إلى كل من يهمه تغيير الكاوتش .. وخاصة إلى الناس إللي غيرت بالفعل

**abdulmoniem** · 08-03-2013 08:18 AM

السلام عليكم ورحمة الله وبركاته

دلوقتي أنا سوبر صالون الجديدة .. لسة ماشي بماكسس .. عامل بتاع 2000 كيلو دلوقتي

لما بمشي في أسفلت مش متظبط .. وتحس إن الظلط باين منه .. بحس دايماً بحركة الكاوتش على الأرض ومراتي بتقولي ليه العربية مش بتبقى ناعمة.

لكن في حالة أسفلت مظبوط .. بتمشي كويس

السؤال بقا ... للناس إللي غيرت الكاوتش

هل إنتا حسيت بفرق في المدقات والطرق إللي مش متسفلتة كويس؟

وبخصوص الفرامل؟ هل حسيت بفرق؟ وهل تغيير الكاوتش يفرق مع الفرامل ووقت وقوف العربية؟

كمان عايز أعرف فايدة النيتروجين الفعلية؟ ما الفوائد إللي هتعود عليا من تغيير الهوا بنيتروجين.

موضوع تغيير الكاوتش شاغل بالي اليومين دول خاصة لو في حاجة متعلقة بالأمان.

**Elawany13** · 08-03-2013 10:14 AM

ممكن يكون ضغط الهواء جوه الكاوتش عالى 35 مثلاً
علشان كده بتحس بالدبدبه والحصو
لول قللت ضغط الهواء الى 30 هتلاقيها انعم

**abdulmoniem** · 08-03-2013 11:42 AM

جزاكم الله خيراً يا شباب

يا ترى الناس إللي غيرت من الماكسس تحديداً .. حست بفرق في الحاجات إللي أنا قلت عليها؟

**sno7y** · 08-03-2013 01:42 PM

متابع

**mem** · 08-03-2013 02:36 PM

متابع

**megaman** · 08-03-2013 02:59 PM

لو عايز تغير والماديات كويسه يبقى بردجستون لو حاجه كويسه واوفر يبقى كومهو اكستا تحديدا مش سولس ولا حاجه تانيه تلاقيه عند سمير بيومى شارع التحرير الدقى وشكرا بقولك ايه يا باشا انا مخدتش بالى امشى بالماكسيس مش اقل من 40-50 وبعدين غير انت مستعجل ليه دا انت لسه 2000

**abdulmoniem** · 08-03-2013 03:03 PM

المشاركة الأصلية كتبت بواسطة megaman

لو عايز تغير والماديات كويسه يبقى بردجستون لو حاجه كويسه واوفر يبقى كومهو اكستا تحديدا مش سولس ولا حاجه تانيه تلاقيه عند سمير بيومى شارع التحرير الدقى وشكرا بقولك ايه يا باشا انا مخدتش بالى امشى بالماكسيس مش اقل من 40-50 وبعدين غير انت مستعجل ليه دا انت لسه 2000

أصلي بسأل لأني خايف يأثر على العفشة وعلى الفرامل وكدة

طيب إيه رأيك في الميشلان؟

**svneleven** · 09-03-2013 03:35 AM

المشاركة الأصلية كتبت بواسطة abdulmoniem

أصلي بسأل لأني خايف يأثر على العفشة وعلى الفرامل وكدة

طيب إيه رأيك في الميشلان؟

لو الكاوتش مريح حضرتك و الفرامل كويسة ما تخافش لا علي العفشة و لا الفرامل.
الميشلان مش محتاج سؤال. أعلي تكنولوجيا لتصنيع الكاوتش في العالم. ماركة عالمية زي البيريللي و الكونتينينتال (اللي مش مضروبين).

**ahmed452003** · 09-03-2013 09:32 AM

المشاركة الأصلية كتبت بواسطة abdulmoniem

جزاكم الله خيراً يا شباب

يا ترى الناس إللي غيرت من الماكسس تحديداً .. حست بفرق في الحاجات إللي أنا قلت عليها؟

أخي الكريم طبعا هناك فرق شاسع الاطار الماكسس خاصة بالنقشة التي تنزل مع السيارة سيئة للغاية من ناحية الصوت والزلط وحتى الفرامل والاطار صيني !!!!!!

توكل على الله وغير الاطار بماركة محترمه بريدجستون او مشيلان نفس المقاس او مقاس بديل 195/60r15 وبسرعة لان الاطارات اسعارها ترتفع مع ارتفاع الدولار .