الموضوع: حكايتى مع الميكانيكى/ محمد عبدة

المشاركة الأصلية كتبت بواسطة rabso88

يا جماعه محيرين نفسكو ليه و هتزعلو من بعض ليه الموضوع و الله مش مستاهل كل الكلام ده كله
انا شايف ان صاحب الموضوع نقلنا تجربته مع عبده و كل واحد حر يتعامل معاه او ﻷ
و معلش يا سيدى محدش بيتعلم ببلاش انت حسيت انو ضحك عليك فى الشغل و الفلوس يبقى ماترحلوش تانى و الله ربنا هيعوض عليك
و بالنسبه لعبده انا ما اتعاملتش معاه قبل كده ف من المفروض لما اقرأ الكلام الى انت حاكيت عنه ده يبقى انا صاحب القرار اروحلو ولا ﻷ بس ما اشتمش فييه و اطلعو حرامى و انا متعاملتش معاه اصلا . يا اخوانا تحابو فى الله و محدش يزعل من حد المفروض المنتدى ده معمول علشان الناس تتواصل مع بعض و يساعدو بعض بس مش معمول علشان الناس تأفش على بعض

ايه الجديد اللى ضافته المشاركة دى ؟ ما الناس كانت هديت وقولنا شكراً لصاحب الموضوع

وكان الله بالسر عليماً

المشاركة الأصلية كتبت بواسطة alto_nx

ايه الجديد اللى ضافته المشاركة دى ؟ ما الناس كانت هديت وقولنا شكراً لصاحب الموضوع

