الموضوع: المخالفات والغرامات....للسيارات الملاكى الخاصة

المشاركة الأصلية كتبت بواسطة MMamdouh

هو لما نخالف القانون و ندفع غرامة تبقى جباية؟؟

المثل بيقول: امشى عدل يحتار عدوك فيك

MMamdouh

للأسف يا أستاذ محمد الهدف هو الجباية و ليس اعادة الانضباط,
هما ليه بيخبوا الرادار تفتكر؟! على فكرة المفترض انو الرادار يكون فى مكان معروف و ظاهر حتى يجبر السائق على تهدئة السرعة, لكن فى مصر الحكومة عايزه الناس تجرى و هى تلم الفلوس,
أنا أعلن من هنا اننى لن التزم بقانون المرور لا الجديد و لا القديم كلما سنحت لى الفرصة, و ابقى اخبطى راسك فى الحيط يا حكومة.
الفكرة انو الانضباط غايب عن الشارع المصرى ليس بسبب القوانين, و لا بسبب الاستهتار, بل بسبب سوء تخطيط الشوارع,
اللى بيخش غلط تفتكر ليه بيخش غلط؟! عشان غاوى يغلس على خلق الله و لا عشان الحكومة الذكية مش عاملاه مكان يلف منه و يدخل صح الا بعد 20 كيلو؟!!
مش منطقى انى لو نسيت اللفة فى الدائرى مثلا امشى 20 كيلو قدام و ارجع تانى, منطقى انى اجيب مارشيدير و الحق نفسى,
لو كانت اللفة على بعد كيلو واحد مثلا مكنتش هرتكب مخالفة, و ده مثال عن سوء التخطيط الى بنتكلم عنه,
اللطيف انو التدخين أو الشرب أثناء القيادة غرامة برضو:)
شفتو حجم المهزلة.

المشاركة الأصلية كتبت بواسطة MMamdouh

واحدة واحدة بس يا فادى...

دلوقتى لو هى جباية فعلا... و انت مشيت صح... فيه حد يقدر يقولك بم؟؟؟

انا نزلن الشارع من يوم السبت لحد النهاردة و عديت على ضباط و امناء و كماين و رادارات ولا حد كلمنى لانى ماشى ملتزم... لابس حزامى و ماشى حسب السرعة المقررة ولا بدخن و لا بتكلم فى محمول و لا مركب فيمية.... معنديش ملصقات و طفايتى جنبى و رخصى تمام... خللى راجل ابن راجل يطلع تلكيكة عشان ياخد مخالفة

انا لما امين او ضابط بيوقفنى و يسال على الرخص بطلعها من غير ما اقوله كلمة... و كل مرة بيبص فيها و يرجعهالى فى 3 ثوانى و الحمد لله

صدقنى الالتزام مفيش احسن منه... انا معاك ان فيه ناس بتخالف و بتمشى معاها كدة و بيعدوا... بس فى الاخر حيقعوا حيقعوا... اذا مكانش النهاردة حيبقى بكرة

و خللى بالك من نقطة... فى حالة حصل حادث او كدة لا قدر الله كل الاخطاء دى حتتحسب عليك (محول - تدخين - السرعة المقررة) و ممكن تضعف موقفك حتى لو كنت انت مش غلطان فى الحادث

MMamdouh

معلش يا استاذ محمد انا دمى محروق من الصبح من ساعة المخالفة و ال50 جنيه الى دفعتهم حرق و نار فى جتتهم.
طبعا لا يمكن القيادة لمسافات طويلة بدون تدخين بالنسبة للمدخن, و لو مدخنتش نسبة الحوادث الى ممكن اعملها هتزيد مش هتقل :)
و المحمول ساعات بيبقى فيه مكالمات مهمة و مينفعش كل مكالمة اقف على جنب و اتكلم كده مش هوصل, و لست معتادا على استخدام السماعات,
و لو مشيت 20 كيلو قدام ممكن جدا اعمل فيهم حادثة و ممكن ارجع عكسى و معملش حادثة ده قضاء و قدر,
و مش اى حاجة بتطبق بره تبقى صح, الحاجة الوحيدة الى برا صح هى وجود الرادارات بشكل ظاهر لأن الهدف هو تقليل السرعة و ليس الجباية, فيما عدا ذلك فانا لست مع تشديد عقوبات المرور لأن بصراحة كل مخالفات المرور هى حرية شخصية و نادرا ما ينتج عنها حوادث, كما أنه ليس من المنطقى محاسبة السائق قبل وقوع الحادثة,
لو كنت واقف معانا النهاردة هتشعر بمدى السعادة و الشماتة الى كان فيها الناس و هما شايفين الشملول راجع على الموتوسيكل بعدما فشل فى القبض على الشاهين المخالفة, و لم يستطع حتى التقاط نمرها,
الواحد حاسس انو حريته الشخصية تنتهك بقوانين تعسفية و غير منطقية,
الحزام و التدخين حرية شخصية بحتة, و السير عكس الاتجاه و الركن الخاطىء كله بسبب سوء التخطيط,
مين قال انى بركن صف تانى عشان أغلس على الناس؟
لو كنت لقيت مكان اركن فيه اكيد مش هركن صف تانى و أعرض سيارتى لخطر التجريح,
على فكرة كلها اسبوعين و لا تلاتة و هترجع ريما لعادتها القديمة, و السبب هو انو سوء تخطيط الشوارع (قد يكون مقصودا بهدف اجبار السائق على المخالفة ثم الجباية) لأن ناس كتيرة مش هتلتزم, فاذا اردت أن تطاع, يجب أن تأمر بما هو مستطاع,
هذا هو ما اتحدث عنه, الحكومة مش خايفة علينا و لا على المرور, الحكومة سنت هذه القوانين لجباية المزيد من المال لا أكثر و لا أقل.
و حسبى الله و نعم الوكيل فى الفلوس و الوقت الى ضاعوا منى النهاردة بسبب هذا القانون الأحمق.

المشاركة الأصلية كتبت بواسطة MMamdouh

هو لما نخالف القانون و ندفع غرامة تبقى جباية؟؟

المثل بيقول: امشى عدل يحتار عدوك فيك

MMamdouh

انا معاك 100 فى ال100

المشاركة الأصلية كتبت بواسطة فادى

مش منطقى انى لو نسيت اللفة فى الدائرى مثلا امشى 20 كيلو قدام و ارجع تانى, منطقى انى اجيب مارشيدير و الحق نفسى,

و من هنا تحصل الحوادث تبقى ماشى و تلاقى واحد راجع بضهرة فى الدائرى.

طب مهو ال20 كيلو دول مش هياخدوا منك 10 دقائق و قدامهم ممكن تخبط عربيتك او انت نفسك يجرالك حاجة.

فية بعض الHighways برة لو ملحقتش الExit بتاعك ممكن توصل للمدينة اللى بعديها عشان تلف. و بالمناسبة لو رجعت هناك بضهرك هايسحبوا رخصك و يدفعوك غرامة كبيرة + قضية و لازم تروح لطبيب نفسى.

المشاركة الأصلية كتبت بواسطة فادى

لو كانت اللفة على بعد كيلو واحد مثلا مكنتش هرتكب مخالفة, و ده مثال عن سوء التخطيط الى بنتكلم عنه,

دة مش مبرر ابدا امشى دايما صح مش مشكلة 2 او 3 دقائق زيادة.

الصح صح و محدش يقدر يفتح بقة معاك.