصاريف حلوين عشان تبقى تمام لكن بجد كتر ألف خيرها
أول فئة أوتو واشترتها ب 65 ألف غير بقى السماسرة اللى كانوا هناك هههههه

طب متعرفش الاقي الموديول ده فين ؟ وايه وظيفته بالظبط ؟
اصل بصراحه موضوع السماعات ده يهمني جدا انا من النوع اللي يحب العربية تكون فيها ساوند سيستم قوي ولعلمك سماعات اللانسر الموديل الخليجي من اقوي السماعات وجرب اسمعها وتقريبا سوني اصلا

وبالنسبة للتوبيك قرييته وحلو جداااااا وفيه معلومات كتير بس مظنش هعمل ده كله لما اجي اشتري يعني الاهم اني اكشف في التوكيل مع اني مش فاهم ايه اللي هيقولوهولي في التوكيل ولا هيبقي كشف اي كلام وولا ايه الدنيا !!

وبعدين صحيح ملقتش موديل 2007 كتير في كونتاكت كارز كانو 3 عربيات باين بس كانو فوق ال 70 الف وانا اخري 66 او 67 في الحدود دي يعني