وكان الله بالسر عليماً

انا اسف

المشاركة الأصلية كتبت بواسطة msobhy

طيب أنا هاحكى السبب الرئيسى اللى خلانى ابيع عربيتى
اول لما جبت العربيه فعليا مكنش عندى ميكانيكى وكنت كل شويه اروح من واحد للتانى
المهم عرفت محمد عبده عن طريق المنتدى
من اول مره روحت له وفعلا اتصدمت من المصنعيات - وفعلا كنت محرج انى اتكلم هنا عليها - لأنى لاقين ان مفيش حد بيشتكى - لغاية لما سألت فى مره على استحياء على أسعار مصناعيته هل هيه عاليه ولا عاديه ولاقيت الناس كلها بتشتكى ساعتها
أحب أقول لحضرتك ملخص المصايب اللى عبده عملها معايا
الاول تغيير فلاتر وسيور وبوجيهات 250 جنيه
بعد كده تغيير مساعدين وطنابير امامى وتيل فرامل امامى ومش عارف ايه تانى فى دورة المياه - تقريبا كانت 300 جنيه
ومن ده كتييييييييييييييييييير لكن خد التقيله
لاقيت العربيه سحبها زى الزفت و بتاكل ميه كتييييير - قال لى ده جوان وش السلندر - وتكلفته 300 جنيه - بعد ما فك قال لى وش السلندر لازم يتغير - قلت ماشى - أشتريت واحد مش فاكر بكام وطبعا عن طريقه - وركبنا جت احاسب لاقيته بيقول لى ان حسابه 500 جنيه - ليه يا عم اصل كان فيه شغل مخرطه وافشخنات ومش عارف ايه - المهم دفعت 400 جنيه زى الحمار
أجرب العربيه أكتشفت انى ماشى بعربية نموس - كمية دخان رهيبه طلعه من الشكمان
قالى ديه هاتخف كمان يومين - طبعا كدب السنين وسحب العربيه بقى فى الضياع رجعت له - قال لى ان الموتور كده عايز عمره - طبعا انا اتجننت - فجأه كده بقى عايز عمره - اه طيب والتكلفه - قال لى تقريبا من 3000 الى 3500 - طبعا انا رفضت وقلت نشترى موتور - حاول يقنعنى ان العمره هاتكون احسن - وفى النهايه اشتريت شورت بلوك ب 1000 - والباشا اخد مصنعيه تاااااااااااااااااااااااا اااااانى 500 جنيه على ايه معرفش - كل ده علشان طلبت منه تغيير كل الجوانات بتاعت الموتور ----- يعنى لسع منى 900 جنيه فى تغيير موتور
الجميل ان الموتور كان بيسيل زيت من عند وش السلندر - رجعت له قال لى انه عايز يتقرط عليه بس - وطبعا كلام كدب
بعدها ب 3 شهور وانا عنده قال لى ان جوان وش السلندر لازم يتغير علشان نوعه وحش (ده اسلام اللى عنده) وأول لما فك قال لى باللفظ ان اللى ركب محطش سليكون قبل ما يقفل - بجد انا مش عارف ساعتها انا كان هايحصل لى ايه
المهم زى الباشا دفعت 250 جنيه بالعافيه فى الجوان على اساس انه تكملة شغله
بعدها لاقيت العربيه بتسخن بغباء - روحت له وقلت له بوضوح ان المشكله ديه مشكلة ترموستات الكوعه
عمل كالتالى
الاول غير ترموستات الحراره وعمل شوية هبل وقال لى كده خلاص اتظبطت - وطبعا انا كنت هاتجنن - ترموستات حراره ايه اللى تسخن العربيه ودفعت 50 جنيه
طبعا العربيه تانى يوم كانت مولعه روحت له قال لى ديه الطرمبه - يا عم يهديك يرضيك - قال لأ ديه الطرمبه روحنا مغيرين الطرمبه وساعتها العربيه بقت بسقف جامد جدااااااااااااااا - المهم لأول مره روحت سايبه وماشى من غير ما حاسبه بيقول لى هو مفيش فلوس - قلت له لما تخلص شغلك
تانى يوم والله العظيم انا روحت له من نفق الجيزه لغاية عنده فى 4 أو 5 ساعات - العربيه بمجرد انها تشتغل بتولع
اتكرم عليه ساعتها وغير الترموستات وكان عايز 300 جنيه اديته 150 وقلت له انه المفروض هو اللى يحاسب على قطع الغيار اللى ركبت غلط ديه - راح قايل لى كلمته المعتاده - هو انا مغسل وضامن جنه
المهم سيبته والعربيه بتكركر وتسقف جااااااااااااامد جدا
يا عم انت مش بتقول ان التسقيف بسبب الحراره والعربيه اتظبطت - قال لى طيب انا هاعمل لك تعديل هايزود سحب العربيه جدااااااااااااااااااااااا ا وهايشيل التسقيف - وقام مغير لى طمبورة الكرنك من عنده بواحده خفيفه - ولا السحب زاد ولا التسقيف قل - وفى الاخر كان عايز يحاسبنا على ثمن الطمبوره 200 جنيه بالتركيب وهو ياخد القديمه
رجعتهاله وجبت سنسور كرنك وجربناه وطلع هو سبب التسقيف والصنايعى اللى عنده كان راسه والف جزمه انى اخد واحد مستعمل من عنده وأرجع الجديد
بالمناسبه كان عايز يدينى المستعمل ب 250 جنيه وانا كنت جايب ال gm تقريبا ب 100 - لما عرف تمنه قال لى خلاص - رجع الجديد وهاديلك الاصلى ده ب 100 بس - طبعا انا رفضت
المهم بعدها فعلا سيبت العربيه لغاية لما اتعرفت على ميكانيكى تانى فى شارع البحر الاعظم - مقارنه ب محمد عبده هو أحسن وارحم بكتيييييييييييييييييير - لكن حسبتها ان محمد عبده (مش العربيه) بيكلفنى فى حدود 3 جنيه سنويا على الاقل - روحت بعت اللى ورايا واللى قدامى واستلفت من طوب الارض واخدت عربية واحد قريبى
والله العظيم احد الاسباب الرئيسيه اللى خلتنى ابيع اللانوس هو محمد عبده
وانا عن نفس مش مسامحه على اى حاجه هو اخدها منى بدون وجه حق

