الموضوع: شيفوروليه افيو متعه القياده والراحه وقمه الشياكه (رأيى الشخصى)

المشاركة الأصلية كتبت بواسطة ruqi

علي فكرة انا كنت في المنصور امبارح واتاكدت ان الاوتوماتيك مصري ومافيش منها كوري

انت كنت فى انهى فرع انا كنت فى فرع جامعه الدول العربيه قالى كل الى موجود ده كورى وهم لسه حسبتدو يصنعو الاوتوماتيك فى مصر والتسليم بعد شهر رمضان اول دفعه

المشاركة الأصلية كتبت بواسطة ruqi

في اسكندرية

آعتقد كل الناس هنا ، والمواقع بتقول انها مصري ومافيش منها كوري حضرتك بتجادل في ايه ؟

يا باشا انت مزعل نفسك ليه انا بقول لسيادتك انا اتاكت من منصور نفسه الى فى القاهره ورقم التليفون عندك ممكن تتكلم وهم حياكدولك الكلام الى انا بقولوا وبعدين انا كل الجدال ده فى مصلحه هذا المنتدى الجميل لكى يعم الافاده على الجميع

المشاركة الأصلية كتبت بواسطة amr007

الف مبروووووك عليك العربية....
بالنسبة للكاسيت مفيش اى حل يشتغل سي دى كاسيت او تشغل mp3 ????

والله يا باشا الموضوع ده كان مضيقنى اوى اول ما اشتريت العربيه وسالتهم ان ممكن ادفع الفرق ويركبولى ال cd قالو لا ورحت عند واحد بتاع كاسيتات عندنا فى المنيل قالى انا ممكن اركبلك كاست cd مع الكاست الى موجود وحيحطه فى الحنب بس شكله حيبقى وحش اوى اوى اوى فرحت عند راديو شاك اشتريت mp3 car كان ب 99 جنيه بالضمان بيتوصل بالراديو ومعاه ريموت وبيركبلو فلاش ميمورى وجى معاه كارت ريدر اهه اى حاجه تمشى

انا استلمت عربيتي 28/6/2007 يعني بقالها معايا سنة و شهرين .. عاملة 15000 كم
1- العربة عالية عن الارض المطبات ملهاش اي تاثير ( ثبات العربية معقول جدا و لدرجة اني عملت تجربة انا و صديق ليا و هو اللي كان سايق عشان هو بيسوق احسن مني و خدنا الدائري من الهرم لنزلة مدينة نصر منزلتش السرعة عن 160 و شوية غرز حلوة ... و تعليقة عليها ان ثباتها معقول جدا و خصوصا ان هو معاه نيسان صني )
2-استهلاك البنزين بياخد فترة علي ما يتظبط حاليا ما بين 10-8 لتر لل 100 كم (شوية بتكييف ومن غير يعني متوسط 9 لتر )
3-البودي صاجة خفيف فعلا بس مش خفيف لدرجة انه ورق يعني او زي الهيونداي زمان (موديلات هيونداي الجديدة صاجها فوق الممتاز
4-اداء الموتور معقول جدا بس مش رياضي
5-انا عندي الفتيس مانيوال ..بصراحة فوق الممتاز
6-اتساع العربية من جو حلو جدا
7-خامات التابلو والتقفيل فوق الممتاز الحمدد لله مفيش اي مشاكل بعد سنة استخدام
8-عزل الصوت متوسط ... عزل الحرارة متوسط بعد مشوار طويل بحس ان الكاسيت سخن مش عارف مفيش عزل ورا الكاسيت ولا ايه
9- الباور بتاع العربية ممتاز جدا
10- التابلوة شيك وجامد جدا بس الكاسيت الشرايط و اللي مفيهوش Aux عاوز الحرق
11- لو فتحت الكبوت الحياة تحتيه حلوة واسع لو عاوز تمد ايدك (فيه عيب وهو ان انا اعتقد ان ال Ecm تحت علبة الفيوزات مباشرة ده ممكن يعرضها للخطر اثناء عسيل الموتور ....بصراحة معرفشي في بقية العربيات بتبقى فين )

بصراحة انا شايف انها تستاهل اللي اندفع فيها و هي بتديني اداء علي قد ما دفعت لا اكتر ولا اقل ........ الحمد لله ماوجهتش معاها اي مشكلة من اي نوع