الموضوع: تجربه شد مع جين2 2011

المشاركة الأصلية كتبت بواسطة lanos2004

انا بتكلم عن شد مش طلعه بالعربيه
يعنى انا لو جريت مع هيونداى جيتز لحد 130 انا بتبهدل يبقه كدة عربيتى مش بتجرى
واصلا انا برميها ورا ظهرى بعد 140 وبعد 190 بيكون الفرق 100 متر وعند 210 بدور عليها راحت فين
جين تو محركها بيقوم بعد 100
هيونداى محركها بيقوم من لمسه بنزين
يعنى لو جروا لحد 100 هيونداى تعلم على الجين تو بدون كلام
انما لو جرى طريق مفتوح الجين تو مش سهله خالص خاصه ان عزمها بيطلع متاخر
ومش معنى كدة ان الينترا وحشه او مش بتاعت جرى

بعيد عن الموضوع دا ... انا ملاحظ انك كل لما تشد مع حد لازم تعدى ال200
الموضوع دا ليه ميزة , انك بتقييم العربية اللى بتشد معاك كويس لانك بتشوف ادائها ف low , mid , high و ف الاخر انت اللى بتفرق عنه بفضل الموتور اللى انت مسقطه و خلا ال top speed عندك اعلى من معظم ان ما كنش كل ال1600, لان معظم ال1600 و خصوصا الاوتو بيتقطع نفسه عند 180 190 و بيوصل منها ل 200 210 ف ربع ساعة مثلا
دا حتى العربيات التربو بتلاقى ان torque peak بتاعها ع low rpm
يعنى بتاع التربو هيسبقك لكن انت ممكن تحط عليه بال top speed ( بالمناسبة انا معرفش ال top speed عندك كام بس ملاحظ من مشاركاتك انك بتعدى ال200 بفرق كويس) , يبقى كدة انت اسرع من التربو؟
انا اقصد ان انا لما اشد مع حد و اوصل معاه 200+ و اعدى منه لان ال top speed بتاعته اقل , فا دا كدة مواتير بتشد مع بعض مش سواقين بيشدوا مع بعض و اعتقادى الشخصى ان دا مش ممتع و ف نفس الوقت مش امان و خصوصا ف شوارعنا دى و عليه انا لما احب اقيم acceleration بتاع عربية اشوف بتوصل ل 150 ف كام ثانية عشان ابقى عارف امكانياتى ف الlow , mid لان انا مش بوصل لل top speed كل يوم و دا رأى الشخصى اللى ممكن كتير يختلف معايا فيه و عشان كدة انا شايف ان الالنترا اسرع من ال Gen - 2 ( انا قلت اسرع مش اثبت)