ايه ياعم انتا بتكلم جد عن المصنعيات دي انا مش بكذبك بس بجد اسعار تخليك تستغرب
ده انا الي خالني ابيع الجولف المصنعية بتاعت الميكانيكي بس بياخد المصنعية وهو يستاهل
لي ان العربية بتخرج من عنده كل مشاكلها محلولة ومن اكتر الاسباب الي خالني ابيعها قطع غيارها في فيصل والميكانيكي في جسر السويس وانا عند ولدتي في امبابة ولو في القاهرة الجديدة برضة سكني بس برضة كل حجتها بعيدة عني
بس بصراحة اسعار مبالغ فيها ومافيش علاج انا لو منك كنت عملت جناية

المشاركة الأصلية كتبت بواسطة blazer

السلام عليكم ورحمة الله وبركاتة

انا مبدئيا بعمل الموضوع دا وربنا شاهد على انى لا أذكر غير الحقيقه فقط

انا رحت لمحمد عبدة عشان كان عندى فى العربيه تسريب زيت من جوان طرمبة الزيت
طبعا اتفك سير الكاتينة و كاريتيرة الزيت عشان يوصل للجوان ويغيره
و لما اتفك غيربنا بلمره طرمبة المية و طقم بلى و سير جديد وجوان غطا التاكيهات وخرطوم من خراطيم الباور
وعملت بعد ما خلصت الشغل اختبار كبس للميه عشان كانت بتنقص وقالى عربيتك زى الفل مفيهاش حاجه
ودفعت مصنعية 300 جنية

تانى مره رحت ليه كان فيه خرطوم بيسرب ميه
فقالى نغير طبب المياه كلها بلمره عشان تتطمن على العربيه
قولت ماشى اهو اجراء احترازى لانى شارى العربيه مستعمله وقبل ما امشى الصنايعيى الى عنده طلب فلوس عشان لو هيشترى حاجه دفعت له 40 جنيه " وانا كنت شارى جوانات جديده لفرن الشكمان والمنافولد و الطبب جايب بزياده كمان " وهو جاب من عنده خرطومين الى اتغيروا
تم تغير الطبب الامامية والخلفية
و تغيير خرطومين تلاته الى ورا المانفولد
واتفاجئت انه نزل زيت الباور مش عارف ليه " تقريبا عشان يفك حاجه جمبه " مع انى كنت لسه مغيره بزيت موبيل 320!!!

فلمهم جيت لوقت الحساب
بيقلى 400 جنيه وعشان خاطرك 350
طبعا انا افتكرته بيهزر!!!!!

من هنا لهناك مرضيش ينزل جنيه واحد
دفعت كل الى معاى واكن 275 جنيه وقلتله 3 ايام وهجبلك الباقى عشان كان يوم الاحد اجازه عندهم

رحت له بعدها ب 5 ايام
و الميه لسه بتنقص فعمل اختبار كبس وقالى شوف كدا هتنقص ولا لا وابقى كلمنى
ودفعت له ال 75 جنيه باقى حسابة ويبقى كدا وصل ليه 350 جنيه وطبعا مسالتش على ال 40 جنيه الى الصنايعية اخدوهم عملوا بيهم ايه


المشكله بقى ان بعد كل دا الميه لسه بتنقص واما كلمته بيقلى يبقى كدا احتمال دوان وش السلندر عندك بيسرب !!!!!!!!!!!! وتعالى نكشف على العربيه ونشوف هى محتاجة ايه؟
يعنى انت مكنتش كشفت على العربيه وانت بتغير الكاتينة وانت بتغير الطبب؟ ولسه ناوى تكشف ونفتح تانى كل دا ؟


انا هسيب التعليق ليكم
وان كان فيه غلط فهبقى انا الى غلطان انى وثقت فى واحد لمجرد الكلام الى اتقال عليه


