العربية مخنوقة ومابتسحبش و الدركسيونبيرعش على السرعات

**delaga** · 10-03-2013 07:46 PM

العربية بقالها فترة مابتسحبش خالص ولما بزود بنزين صوت الموتور بيعلى وكمان الطارة بترعش على السرعات
والعربية عموما بحس انها مش ثابتة بعد ال 120 بتعوم شوية واى شوية هوا يوديها ويجيبها هل ده عيب عندى ولا هى الانسر كده
لانسر 2007 1600 اوتو هاف سبورت

**MR . Gold** · 10-03-2013 07:56 PM

المشاركة الأصلية كتبت بواسطة delaga

العربية بقالها فترة مابتسحبش خالص ولما بزود بنزين صوت الموتور بيعلى وكمان الطارة بترعش على السرعات
والعربية عموما بحس انها مش ثابتة بعد ال 120 بتعوم شوية واى شوية هوا يوديها ويجيبها هل ده عيب عندى ولا هى الانسر كده
لانسر 2007 1600 اوتو هاف سبورت

ياباشا موضوع السحب شوف فلتر البنزين وفلتر الهواء والبوجيهات .. ونضف مجموعة الفراشة

موضوع ان العربية بترعش بعد سرعة معينة دة ترصيص

وموضوع العربية بتعوم منك وشوية هواء يأثرو فيها طبعاً الانسر مش كدة .. راجع علي الزوايا وعلي الكاوتش وشوف التيش الامامي والبارات .. وارجو اكون افادتك

**drmagieed** · 10-03-2013 09:48 PM

المشاركة الأصلية كتبت بواسطة lancar

ياباشا موضوع السحب شوف فلتر البنزين وفلتر الهواء والبوجيهات .. ونضف مجموعة الفراشة

موضوع ان العربية بترعش بعد سرعة معينة دة ترصيص

وموضوع العربية بتعوم منك وشوية هواء يأثرو فيها طبعاً الانسر مش كدة .. راجع علي الزوايا وعلي الكاوتش وشوف التيش الامامي والبارات .. وارجو اكون افادتك

من فضلك أية مجموعة الفراشة دي؟؟؟

**yousefsemsem** · 11-03-2013 12:42 AM

الموضوع ده كان عندي ونضفت البوابه وفلتر الهوا والرشاشات العربيه بقت كوييه بس مش اوي لان لسه عاوز اغير فلتر البنزين لاني لقيته زلتله بصراحه شوف كده واعمل الكاام ده وجرب

**Land_Cruiser** · 11-03-2013 01:01 AM

السحب الضعيف فى الاغلب سببه البنزين اللى مليان شوائب و اعتقد انك هتحس ان البنزين ما بيخلصش بسرعه و ممكن تنضف الرشاشات و تغير فلتر البنزين و بيبقى هناك منظف رشاشات بيتباع فى البنزينه و يضاف مع التفويله و ده. بيذيب الشوائب و يستحسن كمان تحط من بنزينه تانيه أما بالنسبه الرعشه فى الطاره فالعجل محتاج ترصيص اكيد و بالمره ممكن تبقى تعمل ضبط زوايا و خللى بتاع الكاوتش يجيب العجلتين اللى ورا قدام و اللى قدام ورا

**delaga** · 11-03-2013 03:45 PM

الف شكر يا رجالة على الرد انا ان شاء الله ناوى ابص على العفشة بس انا متأكد انها تمام وهاظبط زوايا وهارصص وهاغير البوجيهات واكيد فلتر البنزين وفلتر الهوا تمام مافيهوش حاجة وهاحط بالمرة منظف الرشاشات وهاخلى حد يبص على العجل بس مين بقى اللى يبص على العجل بتاع الكاوتش ولا العفشة ولا الزوايا مين بالظبط وموضوع تغيير العجل ده اعمله اكس ولا اجيب اللى ورا قدام واللى قدام ورا وايه افرق لو حد عارف
واسف على الاطالة

**Land_Cruiser** · 11-03-2013 08:39 PM

المشاركة الأصلية كتبت بواسطة delaga

الف شكر يا رجالة على الرد انا ان شاء الله ناوى ابص على العفشة بس انا متأكد انها تمام وهاظبط زوايا وهارصص وهاغير البوجيهات واكيد فلتر البنزين وفلتر الهوا تمام مافيهوش حاجة وهاحط بالمرة منظف الرشاشات وهاخلى حد يبص على العجل بس مين بقى اللى يبص على العجل بتاع الكاوتش ولا العفشة ولا الزوايا مين بالظبط وموضوع تغيير العجل ده اعمله اكس ولا اجيب اللى ورا قدام واللى قدام ورا وايه افرق لو حد عارف
واسف على الاطالة

اللى يبص على العجل و يرصص و يضبط الزوايا بتاع الكاوتش و ممكن تروح لبريدجستون fix and fit او لو تعرف حد كويس روح له مفيش مشكله. بالنسبه لتغيير العجل هو بيتعمل علشان زى ما حضرتك عارف ان وزن العربيه اتقل من قدام علشان الموتور و بالتالى موضوع ال rotation ده بيبقى الهدف منه ان مع الاستهلاك يتم تغيير الحمل على الكاوتش كل فتره بحيث يبقى كله زى بعضه و الا هتلاقى الكاوتش الامامى بيبوظ قبل الخلفى و ممكن تعمله اكس لو عايز المهم انك تبدل العجل

**delaga** · 12-03-2013 08:21 AM

المشاركة الأصلية كتبت بواسطة Land_Cruiser

اللى يبص على العجل و يرصص و يضبط الزوايا بتاع الكاوتش و ممكن تروح لبريدجستون fix and fit او لو تعرف حد كويس روح له مفيش مشكله. بالنسبه لتغيير العجل هو بيتعمل علشان زى ما حضرتك عارف ان وزن العربيه اتقل من قدام علشان الموتور و بالتالى موضوع ال rotation ده بيبقى الهدف منه ان مع الاستهلاك يتم تغيير الحمل على الكاوتش كل فتره بحيث يبقى كله زى بعضه و الا هتلاقى الكاوتش الامامى بيبوظ قبل الخلفى و ممكن تعمله اكس لو عايز المهم انك تبدل العجل

انا كنت ناوى اروح فعلا fix and fix وهاخليهم يجيبوا العجل اللى ورا قدام والى قدام ورا واظبط الزوايا وارصص ونشوف ايه النتايج