بس انا عامل الموضوع دا بحذر الناس من التعامل معاه لانه انسان غير امين و مبيقفش اصلا والعربيه بيتعمل فيها حاجه غير نص ساعه اخر اليوم لما يجوا يقفلوا الورشه
وحسبى الله ونعم الوكيل فيه

روحتله اول لما اشتريت عربيتي بعد ما في ناس قالوا انه كويس بس لما روحتله لاقيته عادي جدا وبيغير كل حاجة ليها علاقة بالمشكلة وفي الاخر بيطلب مصنعية مبالغ فيها ومشيت ونص المشاكل اللي كنت رايحله بيها زي ما هي بس مروحتش تاني بصراحة عنده وبرده خد مني 300 جنيه في تغير السيور .

المشاركة الأصلية كتبت بواسطة blazer

ياباشا متخلنيش اندم انى عملت موضوع زى دى
والله العظيم الموضوع لا يمسك بقريب او من بعيد او ينقص من قدرك شىء

وانا وضحت ليك وجهة نظرى
محمد عبده بيتعامل معاك ومع الناس الى يعرفهم معرفة شخصيه بطريقه كويسه و بيهتم بعربياتكم و مبيطلبش مصنعية غير المعقول او ازيد سنه بسيطه
انما مع الى ميعرفهمش بيحصل زى الى حضرتك قريتة فى الموضوع

وانت تندم ليه ؟ انت بتعمل خير انك بتنصح غيرك ومفهاش مشكلة انك تقول رايك والمفروض محدش يزعل من رايك ولازم كلنا نسمع بعض .

المشاركة الأصلية كتبت بواسطة msobhy

ممدوح حبيبى وصاحبى وأخويا
وقبل ما أرد انا باعتذر لك لو اى حاجه قلتها ضايقتك أو أى حاجه من اللى هاقولها هاتضايقك
والله العظيم يا ممدوح انت من اكتر الناس المحترمه اللى قابلتها فى حياتى - واتعلمت منك كتييييييييييييير - وبجد من اهم الاسباب اللى كانت منعانى من انى اتكلم فى موضوع محمد عبده هو انت علشان متزعلش
انت بتفهم طبعا احسن منى بكتيييييييييييييييييييييي ييييييير - وخبرتك اعلى منى - وانت دايما بتأكد أن عبده ميكانيكى محترف وفاهم
بجد محمد عبده وده من وجهة نظرى ميكانيكى شاطر وبس - مقابلته للناس محترمه جدا وتعامله مع الناس زى الفل - لكن فعلا شغله مش مميز على الاطلاق - بالاضافه انى غالى بغباء
ومن أسوأ عادات محمد عبده انه مش بيتحمل نتيجة أخطاؤه
يعنى ايه انك تغير كذا قطعة غيار وتحاسب الزبون على مصنعيتها كمان - ده فى شرع ميييييييين؟
يعنى ايه انك تخلينى ادفع دم قلبى وبرضو عربيتى مش مظبوطه
والله العظيم يا ممدوح انا كان عندى صوت خبط فى العربيه من ورا - ومحمد عبده أشتغل فيه تقريبا 10 مرات وفى كل مره يعمل حاجه وبرضو الصوت مرحش - فى مره كنت قريب من العفشجى بتاعى عملها لى بالظبط فى دقيقه وحلف 100 يمين انه مياخدش حاجه
.
يمكن يكون محمد عبده بيشتغل فى عربيتك أو عربياتك بنفسه - يمكن يكون بيعمل تخفيض بحكم انه فعلا بيحبك
لكن مع الناس كلها محمد مش بيعمل غير حاجه واحده بس - انه بيقابل الناس كويس
والله العظيم انا وصلت لمرحله انى بمعدل كل شهرين بالكتيييييييييير لازم اروحله وفى الاخر اخدت القرار انى مش هاروحله الا لو العربيه باظت خاااااااااااااااااالص
واخر مره كنت عنده فعلا حسيت انى غبى انى برجعله - الاول كنت بقول انه محترف - طيب انا طلع عينى وعين امى معاه - ومن ساعتها وانا بجرب مع نفسى لغاية لما ربنا كرمنى وجبت حاجه شبه زيرو
والله يا محمد انا طالع عين أهلى مع محمد عبده فى صوت العربيه ورده النهائى - كل اللانوس كده - اركب اى عربيه جديده الاقيها انعم من عربيتى - عارف انى صرفت فى الموضوع ده فوق ال 2000 جنيه لأنى فعلا بموت من صوت العربيه العالى وبرضو فشلت - بس الصراحه الفشل مكنش فشلى - كان فشل محمد عبده
.
ممدوح انت لو ركزت شويه - محمد عبده لو كان محترم فى طريقة شغله وبناءا على الصيت المهول اللى اكتسبه من نايل موتورز كان زمانه بقى صاحب اكبر مركز صيانه فى القاهره
.
مجرد سؤال - انا اتعرفت على اتنين عن طريق المنتدى (ومش بقول عن طريقك) محمد عبده الميكانيكى - ومحمد السيد الكهربائى
كلنا عارفين ان محمد السيد غالى شويه - لكن فى المقابل مفيش ولا واحد قال كلمه واحده فى حقه - انا بعت لمحمد السيد كذا عربيه - مفيش ولا واحد رجع واشتكى منه - محمد عبده انا بعت له 3 عربيات بالعدد وبعدها لاقيت الكل بيشتكى فبطلت انى ابعت له حد تانى


للمره الاخيره انا باعتذر لأى حد فى المنتدى لو كلامى ضايقه وربنا يكرم الجميع

+++++++1

المشاركة الأصلية كتبت بواسطة msobhy

طيب أنا هاحكى السبب الرئيسى اللى خلانى ابيع عربيتى
اول لما جبت العربيه فعليا مكنش عندى ميكانيكى وكنت كل شويه اروح من واحد للتانى
المهم عرفت محمد عبده عن طريق المنتدى
من اول مره روحت له وفعلا اتصدمت من المصنعيات - وفعلا كنت محرج انى اتكلم هنا عليها - لأنى لاقين ان مفيش حد بيشتكى - لغاية لما سألت فى مره على استحياء على أسعار مصناعيته هل هيه عاليه ولا عاديه ولاقيت الناس كلها بتشتكى ساعتها
أحب أقول لحضرتك ملخص المصايب اللى عبده عملها معايا
الاول تغيير فلاتر وسيور وبوجيهات 250 جنيه
بعد كده تغيير مساعدين وطنابير امامى وتيل فرامل امامى ومش عارف ايه تانى فى دورة المياه - تقريبا كانت 300 جنيه
ومن ده كتييييييييييييييييييير لكن خد التقيله
لاقيت العربيه سحبها زى الزفت و بتاكل ميه كتييييير - قال لى ده جوان وش السلندر - وتكلفته 300 جنيه - بعد ما فك قال لى وش السلندر لازم يتغير - قلت ماشى - أشتريت واحد مش فاكر بكام وطبعا عن طريقه - وركبنا جت احاسب لاقيته بيقول لى ان حسابه 500 جنيه - ليه يا عم اصل كان فيه شغل مخرطه وافشخنات ومش عارف ايه - المهم دفعت 400 جنيه زى الحمار
أجرب العربيه أكتشفت انى ماشى بعربية نموس - كمية دخان رهيبه طلعه من الشكمان
قالى ديه هاتخف كمان يومين - طبعا كدب السنين وسحب العربيه بقى فى الضياع رجعت له - قال لى ان الموتور كده عايز عمره - طبعا انا اتجننت - فجأه كده بقى عايز عمره - اه طيب والتكلفه - قال لى تقريبا من 3000 الى 3500 - طبعا انا رفضت وقلت نشترى موتور - حاول يقنعنى ان العمره هاتكون احسن - وفى النهايه اشتريت شورت بلوك ب 1000 - والباشا اخد مصنعيه تاااااااااااااااااااااااا اااااانى 500 جنيه على ايه معرفش - كل ده علشان طلبت منه تغيير كل الجوانات بتاعت الموتور ----- يعنى لسع منى 900 جنيه فى تغيير موتور
الجميل ان الموتور كان بيسيل زيت من عند وش السلندر - رجعت له قال لى انه عايز يتقرط عليه بس - وطبعا كلام كدب
بعدها ب 3 شهور وانا عنده قال لى ان جوان وش السلندر لازم يتغير علشان نوعه وحش (ده اسلام اللى عنده) وأول لما فك قال لى باللفظ ان اللى ركب محطش سليكون قبل ما يقفل - بجد انا مش عارف ساعتها انا كان هايحصل لى ايه
المهم زى الباشا دفعت 250 جنيه بالعافيه فى الجوان على اساس انه تكملة شغله
بعدها لاقيت العربيه بتسخن بغباء - روحت له وقلت له بوضوح ان المشكله ديه مشكلة ترموستات الكوعه
عمل كالتالى
الاول غير ترموستات الحراره وعمل شوية هبل وقال لى كده خلاص اتظبطت - وطبعا انا كنت هاتجنن - ترموستات حراره ايه اللى تسخن العربيه ودفعت 50 جنيه
طبعا العربيه تانى يوم كانت مولعه روحت له قال لى ديه الطرمبه - يا عم يهديك يرضيك - قال لأ ديه الطرمبه روحنا مغيرين الطرمبه وساعتها العربيه بقت بسقف جامد جدااااااااااااااا - المهم لأول مره روحت سايبه وماشى من غير ما حاسبه بيقول لى هو مفيش فلوس - قلت له لما تخلص شغلك
تانى يوم والله العظيم انا روحت له من نفق الجيزه لغاية عنده فى 4 أو 5 ساعات - العربيه بمجرد انها تشتغل بتولع
اتكرم عليه ساعتها وغير الترموستات وكان عايز 300 جنيه اديته 150 وقلت له انه المفروض هو اللى يحاسب على قطع الغيار اللى ركبت غلط ديه - راح قايل لى كلمته المعتاده - هو انا مغسل وضامن جنه
المهم سيبته والعربيه بتكركر وتسقف جااااااااااااامد جدا
يا عم انت مش بتقول ان التسقيف بسبب الحراره والعربيه اتظبطت - قال لى طيب انا هاعمل لك تعديل هايزود سحب العربيه جدااااااااااااااااااااااا ا وهايشيل التسقيف - وقام مغير لى طمبورة الكرنك من عنده بواحده خفيفه - ولا السحب زاد ولا التسقيف قل - وفى الاخر كان عايز يحاسبنا على ثمن الطمبوره 200 جنيه بالتركيب وهو ياخد القديمه
رجعتهاله وجبت سنسور كرنك وجربناه وطلع هو سبب التسقيف والصنايعى اللى عنده كان راسه والف جزمه انى اخد واحد مستعمل من عنده وأرجع الجديد
بالمناسبه كان عايز يدينى المستعمل ب 250 جنيه وانا كنت جايب ال gm تقريبا ب 100 - لما عرف تمنه قال لى خلاص - رجع الجديد وهاديلك الاصلى ده ب 100 بس - طبعا انا رفضت
المهم بعدها فعلا سيبت العربيه لغاية لما اتعرفت على ميكانيكى تانى فى شارع البحر الاعظم - مقارنه ب محمد عبده هو أحسن وارحم بكتيييييييييييييييييير - لكن حسبتها ان محمد عبده (مش العربيه) بيكلفنى فى حدود 3 جنيه سنويا على الاقل - روحت بعت اللى ورايا واللى قدامى واستلفت من طوب الارض واخدت عربية واحد قريبى
والله العظيم احد الاسباب الرئيسيه اللى خلتنى ابيع اللانوس هو محمد عبده
وانا عن نفس مش مسامحه على اى حاجه هو اخدها منى بدون وجه حق

انت بالك طويل اوي انك كنت بتسمع كلامه